مع كل تذكّر <~ فهد آلمسآعد

.
.
.

من عز نومي صحيت وشفت في عيني
دمعٍ تهادى على جفني وأنا غافي
(f)
سترت دمعي ب كمّي قبل يغريني
وأخذت هذا الجسد من باقي لحافي
(w)
وسريت تايه ورا خطوات رجليني
لا الوجه وجهي ولا أوصافي هي أوصافي
(f)
أمشي وأقول ل طريقي : لا تودّيني
ل عيون ناسٍ تبي تدري عن الخافي
(w)
أمانتك.. خلها ما بينك وبيني
خابرك يا الدرب خوة عمر وسنافي
(f)
ما ودّي الناس تدري وش يبكّيني
كرامة النفس ورث أبوي و أسلافي
(w)
أمشي وأحس الخناجر في شراييني
والبرد يمشي وراي وينهش أطرافي
(f)
وحيد والليل بردونه يغطّيني
تقول كن البلد روحٍ بها السافي
(w)
إلين ما أوحيت لي صوتٍ يناديني
صوت أعرفه مثل ما أجهل وش خلافي
(f)
قمت أتلفّت و أنادي : لا تخلّيني
ما غيره.. الصوت هذا صوتك الدافي
(w)
ولمحت زولك من أقصى الدرب لافيني
مدري وش أقول لكن حي ها اللّافي
(f)
تعال.. شف غيبتك كيف أثرت فيني
تعال.. شفني وأنا أغرق عقب مجدافي
(w)
تعال.. خذني ورح بي من عناويني
تعبت أعدّي على جمرك وأنا حافي
(f)
تعال وإقطف بصوتك زهرة سنيني
كل المواعيد عقبك شمعها طافي
(w)
تعال وإزرع خصل شعرك بكفّيني
بضمّها لين أحس بليلك الظّافي
(f)
تعال وشفيك خايف؟ أنت ناسيني؟
قطّعت صوتي عليك وطال ميقافي
(w)
حتى بديت أشعر أن الحب معميني
و إن أنت حلم عثى فيني وأنا غافي
(f)
لكن أمانة ترى اللي في كافيني
إن رحت منّك كذا ما رحت متعافي
(w)
بصدّق الحلم وإحذر لا تصحّيني
في خاطري كلمتين إن قلتها كافي
(f)
أمانة الله عليك إن غبت عن عيني
لا يكون قلبك مثل قلب الزمن جافي
(w)
مع كل دمعة تذكّر رعشة يديني
ومع كل ضحكة تذكّر قلبي الوافي
(f)
.
.
.
.
.

أتمنى تكون نآلت على إعجآبكم
.
.
:)قيموني :)