انا و سلفتي

حلم العذارى;9866432:

بصراحة!..

هي ما غلطت بأي شي

أحملج إنتي المسؤولية كلها

ليش ؟!..

لأنج قلتيها بعظمة لسانج " عقلها سطحي وصغير , تحب تتفشخر .. إلخ "

أنتي تحطين دوبج من دوبها ليش ؟!..

عزيزتي ..,

كل إنسان وله حياته

عيشي حياتج بكل تفاصيلها ولا تهتمي أبداً لأحد

لو واحد معاج يمتلك الملايين وإنتي بس عندج نصف قطعة خبز تاكليها

بعد أفرحي وقولي ( الحمد لله )

*

هي تحب تتفاخر بما تمتلك " والماديات زائلة , وهي وسخ دنيا "

إنسانة عقلها صغير وسطحي

حمدي ربج إنتي مو مثلها

*

صدقيني!..

إنتي عطيتها أكبر من حجمها

وفاتحة لها الباب إنها تستفزج

تدرين إنها كلما شافت القهر بعيونج من كلامها , وشافتج تزعلين من تفاخرها عليج

إنتي تعبين النقص إلي فيها

وتفرح , وتزيد الجرعة

*

هذي إنسانة تعاني من نقص

وإذا تتفاخر تبي تقهر إلي حولها , وهني يتعبى النقص الكامن بداخلها

لا تخلينها تستغل هالشي!..

*

شنو ناقصج مثلاً ؟!..

زوج , أولاد , بيت , وظيفة

قولي الحمد لله

ناس مو لاقية تاكل ولا لاقية تشرب قطرة ماي

وإنتي قاعدة تهتمين لها في هالمظاهر الزائلة

*

الحياة فانية

ولين متي , وإندفنتي بقبرج

ما راح تحملين معاج سفراتج لدول أجنبية , ممتلكاتج ,

بتحملين معاج أعمالج الحسنة والسيئة فقط لا غير!!!!!!!!!!!!!!!!!!!!!!

*

لا تهتمي لها أبداً أبداً

أعتبريها هي والحائط شي واحد

ضحكي , سولفي , أمزحي .. وتناسيها

لا تحطين لها أبي أعتبار

وخليها تتفشخر و تتفشخر لين ما تمل وتتعب

وإنتي مهمتج " التجاهل "

صدقيني لا تجاهلتي كل كلامها وما حطيتين لها إهتمام ما تقدر تستفز أعصابج

وأصلاً ..,

هي مردها بتنحرج من روحها وبتتعلم تسكت

*

عيشي الحياة قنوعة بلي عندج

وإذا الله .. كاتب عليج شي

لازم بيرزقج إياه

لا تدمرين علاقتج بأهل زوجج , وزوجج

بسبب تفاخر إنسانة " سطحية "

لأنه السطحية الأكبر , إن هالتفاخر يشعل في نفسج الغيرة .. هني صج قمة السطحية

لأن إلي حامد ربه ليل نهار

لا يمكن تآثر فيه هالماديات

*

( واثق الخطوة يمشي ملك )