انا النهاردة عملتلكوا مافن التفاح اللذيذ والخفيف جداااااااااا وسهل اوي
المقادير :
كوب ونص دقيق
معلقة بيكنج بودر
نص معلقة بيكنج صودا
ذرة ملح
كوب سكر بني لو مفيش يبقى ابيض عادي
بيضة
50 جرام زبدة او زيت
كوب حليب
تفاح علب زي اللى في الصورة او طازة يتقشر ويتقطع
معلقة قرفة
شوية جوز لو تحبوا
الطريقة :
هنسيح الزبدة ونسيبها تبرد
ونحط المواد السايلة كلها سوا (البيضة والحليب والفانيليا والزبدة )
وبعدين نحط المواد الجافة سوا (دقيق وسكر وبيكنج بودر وبيكنج صودا وقرفة )ونحطهم على الخليط السابق ونخلط
نخلط نص دقيقة تقريبا يعني مانطولش
وبعدين نضيف التفاح والجوز
نجهز الصينيه بتعتنا
نجيب بولة الايس كريم ونعبي بيها الكاسات الورق
وكدة كل الكاسات كملت نكون مسخنين الفرن قبلها وندخلها على درجة حرارة 190 لمدة 12 دقيقة ل 15 دقيق
بعد ما خرجت من الفرن
جاهزة للاكل
وهنا من جوا شوفوا ازاي هشة
يارب تعجبكم
وموضوعي خاص وحصري لمنتدى عروس فقط .....
