السلام عليكم عرايس .... حبيت بس أشكيلكم مشكلة أبني اللي فقدت الأمل في حلها !!!
كتبت لكم كذا مرة وشكيت ... وأدري أنه يمكن ما تلقون لي حل ..بس حاسه إني أبغي أتكلم وأقول قبل لا أنهار!!!
أبني الوحيد ..3 سنين و3شهور ..كان من سنه ونص إنسان ثاني ... وأصبح واحد ثاني اللحين ...
مشكلته طبعا بتقولون (مثل كل الامهات) في الأكل...أنا أسمع ناس كثير يقولون إنه أولادهم ما ياكلون ... بس اللي أشوفه في المقابل إنهم ياكلون ...بس مو بالكميه أو النوعيه اللي الأهل يبغونهم ياكلونها ... بس أنا إذا قلت إنه ما ياكل ... ففعلا هو ما ياكل ....!!
من سنه ونص وبين يوم وليله قاطع الأكل نهائيا !! وقبلها الحمدلله كان ياكل كل شي ...يتغدى ويتعشى ويانا ... وكان ما شاء الله متين وخدوده ورديه ... ألحين صار واحد ثاني ...لونه أصفر أصفر ...وكأنه عووود!!
حاولت قد ما حاولت ... غيرت الأصناف ... لونتها ...شكلتها ...غيرت الأطباق ... بدون فايدة ... ويوم قرر ياكل في هالسنه والنص أستقر على أكلتين ما في غيرهم ...ريوقه وغدا وعشا !! وهم (بسكوت القمح ويتابيكس(أخلطه مع حليب) +روب المنكه دانينو (فقط الأحمر والوردي))وقلت ماعلي ...بس عشان يعيش...
بس ألحين صار له أسبوعين ... عايش على الماي فقط !!! فقط لا غير ....مو قابل يحط أي شي في بوزه... يقولي تمللت منهم (يقصد أكلاته ) طيب غير يا أبني ... جرب شي غير... مافي فايده يقول أنا أصلا مو جوعان ...معقولة ...في واحد ما يجوع ...بالغصب أغصبه يشرب العصير ...وولله عصير واحد ما يكمله في اليوم (كي دي دي) ...
ومن كثر ما خايف ...كل ما يسكت أركض أشوفه ...أخاف يروح مني !! أخاف ينام لا سمح الله ...(...)!!!
وديته الطبيب قلت يمكن مرضان عشان جذي مو مشتهي ياكل ...فحص عليه الحمدلله ما في شي !!!
في هالسنه والنص ما بقى باب ما طرقته !!!
طبيب أطفال وديته مكان الواحد أثنين ...وأطباء شاطرين !! وأجمعو أنه ما في شي عضوي !! وأنه مجرد عناد وكبرياء!! وعنده طبعا نقص حديد وعايش على شراب الحديد من ذاك الوقت !! وأدوية الفيتامينات !!!
رحت لشيخ يقرا علي !!! رحت حتى للشيوخ اللي يكشون عن العين أو الحسد ... وقالو ما في شي !!
رحت لأستاذ نفسي ...يعالج بالبرمجه العصبية ...وعالج كثير ناس أعرفهم وأطفال كانو يعانون من مشاكل خوف ... وكره أنواع معينه من الطعام وعالجهم ...بس ما جاب نتيجه ويا أبني ...
تجويع وجوعته ... من سنه تقريبا لين ما فقد قواه وطاح ... وما تنازل أنه ياكل !! واهوا الحين مجوع روحه بإرادته !! ومافي فايده !!
تطنيش وطنشته وما أعرته أهتمام ...قلت أكل ما أكل ما بطلب منه ياكل عشان ما يزيد في عناده ...ولا فاااااااد ...أصلا فرح يوم طنشته وخذ راحته ونسى الأكل !!
وكل يوم اهوا يقعد بين أطفال من عمره ياكلون وبعد ما في فايده ...يتركهم ويروح يلعب !!!
ولا تقولون لي ياكل خرابيط وتشبعه !! حتى الشيبس والحلويات وهالخرابيط ما يحبهم وما ياكلهم !!!
ما أدري شسوي !! خايفه!!
سامحوني عورت راسكم وطولت عليكم ... بس حبيت أفضفض ومالي غيركم يسمعني!!!
مشكلتي اللي مالها حل!!
a
03-07-2009 | 01:56 AM
س
03-07-2009 | 02:18 AM
معقوله بدون مقدما صارت ابنك جذي
لازم وراها شي
يعني الاطفال اذا بروحهم ما يحبون بس مع باقي الاطفال ليش ما يحب ياكل
ليش ما تجربي معه ادويه تفتح الشهيه
لازم وراها شي
يعني الاطفال اذا بروحهم ما يحبون بس مع باقي الاطفال ليش ما يحب ياكل
ليش ما تجربي معه ادويه تفتح الشهيه
a
03-07-2009 | 02:24 AM
والله أختي جربت ... كذا نوع ومافي فايده ...تصدقين بين جوعان وأقعد أكل يمه ...يسوي حركات في حلجه كأنه مشتهي ياكل ...بس ما يقول أبي وإذا قلتله تبي يقولها بكل كبرياء وراسه مرفوعه لاء ...ويهدني ويمشي!!!
س
03-07-2009 | 02:26 AM
جربتي معاه التجاهل على الوجبات ! يعني الوجبه تكون موجوده ودعوة للجميع ما عداه !
أ
03-07-2009 | 02:36 AM
أنا اللي أعرفه أن الاطفال اللي يرفضوا الاكل عايشن على الحليب
بس اللحين طفلك كبر ويحتا ج الى الغذاء في هالسن ضروري ياكل
(*)جربي أدوية فتح الشهية يمكن تفيد ..
(*)حربي تأكليه أيسكريم معظم الاطفال تحبه وله شكليت
(*)أقري على ماء أيه الكرسي وياسين والمعوذات شربيه منه ومسحي على جسمه منه عشان يهدى ويخف عن العناد عامليه بهدوء عشا ن لايحس أنك تضغطي عليه
(*)حا ولي تفهميه أن أذا ما أكل راح يأثر عليه بس بطريقه يقتنع فيها كنوع من الترعيب في الشيء أعرفي ماذا يحب تكلمي عن طفل رفض أن يأكل ثم حدث له شيء يعني ألفي لك قصة بس تكون على مستوى فهمه
(*)مثلا روحي معاه السوبر ماركت الكبير وخليه يختارمعاك الأكل أكيد راح يختار ..
أنا راح أسئل لك عن الموضوع رأرد عليك مرة ثانيه بس أتمنى أن تتفهمي طفلك لانه لابد من سبب عضوي أونفسي أعملي بنصايح وأن شاء الله وبعونا من الله راح يستجيب لك أختي لك مني تحية طيبة
والله يعينك لان الاولاد في هذا السن يبغى أليهم صبر وتطويل البال وأذا حسو أن الام قفدت الصبر يطول عنادهم ..
تقبلي مروري وأتمنى أن أكون أفدتك ..:15:
بس اللحين طفلك كبر ويحتا ج الى الغذاء في هالسن ضروري ياكل
(*)جربي أدوية فتح الشهية يمكن تفيد ..
(*)حربي تأكليه أيسكريم معظم الاطفال تحبه وله شكليت
(*)أقري على ماء أيه الكرسي وياسين والمعوذات شربيه منه ومسحي على جسمه منه عشان يهدى ويخف عن العناد عامليه بهدوء عشا ن لايحس أنك تضغطي عليه
(*)حا ولي تفهميه أن أذا ما أكل راح يأثر عليه بس بطريقه يقتنع فيها كنوع من الترعيب في الشيء أعرفي ماذا يحب تكلمي عن طفل رفض أن يأكل ثم حدث له شيء يعني ألفي لك قصة بس تكون على مستوى فهمه
(*)مثلا روحي معاه السوبر ماركت الكبير وخليه يختارمعاك الأكل أكيد راح يختار ..
أنا راح أسئل لك عن الموضوع رأرد عليك مرة ثانيه بس أتمنى أن تتفهمي طفلك لانه لابد من سبب عضوي أونفسي أعملي بنصايح وأن شاء الله وبعونا من الله راح يستجيب لك أختي لك مني تحية طيبة
والله يعينك لان الاولاد في هذا السن يبغى أليهم صبر وتطويل البال وأذا حسو أن الام قفدت الصبر يطول عنادهم ..
تقبلي مروري وأتمنى أن أكون أفدتك ..:15:
a
03-07-2009 | 02:41 AM
ولله كل يوم ننزل الغدا في بيت عمي ... ينادونهم كلهم (أقصد الأطفال ) ونطنشه ...تدرين شيسوي... يجيني ويقولي ماما أنا وين كرسي ... يقعد على كرسي ويصب له ماي ويقعد يشرب ...ويقول خلاص أنا شبعت...ويقوم !!
a
03-07-2009 | 02:49 AM
(*)جربي أدوية فتح الشهية يمكن تفيد ..
جربت وما نفعت !!!
(*)حربي تأكليه أيسكريم معظم الاطفال تحبه وله شكليت
يروح السوبرماركيت يشتري ...أو إذا سمع صوت السياره اللي تفتر تبيع يصر يشتري ...ليش ...يقول عشان الماما ...ويعطيني ولا حتى يذوقه
(*)أقري على ماء أيه الكرسي وياسين والمعوذات شربيه منه ومسحي على جسمه منه عشان يهدى ويخف عن العناد عامليه بهدوء عشا ن لايحس أنك تضغطي عليه
بجرب ...بس والله ما اضغط علي إلا إذا يستفزني
(*)حا ولي تفهميه أن أذا ما أكل راح يأثر عليه بس بطريقه يقتنع فيها كنوع من الترعيب في الشيء أعرفي ماذا يحب تكلمي عن طفل رفض أن يأكل ثم حدث له شيء يعني ألفي لك قصة بس تكون على مستوى فهمه
والله ألفت لين ما شبعت ..... ما في فايده ... اقوله بتمرض .. يقول أنا ابي أمرض !!! وإذا جا الاسعاف ما بركب وياه !
(*)مثلا روحي معاه السوبر ماركت الكبير وخليه يختارمعاك الأكل أكيد راح يختار ..
كل يوم يبي يروح !! ليش عاد ...عشان يشتري للماما والبابا وأولاد عمته وخالته أكل !!
ولا يفوتج يختار الفواكه وينقي بعد ...تفاح وخوخ ...حق من ...الماما والبابا وأصدقائي!!!
وأنا أبوه نموت قهر!!
l
03-07-2009 | 02:53 AM
جربي معاه فيتامينات تنباع في الصيدليه اسمها مستر تومي شكلها مثل الحلاوة كثيرين جربوها لاطفالهم فتحت من شهيتهم
ان شاء الله اكون أفدتش
ان شاء الله اكون أفدتش
a
03-07-2009 | 02:58 AM
والله مستر تمي كل النوعيات عندي
واذا عطيته بالغصب يا الله ياكل وحده بس !!!
واذا عطيته بالغصب يا الله ياكل وحده بس !!!
ع
03-07-2009 | 03:24 AM
ربنا معاااااااااااك فعلا مشكلة جامدة
ودي نفس مشكلة ابن اخويا بالظبط رغم ان عنده سنة
لكن مش بياااااااااااكل خالص ولا حتة رضاااعة غير قليل
ربنا يحفظهولك ويهديه
ودي نفس مشكلة ابن اخويا بالظبط رغم ان عنده سنة
لكن مش بياااااااااااكل خالص ولا حتة رضاااعة غير قليل
ربنا يحفظهولك ويهديه
ر
03-07-2009 | 04:35 AM
ليش ما تتركينه مع اهلك كم يوم يمكن المساله عناد ليكي انتي!!
اتركيه يمكن يتشجع ياكل معاهم وتركه لمصلحته بيكون
حتى لو ياكل شبسات وحلويات اتركيه يعطونه اي شي
لازم تشوفين حل لان هذا المرض بس يتطور بيصير صععععععععععععب علاجه
اتركيه يمكن يتشجع ياكل معاهم وتركه لمصلحته بيكون
حتى لو ياكل شبسات وحلويات اتركيه يعطونه اي شي
لازم تشوفين حل لان هذا المرض بس يتطور بيصير صععععععععععععب علاجه
ر
03-07-2009 | 04:42 AM
جربي تخلي احد ثاني يقدمله الاكل
اخته ابوه
اي احد بس باسلوب
والله يكون في عونك ويحفظ لك ولدك
اخته ابوه
اي احد بس باسلوب
والله يكون في عونك ويحفظ لك ولدك
ا
03-07-2009 | 04:59 AM
ياااربيي ..!
الله يكون بعونك ويحفظ لك ولدك ..
انا بذات اكيد ماعندي الحل ..
لاني اعاااني ولدي ما يااااااكل..
اتعب واسوي واكله او اقطه ..!!
ولما شفت مشكلتك خفت مووت ..!
ولدي الحين سنه واربع شهوور ومو متقبل ياكل عايش على الحليب ..
بس لابد بيجي يوم وخلا ص الحليب بينقطع عنه..
وبينفطم وخووفتي يصير مثل ولدج ..!
الله يعيينج ويههدديه ..!
ويهدي ولدي معاه .. ,
وياارب تلقين حل ونستفيذ معااج ..!
الله يكون بعونك ويحفظ لك ولدك ..
انا بذات اكيد ماعندي الحل ..
لاني اعاااني ولدي ما يااااااكل..
اتعب واسوي واكله او اقطه ..!!
ولما شفت مشكلتك خفت مووت ..!
ولدي الحين سنه واربع شهوور ومو متقبل ياكل عايش على الحليب ..
بس لابد بيجي يوم وخلا ص الحليب بينقطع عنه..
وبينفطم وخووفتي يصير مثل ولدج ..!
الله يعيينج ويههدديه ..!
ويهدي ولدي معاه .. ,
وياارب تلقين حل ونستفيذ معااج ..!
u
03-07-2009 | 09:06 AM
مافي الا حل واحد تسوووووووووووووووين تمثلية قدامة انك تصييحين قدامة اوان ولدج مايحب ياكل بروحة حاولي تخلين مجموعة اطفال معاة ة وشوووووووووووووفي شلون نفسيتة راح تتغير
*
03-07-2009 | 09:54 AM
انا اقولك الحل وبإذن الله يرجع طبيعي
شغلي سورة البقره في البيت ارقيه يوميا واقري على المويه الي يشرب منها وملابسها وإذا شاكه في احد خذي اثرهم وخليه يشرب منه والله كثرت العين والحسد جربي ماتندمين
شغلي سورة البقره في البيت ارقيه يوميا واقري على المويه الي يشرب منها وملابسها وإذا شاكه في احد خذي اثرهم وخليه يشرب منه والله كثرت العين والحسد جربي ماتندمين
أ
03-07-2009 | 10:34 AM
جربي انج اذا قعدتي على الوجبة تاكلين وهو لاكأنه موجوود .. يمكن يتلاحظينة اهوه الي بيطلب الاكل..
وهاي الي اقدر افيدج فيه
وهاي الي اقدر افيدج فيه
n
03-07-2009 | 10:42 AM
لاحول ولا قوة الا بالله العلي العظيم
حاولي انج ترقينه وتقرين عنه وادعي ربج لاتياسين من رحمت الله
الله بيكون معاج عورني قلبي حاسه فيج
انا صج ماصرت ام ليحين بس حاسه وعارفه شنو احساسج
ادعي لي بالذرية الصالحة
حاولي تودينة دكتور مفسي غير اعتقد الي فيه شئ نفسي او عين حاولي تسوين له الاشياء الي بحبونهم اليهال يحبون السجق النجت والبرجر جوفيه
وخبرينا شيصير واحنا بدورنه امنقدر اله ان ندعي له
حاولي انج ترقينه وتقرين عنه وادعي ربج لاتياسين من رحمت الله
الله بيكون معاج عورني قلبي حاسه فيج
انا صج ماصرت ام ليحين بس حاسه وعارفه شنو احساسج
ادعي لي بالذرية الصالحة
حاولي تودينة دكتور مفسي غير اعتقد الي فيه شئ نفسي او عين حاولي تسوين له الاشياء الي بحبونهم اليهال يحبون السجق النجت والبرجر جوفيه
وخبرينا شيصير واحنا بدورنه امنقدر اله ان ندعي له
a
04-07-2009 | 01:28 AM
مشكورين حبيباتي ما قصرتو ...
بس والله استهلكت كل الطرق ... تركته 12 يوم عند أهلي ورحت الحج !! ولا فرقت ويا ... نفس الشي !!
صحت مو تمثيليه وكذا مره أصيح صدق قدامه !!! يقعد يصيح ويصرخ بهستيريا ويقول ما أبي الأكل ...ما أحبه...لا تصيحين !!!
كل اللي أقدر أسوي مثل ما قلتو !! أوكلها على الله !!! وأكيد ما بيأس من رحمت الله!! ودعواتكم أرجوكم!! نفسيتي كل يوم تتحطم أزيد ..الله كريم !!
الله لا يبلي أحد أن شاء الله والله يخلي لكم أولادكم ولا أحد يذوق اللي أنا فيه يا رب!!
بس والله استهلكت كل الطرق ... تركته 12 يوم عند أهلي ورحت الحج !! ولا فرقت ويا ... نفس الشي !!
صحت مو تمثيليه وكذا مره أصيح صدق قدامه !!! يقعد يصيح ويصرخ بهستيريا ويقول ما أبي الأكل ...ما أحبه...لا تصيحين !!!
كل اللي أقدر أسوي مثل ما قلتو !! أوكلها على الله !!! وأكيد ما بيأس من رحمت الله!! ودعواتكم أرجوكم!! نفسيتي كل يوم تتحطم أزيد ..الله كريم !!
الله لا يبلي أحد أن شاء الله والله يخلي لكم أولادكم ولا أحد يذوق اللي أنا فيه يا رب!!
أ
04-07-2009 | 01:43 AM
لاا حوول و لاا قووة الاا بالله االعلي االعظيم
الله يسااعدج و يكوون بعوونج
كل اللي كنت بقووله قاالوه الأخواات !!
الله يهديه ان شاااء الله
ومثل ماا قاالت الأخت nayo0ol يمكن يكوون اللي فيه مرض نفسي !!
وديه طبيب نفسي و شوفي يمكن يلقى له حل
وماا على قلبه شر ان شاااء الله
طمنيناا عنه
الله يسااعدج و يكوون بعوونج
كل اللي كنت بقووله قاالوه الأخواات !!
الله يهديه ان شاااء الله
ومثل ماا قاالت الأخت nayo0ol يمكن يكوون اللي فيه مرض نفسي !!
وديه طبيب نفسي و شوفي يمكن يلقى له حل
وماا على قلبه شر ان شاااء الله
طمنيناا عنه
ن
04-07-2009 | 02:24 AM
الله يعينك حبيبتي ...ويعافيلك ولدك
صراحة ما عندي شي أقوله ...والاخوات ما قصروا
بس حبيت ادعيلك
الله يفرج همك قريب ..ويهديك للي فيه عافية ولدك
صراحة ما عندي شي أقوله ...والاخوات ما قصروا
بس حبيت ادعيلك
الله يفرج همك قريب ..ويهديك للي فيه عافية ولدك