هنجيب سمك وتتبيله عبارة عن ثوم مهروس وليمون وكمون وفلفل اسود وملح
السمك اللى مستخدمها سمك هامور فليه انتوا ممكن تستخدموا اي سمك ومش شرط يكون كمان فليه ممكن تكون السمكة صحيحة
نحط التتبيلة على السمك ونسيبها في التلاجه ساعه او ساعتين
وبعدين نجيب قطعه فويل ونحط فيها السمك عشان ندخله الفرن يستوي
وهنا بعد ما استوى مع شوية سلطة وبالهنا والشفا
الطريقة التانية اننا ناخد نفس السمك من نفس التتبيله وبنعمله مع خضار
بحمر السمك في طاسة تيفال من غير زيت بعد ما نسخنها كويس
بعد ما يتحمر نرفعه من الطاسة ونحط خضار مشكل بصل وفلفل وكوسة وكرنب وملح وفلفل ونسيبهم يستوى على نار هادية
وبعدين نقطع السمك على الخضار ونعصر عليهم نص ليمونة
وبالهنا والشفا
