صبآح آلخير || مسآ آلخير
=)
آليوم سويت لكم سويت حلو وإن شالله يعجبكم
سهل ومايبيله شي
المقادير
- كوب تمر منزوع آلنوآه .. [ حطيه فالمكرويف لمدة 15 - 20 ثآنيه ] .! عشان يصير لين شوي
- 2 بيض
- 1 علبة قشطه
- ربع كوب زيت
- 1 ملعقة كبيره بكنج بودر
- 3 ارباع كوب سميد
- شوية فستق مطحون للتزيين
اول شي احط التمر بالخلاط العادي [ خلاط العصير ]
اخلطه شوي
وبعدها احط باقي المقادير [ ماعدا السميد ]
واخلطهم .. وبعدها احرك الخلطه شوي عشان ينخلط كل شي
وشوي ارجع اخلطهم
لين ماتصير الخلطه بهالشكل
اخذها واحطها ف مله كبيره
واحط عليها السميد
واخلطها .. بتصير بهالشكل
نسيت اصور لكم الصواني قبل لا ادخلهم الفرن:ss:
دخلت الصواني فالفرن لمدة 10 الى 15 دقيقه .. لأن القوالب صغار .. على 170 درجه
وطبعا تقدرون تحطون الخلطه ف صينيه كبيره وتقطعون البسبوسه بعدين
جيكت البسبوسه بعد 13 دقيقه لقيتها استوت
طلعتها
طبعا ف وقت اللي كانت البسبوسه فالفرن سويت الشيره [ القطر ]
المقادير
- 1 كوب سكر
- نص كوب ماي
- شوية زعفران
- ونص ملعقه صغيره هيل
^^ حطيتهم ع نار وسط لين مايذوب الشكر .. ولما حسيتها بدت تغلي شليتها من ع النار وحطيت عليها قطرتين ليمون
وخلطتها وخليتها ع جنب
هاي اول ماحطيتهم ع النار
وهذي الصوره بعد مااستوت
وهني حطيت ع كل قطعه ملعقة قطر
وبعد ماتشربت حطيت ع كل حبه شوية فستق مطحون
وهاي شكلها بعد ماخلصت
تقدرين تقدمينها ساخنه .. وحتى لو بارده بعد احلى
عادي تخلينها لين ثاني يوم .. غطيها بنايلون وحطيها فالثلاجه ^.^
وبآلهنآ وآلشفآء:tongue::cool:
يعطيني العافيه
انتظر ردودكم ^.^ ورآيكم والتطبيقات طبعا لول
ولآ اقولكم
اذا عجبكم الموضوع .. مابي غير دعوه منكم بإن الله ييسر اموري ويتمم لي ع خير ويبعد عني عيون الحساد والمشاكل
