你好
"نِيْ هَاوْ "
مرحبا
السلام عليكم ورحمة الله و بركاته :)
اليوم حبيت ارحب فيكم بالطريقه الصينيه :tongue:
الاسبووع اللي فات .. كانت شي عزيمه بيت خالي على الغداء .. و حبيت اغير من اللوك اللي دووم اسويه .. و تذكرت ان أنا و بنتي (( راويه )) عدنا لبس شرات بعض .. فقلت جيه ما اغير :wink:
[BLINK](( لا احلل بنقل الموضوع لاي عضوه أو زائره .. لانه مجهود شخصي .. واتمنى منكن الاحترام )) [/BLINK]
و هذا كان لوكي .. بسيط و ناعم ..
فالبدايه نظفت ويهي ب Clean & Clear و بعدها حطيت ماسك من مكياجي اسمه Skin FX .. هالقناع وايد حلو و يخلي البشره شرات اليهال من نعومتها ..
و بعدها حطيت مرطب نيفيا على كامل ويهي .. و تميت 5 دقايق لين البشره تمتص المرطب ..
و قبل لا ابدى بالمكياج لبست عدساتي ..
هالمره ما بغيت احط فاونديشن وايد على ويهي لانها عزيمة غداء و حلوو أني اطلع سنبل :D عسب جيه وزعت بودره من كلارينس على كامل ويهي .. هالبوده خفيفه و لونها شرات لون بشرتي ..
بعدين حطيت بودره صبايا من مكياجي بس تحت العين عسب تخفي تعب السهر مع بنتي الشيطوونه :tongue: لان لونها شوي اغمج من بشرتي ..
رتبت حواجبي بقلم التحديد من مكياجي ولونه بني ..
وزعت شدو بيج على كامل الجفن المتحرك و عظمة العين من Collpan ..
بعدين حطيت شدو تركواز فيه شوية لمعه من red earth على طرف العين الخارجي و دمجته مع الشدو البيج ..
بعدين كحلت العين باللون الابيض من الداخل من مكياجي .. رسمت فوق العين بالآيلينر خط رفيع في البدايه و في النهايه عرضته شويه .. بعدين رسمت فوق الآيلينر من النهايه خط رفيع بآيلينر لونه تركواز من مكياجي .. و اخيرا بقلم كحل تركواز تكحلت أسفل العين ع الخفيف ..
بعدين حطيت ماسكارا من لانكووم .. اتخبل على هالماسكارا لانها تكثف الرمووش و تخليها تبين طبيعيه :o
حطيت بلاشر لونه وردي فاتح من Opia هالبلاشر خذته من لندن وماشي منه اهنيه :( صدق روووعه هالبلاشر .. بتلاحظووون أني مستخدمتنه من الخاطر خخخخخخخ :tongue:
بعدين حطيت قلوووس لونه وردي غامج شوي من M.n و قلوساتهم رهيبه و الوانها روووعه و تدوووم فتره طويله .. و فوقه حطيت قوس شفاف فيه لمعه من Opia ..
و جيه طلع اللوك النهائي :)
دورت بالنت على تسريحه صينيه تكوون بسيطه و سهله و هذا اللي سويته بشعري مع اختلاف الطوول لان شعري أنا اقصر شوووي :o
و من وراء حطيت هالاكسسريز من كليرز لووول ..
وصلنا عند اللبس .. أنا وبنتي لبسنا شرات بعض هاك اليووم .. وكان شكلنا كيووت :D ملاحظه : بنتي عمرها 8 شهوور الله يحفظها ..
بنتي شهرها قصير .. فسويت لها شرات هالتسريحه تقريبا .. وحطيت لها اكسسريز على شكل فراشات لونها بنفسجي & تركواز من كليرز :tongue:
بنتي عطرتها بعطر للاطفال ريحته وايد حلوه .. احيانا انا اتعطر منه اووول :tongue: و أنا تعطرت من Dolce & GaBBana و بعدين حطيت مسك من أجمل اسمه روز .. ريحته عذاااب من بعد متر الواحد يشمج ههههه ..
لبست هالاكسسوارات (( ساعه / خاتم / حلق / سلسله لليد )) ..
و أخيرا لبست هالنعال (( وانتوا بكرامه )) .. هالنعال فيه حبال .. لبسته لان فاللبس شي طره لين تحت الركب بشوي :o
و بعدين لبست عباتي .. و قريت على عمري و على بنتي و توكلنا ع الله ..
再见
تْزَايْ جِيَانْ
مع السلامه
الموضوع تعبت عليه .. واذا نال اعجابكم اتمنى انكم تقيمووني :o