سالفتي المضحكه لكم .. والمبكيه لي ..

هههههههههههههههههههه بالضبط مثل حالتي ..

بالشهر الخامس قالت دكتورتي بالامارات [ مستشفى خاص ..
بنت واضح ..
وطبعا بعد جهد جهيد عرفت دايم تقول البيبي نايم
المهم ..
ورحت البحرين على بداية السادس ورحت مراجعه عند الدكتورة فهيمه قالت واضح عندي ولد
قلت لها قالو لي بنت
قالت ولد .. !
قلت زين ..

وردينا الامارات .. و سويت سونار
قالت لي بعد بنت
قلت لها بالبحرين قالو لي ولد
قالت انتو بالبحرين عندكم دكاتره عدله ولا مستشفيات عدله [ شوفو الحقاره بس ]
كنت على الشهر السابع ..
قلت بشوف اخرتها وياها
المهم و رحت البحرين مره 2 ..
و شفت الدكتوره .. قالت لي واضح ولد
انا بقول لج حل ..
لين ولدتي وكان الجنين ولد وديها لدكتورتج هناك قولي لها شوفي بنتي !!
واذا ولدتي وكان الجنين بنت يبيها لي وقولي لي شوفي ولدي !!

انا متأكده مليون بالميه

قلت انزين .. :/ رحت الامارات ما راح اراجع عند الدكتوره العراقيه لانها هبلت فيني الصراحه ..
غير ان كل ما اروح جنها الا محتره / البحرين والبحرين ..! شلج شغل المهم
رحت فتح فايل بمستشفى حكومي عشان الولاده والخبره مضمونه عندهم ..

سووا لي سونار قالت النرس ولد
مبين ..
ومافي شك
ليش انتي ما تدرين
قلت لها السالفه جي وجي وجي قامت تضحك قالت لا ولد
كنت بالشهر الثامن

وبس عاد انا كنت ماخذه على كلام الدكتوره اللي بالبحرين وتوكلت على الله وجهزت و بعدين تأكدت اكثر واشتطيت بالتجهيز خخخخخ

وهذي قصتي بس صدق سوو لي عذاب نفسي