السلام عليكم
كيفكم اخواتي ان شاء الله تمام
بغيت استشيركم بسالفة خدامتي وبليز لا تبخلن علي بردودكم
قبل كم شهر جبت خدامة وستلي مشاكل ما لها اول ولا تالي والله لو احكي مشاكلها بيرتفع ضغطكم
المهم اخر شي قالتلي انا مشتاقة حبيبي ولو ما سفرتيني انتحر انا توقعتها تتمصخر بس فعلا سارت تشرب السائل الي يولع الفحم وسفرتها مباشرة
المهم بعدها بكم شهر جبت خدامة ثانية
بس هالمره كبيرة بالسنة عمرها تقريبا 40
قلت احسن اجيب وحده عاقلة وكبيرة ما شغلها حب وخرابيط
المهم هي لها شهرين معاي
كنت اوديها بيت امي الصبح عشان تتعلم الطبخ
بس للاسف ما تعلمت
ما لها نفس تتعلم واذا وديتها تشوف الطبخ تودر المطبخ وتسير اي مكان
ما بغيت اشد معاها طنشتها
يعني الطبخ ما نطبخ بالبيت يا من بيت اهلي او اخذ جاهز والحين شهرين على جي وساكته
عنها ما اناقشها ابدا
الشغل ما تسويه غير اراكض وراها نظفي شيلي حطي وبس هذا حالي معاها
الملابس ما توافق تغسلهم الصبح تقول حر لازم العصر
الملابس ما تكويهم الصبح تقول تعبانه لازم العصر
تنام الساعه 8 او 9 او 10 حدها مستحيل تطول
وتصحى خمس ونص وع راحتها ما اقولها شي
الظهر من 1 ل 4 ونص ترقد وما اقولها شي
وترى احنا بس 3 انا وزوجي وولدي
وولدي ما اعطيها تلمسه بس احييييييييانا لو مشغولة بشي اعطيها تقعد معاه بالحوش ساعه وحده العصر ولازم بعد اتابعها والا تطنشه
المهم فيها حركة ما احبها
تعلق الملابس بالكبت من غير كوي كلمتها ولا الف مره وهي مطنشه
اليوم وديتها لخدامة امي وخذت معاي كمن تنورة هي مدخلتنهم الكبت
وجبت كمن تنورة خدامة امي كوتهم لي لما ارقد ببيتهم
وقلتلها شوفي الفرق بالكوي مع ان بيت امي عددهم اكبر
بس خدامتهم تكوي بضمير وانتي لا طبخ ولا نفخ وكل شي براحتك وبعد ما تكوي
قالت انا ما ابي اشتغل سفريني
حرقتلي قلبي من الخاطر
قلتلها مو مشكلة اسفرك بس رجعيلي فلوسي الي دفعتهم عشان اجيبك
وسكت عنها
شو اسوي معاها
هل انا مقصره
هل يعتبر شغلها وايد وما كافي النوم
انا ادري لو سفرتها الناس بتغلطني انا لانهم ما يتمون عندي فترة
انا شفت جوازها كانت مسافره السعودية مرتين وكل مره تقعد شهرين او 3 بالكثير
شو الحل وياها يعني هذا طبعها مع الكل
وانا من النوع الساكت عنها مو من النوع الي اضاربها واصارخ يعني اعرف اني ما اغلط عليها
الي عندها حل بليز تفيدني