شخباركم؟!
أنا اليوم جايبة لكم طريقتي في تخفيف السليولايت الا وهي التشققات الحمراء اللي تصير
بالفخذ والأرداف وتشوه شكل الساق بمنظرها الكريه:(
لكن الحمدالله أستخدمت هالطريقة من نص شهر 6 وأحين أحنا بشهر 7 والحمدالله قاعدة
اشوف فرق كبير بس المناطق اللي فيها أحمر بزيادة يعني توها جديدة طالعة يبي لها وقت
على ما تروح
ما راح اكثر عليكم لان ادري قلبكم ملهوف يبي يعرف الطريقة
بس علشان تفتكون من هالسليولايت:D
الطريقة:
تدرون أن الحبكة القضاء على هلخطوط اهي التقشير تبين تقشرين بشرتش كل مرة تدخلين
تتسبحين علشان الجلد الميت ينشال ويسمح للكريمات المرطبة انها ترطب البشرة لان
السبب الرئيسي لهلتشققات اهو الجفاف
وانا مرة قريت موضوع ان هالمقشر الا تقشرين فيه يا يكون فيه حبيبات المشمش او الملح
وانا استخدم مقشر ستيفز بالمشمش
بعد المقشر حطي بيبي أويل لان المسام تكون مفتوحه وتتشربه البشرة اسرع
ولاحظوا لازم بشرتكم ما تجف ابد حق كل ما خف الجفاف كل ما انصلح حال لخطوط وبدت تروح
لان البيبي اويل يعطي ترطيب اكثر
وبعد ما تخلصين من الشور وتحطين البيبي أويل حطي أي لوشن أنت تحبيه حق تزيدين
الترطيب و أنا عن نفسي أستخدم البيبي لوشن لان بجد مرتاحة منه
بعدين مرة كل أسبوع حاولي تدهني هلخطوط بزيت اللون أو بزيت زيتون بعد وايد تمام
وتخليها ليوم ثاني وبعدين أتسبحي وبجد بمجرد ما تحطين الزيت ويوم ثاني راح تلاحظي الفرق
الشاسع بين قبل لا تحطين الزيت وبعد ما حطيته لمدة يوم وانا عن نفسي استخدم زيت اللوز
بس اللي ما عندها زيت اللوز تقدر تستغني عنه بزيت الزيتون
وملاحظة : كثروا من شربكم للماء لان ما في فايدة الجسم يحصل الترطيب من برى ومن داخل ما في ترطيب لان انا السبب الرئيسي لهتشققات مو اهمال في ترطيب بشرتي لا في عدم شربي للماء
أتمنى أكون أفدتكم
مع حبي
مشتاقة ليك