شخباركم؟!
اليوم جاية لكم بلوكي بعزومة بيت خالي
بمناسبة تخرج ولدهم لكبير من الثانوية
أول شي لبست هذا الفستان
ولبست معاه بانطلون أزرق غامق سكيني
وفانيلة بيضة
وشيلة صفراء
وأحين نجي لأستعداداتي قبل الميك آب
نظفت ويهي بأسكنول اللي على بابونج
بعدين قشرت ويهي بمقشر المشمش
من ستيفز مرة حلو
بعدين غسلت ويهي بغسول كلين آند كلير اليومي
بعدين حطيت لي واقي الشمس من أولي
وأحين نجي للميك آب
وزعت بودرة فير قولد ع ويهي كله
أول شي وزعت لون بني برونزي ع جفني كله
بعدين حطيت فوقه ذهبي مايل للأصفر بعد وزعته ع جفني كله ودمجته مع اللون لبرونزي
بعدين حطيت اللون البني الغامق على نهاية العين وبديت
أموهه شوي على اللون الذهبي
وبعدين رسمت خط تحت رموشي لنص العين باللون البني
رسمت خط فوق عيني بالآيلينر خليته ضعيف وايد
لاني ما احب الخط العريض احسه يسويني جيكرة
كحلت عيني بكحل ماكس فاكتر الأسود
مرة حلو احبه هالكحل وايد
بعدين مسكرت عيني بمسكرا مبروك
حلوة وتطول لرموش وسوادها احلى
بعدين بالفرشاة و زعت البودرة الحرة ع ويهي كامل
بعدين حددت شفايف بهذا المحدد
بعدين حطيت لي قلوس من ماركة مس روز وايد حلو هذا لقلوس اموت عليه
وناوية آخذ لي اكثر قلوسات من هالماركة
بعدين فوق لقلوس حطيت لي شوي من هذا لقلوس من ماركة e.l.f
احس لين احطه فوق الروج يثبت لي لون أكثر
ولاني احب شفايفي تلمع وايد حطيت قلوس سائل شفاف بس مورد شوي
حطيت لي بلاشر وردي اللي ع اليسار بالصورة
وتعطرت بعطر pink day
أحب أحط لي منه اكثر شي الصبح والظهر جذي لان وايد ريحته تخليني فرش
واصحصح:D
أتمنى يكون اللوك عجبكم
واللي يعجبها موضوعي
تدعي لي أتوفق بدراستي
مع حبي
مشتاقة ليك