اول مشكله اعرضها عندكم

السلام عليكم يا بنات
انا اول مره اكتب موضوع خاص بيا لاني من النوع الي مابيتكلمش وانا خايفه ازعجكم وخصوصا اني لسه جديده عليكم بس انا لوحدي واختي مسافره مع جوزها وعايزه اتكلم المهم
يمكن تكون مشكلتي حد يقول عليها هايفه بس عندي عامله ازمه وهي بالمختصر ان انا عايشه في بيت عيله وجوزي ولد وحيد علي 4بنات غير حماتي مش هقولكم طبعا عن الغيره والمشاكل والمعامله السيئه منهم وكل مالا تتخيلوه المهم كل مره اقرر اني اطلق وانفد باعصابي وصحتي لكن جوزي يقعد يقولي معلشي انا اسف معدتش اسيبهم يعملو كده تاني والمره الجايه هيكون ليا موقف مش هبقي سابي المه كنت بارجع عشان هو كويس معايا في حكانتاجات كتير واقول بكره يزهئوا وربنا مش هيسبهم كده واخر مشكله واكبرهم كانت في شهر7وبعدها وانا بعمل كل الي عليا وبحاول اخلي حياتنا احسن ومش هقولكم لبس بيت حلو ودلع ومعامله اهله فوق الوصف وحاجات من دي لكن اخواته الظاهر مرتحوش لقيت واحده عملالي مشكله وكلام وزعيق وقله ادب امام جوزي وانا كالعاده مبعرفش اتخانق فاسكت وهو المره دي الي رد لكن انا نفسيتي تعبت من كل ده وقعدت افتكركل الي فات وبقيت عصبيه مع الاولاد وجوزي لاحظ ولقيته بيسالني مالك فقلتله و طبعا جبت سيرة الي فات لقيته بيطيب خاطري و قالي جمله هي سبب الي انا فيه قالي"انا بحبك والله ولو حد قالك في يوم انا اتجوزت عليكي او كده لازم تعرفي انتي الي في قلبي "طبعا انا اتصدمت من الجمله دي دا منظر واحد بيصالح مراته ولا بيشككها و انا عمري ما شكيت فيه ولا الكلام ده جه في بالي وخفت اعمل مشكله فيخاف ويخبي عليا بس مقدرتش وسالته بطريقه كده زعل علي عدم اهنمام المهم مطلعتش منه بحاجه قعد يهزر وبعمل الموضوع هزار بس انا خايفه يكون جد ومش عارفه اعمل ايه وربنا يجازيهم الي كل مايشفونا كويسين ينكدوا علينا ياريت يا بنات تردو عليا وربنا يجازيكم خير علي زلك