اليوم يبت لكم طريقة تشيز كيك من ابتكاري الخاص :D بس طعمه لذيذ وغريب شوي
.
.
.
نحتاج قالب تشيز كيك المتحرك القاعده
*مقادير الطبقة الاولي
اصبع زبده
كوب مارشميلوو
3 اكواب بسكويت داجستيف مطحون
نذوب الزبده على نار هاديه ونظيف المارشميلو نتركه لين يذوب نظيف البسكويت ونحركه عدل بعدين نرصه في القالب
*مقادير الطبقة الثانيه:
نص كوب سكر
2 علبة قشطه
علبة فيلاديلفيا
1 كيس جيلاتين مذوب في نصف كوب حليب ساخن
نخلط ( الجلاتين المذوب فالحليب +السكر + جبن الفيلادلفيا+القشطه) فالخلاط الكهربائي لين يتجانس الخليط ونصبه فوق طبقة البسكويت وندخله الفريزر لمدوة نص ساعه تقريباً .
*الطبقه الثالثه واللي هي من ابتكاري الخاص :
1 جلي ليمون مذوب في ربع كوب ماي ساخن ونحركه عدل لين يذوب الجلي ونضيف عليه ربع كوب ماي بارد
ربع علبة بلوبرري
ملعقة شاي زهر الليمون
نخلط الجلي اللي ذوبناه+ البلوبرري + زهر الليمون فالخلاط ونصبه على الطبقه الثانيه
ندخله الثلاجه لين يبرد عدل ..لما يجمد الجلي نقطع 1 كيوي شرايح ونزين فيه التشيز كيك
وبيكون عندكم جاهز للتقديم
وهاي شكلها بعد ماقطعتها
وبالعافيه
انتظر ردودكم :)
