اللي شعرها دهني وخفيف تدخل !!

ف

فراولة باردة

عروس فضية

30-06-2009 | 12:20 PM

مرحبا بنات ..
انا توني عضوة جديدة وبصراحه حبيت المنتدى وااااااااااايد لاني وايد استفدت منه
وعشان جذي ابيكم تستفيدون معاي !!!
اليوم انا بقول لكم عن حل لمشكلة الشعر الدهني .. والخفيف

((الصبار ))
انا مجربته شخصيا .. وبصرااااااحه يخلي الشعر ما يدهن .. ويعطيه كثافة ملحوظة من اول استخدام .. حتى الي شعرها جاف .. يعدل فيه الرطوبة سبحان الله !!!
والله العظيم .. انا جربته .. خذيت النبته .. وقصيت جذع واحد .. طبعا تغسلينه .. وبعدين تقطعينه ( انا اقطع الجذع نصين بالطول).. وتاخذين اللب والعصارة مالته .. وتدلكين بها فروة راسج .. وشوي منه تحطينه على باقي الشعر .. (( قلت شوي )) .. اهم شي الفروة !!
وعقب ما تغسلينه تقدرين تحطين كريم او اي زيت .. انا استخدم دابر املا .. واحط خلطة قلب نايف مرتين في الاسبوع .. وما شاءالله .. قام ينبت شعر .. والكل في بيتنا لاحظ اني شعري صار اغلظ بواااااايد من قبل .. وصار ما يزيت بسرعه .. حتى تحت الشيلة !!
اتمنى اني افدتكم .. و أي سؤال انا حااااضرة !!:D

أ

أم كرومي

مشرفة سابقة

30-06-2009 | 01:11 PM

هلا فيج حبيبتي فراولة باردة

مشكورة على افادتج و على الموضوع

بانتظار جديدك المميز (f)

s

soma_200772

عروس مشرقة

30-06-2009 | 01:35 PM

شكرا ياقمر على الافاده وجزاكى الله كل خير

ف

فراولة باردة

عروس فضية

30-06-2009 | 02:45 PM

حبيباتي انوار .. وسومة
مشكوووورررين على الرد الحلو
احرجتوني .. بصراااحه :o
وكلما جفت الردود اكثر ... كلما حطيت معلومات اكثر
والباقي .. وينكم ؟؟
محد شعرها خفيف ودهني ؟؟
محد رد !!

ا

الرمانه الحمراء

عروس فضية

30-06-2009 | 03:14 PM

يعطيك العافيه بس اول مره اعرف انه مايدهن

المشكله انا ناويه استخمه لشعري عشان يكثررر بس شعري مع الاسف مودهني.........

ف

فراولة باردة

عروس فضية

30-06-2009 | 03:26 PM

الرمانه الحمراء;9845949:
يعطيك العافيه بس اول مره اعرف انه مايدهن

المشكله انا ناويه استخمه لشعري عشان يكثررر بس شعري مع الاسف مودهني.........

اختى الرمانه الحمراء
الصبار ينظف فروة الراس .. يخلي الي شعرها دهني .. ما يدهن
والي شعرها جاف .. يعدل فيه الرطوبة .. يعني يرطبه !!! ( هاي السر الي فيه)
واذا انتي خايفة من الجفاف .. حطي لج زيت بعد ما تستعملينه .. وعندج زيت الخروع .. وزيت دابر املا (الاخضر) ...
واذا تبين شعرج يكثر .. سوي طريقتي .. يوم احط الصبار .. و يوم دابر املا .. و يوم خطلة قلب نايف .. والله ينبت لج شعر
حتى الثوم بعد اذا تفركينه على الفروة ينبت شعر .. بس مشكلته ريحته ... وتحصلين زيت الثوم المعطر .. عند الحواج ممتاااااز في تنبيت الشعر ...
اتمنى اني اكون افتدج .. بس عن الصبار .. توكلي على الله واستعمليه .. وحطي لج زيت او كريم .. عشان اذا تخافين من الجفاف .. وادعي لي باللي في بالي !!!

ب

بريق شمس

عروس نشيطة

30-06-2009 | 05:45 PM

[GLOW="CC0000"]الله يجزززززززاك بالجنه يااااااااارب [/GLOW]

انا شعري نفس الشيء وخفيف....... وزوجي متضايق منه

((( شاسوي ماكان كذا من قبل ...؟؟؟ جاه تساقط واعدمه )))) بس ودي اعرف ايش هي
[GLINT] خلطة ام نايف [/GLINT] بسررررررررررع الله يخليك يارب

ف

فراولة باردة

عروس فضية

30-06-2009 | 06:06 PM

هلا فيج حبيبتي
هي خلطة نقلتها لنا قلب نايف من منتدى ثاني
انا استخدمتها وشعري صار جنااااااان
شوفي باقول لج
تاخذين قدر .. وتخلين فيه ماي .. وبصله متوسطة الحجم .. وفصين ثوم .. وتغلين الماي لي حد ما يصير لونه اصفر من البصل والثوم ... حلو ؟؟
بعدين تخلين الماي يبرد ..
تحطين 3 ملاعق اكل سدر ... وملعقتين زيت خروع .. وملعقتين زيت زيتون ( انا استعمل زيت دابر املا لانه على زيتون ) .. و3 اكواب صغيرة من ماء البصل والثوم .. لين تصير عندج مقامها مثل الحنا .. لا هو غلييظ ولا هو سائل مرة !!!
وبس بعدين حطيه على شعرج من الفروة لين الاطراف ... والسدر معروف انه يجفف الشعر الدهني وترى الحلو في الخلطة انها ما فيها ريحه .. :D
واذا انتي شعرج جاف من اطرافه حطي زيت دابر املا عقب الاستخدام على الاطراف او اي زيت ثاني
انا شنو طريقتي ؟؟
احط زيت دابر املا ( الاخضر ) اول يوم .. وادلك فيه فروة راسي .. واغسله بعد 4 او 5 ساعات تقريبا
ثاني يوم .. احط الصبار ... تحطينه على كامل شعرج ... وتغسلينه عقب 4 او 5 ساعات ... وكل ما كان مدته اطول في راسج كل ما كان احسن .. خليه في الليل ونامي فيه اذا ابو العيال ما عنه مشكلة ..
وخلطة قلب نايف الي قلت لج عنها روووعه .. تنبت الشعر والله .. وكل ذي الي انا قاعده اسويه خلى الشعر ينبت لي من جدام .. قبل كنت صلعه !!
وزيادة على ذي كله .. الصبار .. يخلي الشعر ما يزيت !!
واذا في سؤال ثاني انا حاضرة فديتكم :D

ب

بريق شمس

عروس نشيطة

30-06-2009 | 06:30 PM

[GLOW="FF33FF"]الله يخليك[/GLOW]

اختي والله اسم على مسمى++ فراوله بارده ++
بردتي قلبي انا توني حاطه استفسار عن هذي الخلطه في المنتدى""
ربي يوفقك وينبت شعرك ويكثثثثثره لحد ماتملين منه.......
هاهاها وانا بعد وجميع امثالنا
[GLINT]يخليك ربي[/GLINT]

ف

فراولة باردة

عروس فضية

30-06-2009 | 06:32 PM

حاضرين لج حبيبتي ... وفي اي وقت
ويااااااااااااااارب يكثرررررررررررررررررر شعرنا .. ويوصل لي الارض من طوله !!
بالتوفيق فديت قلبج :wink:
واذا بغيتي اي شي انا حاااااااضرة ومن عيوني

p

persian_moi

عروس رائعة

30-06-2009 | 06:34 PM

مشكورة اختي ماقصرتي

بس ممكن تقولين لنا شلون كان شعرج ؟ يعني اذا خفيف ودهني من شنو صار جذي؟ وراثة او صادتج ظروف وشعرج صار خفيف..
وبعد بغيت اعرف شنو اكثر شي فادج حق انبات الشعر الصباّر او خلطة قلب نايف؟ وكم خذ وقت على مابينت النتيجة؟

ادري ياكثر أسألتي خخخخخخ :o

ف

فراولة باردة

عروس فضية

30-06-2009 | 06:46 PM

persian_moi;9847484:

مشكورة اختي ماقصرتي

بس ممكن تقولين لنا شلون كان شعرج ؟ يعني اذا خفيف ودهني من شنو صار جذي؟ وراثة او صادتج ظروف وشعرج صار خفيف..
وبعد بغيت اعرف شنو اكثر شي فادج حق انبات الشعر الصباّر او خلطة قلب نايف؟ وكم خذ وقت على مابينت النتيجة؟

ادري ياكثر أسألتي خخخخخخ :o

هلا وغلا فديتج
شعري كان خفيف من جدام ... من حطة الشيلة .. لانها على راسي على طووول و وقت دوام الجامعه طوييييل
وكنت اغسله مثلا الصبح .. عادي في الليل يزيت .. او يوم ثاني الصبح اقعد وهو مزيت !!!

شوفي .. انا الكل في عيلتي ومن الصوبين شعرهم غليظ بس انا وبنت خالتي شعرنا خفيف !!
انا اول شي سويته .. استخدمت زيت دابر املا الاخضر .. ادلك فيه فروة راسي واخليه 4 لي 5 ساعات واغسل شعري بالشامبو ( استعمل هيربل اسينسز) الي على دراق وخاص بالشعر الخفيف ويكثف الشعر ..
بعدين ثاني يوم من احط الزيت .. احط الصبار .. شرحت طريقته شلون .. واخليه 4 لي 5 ساعات وكلما زادت المدة .. كلما كاااانت النتايج احلى .. والصبار يعطيج النتيجة من اول استخدام ..
بعدين جربت خلطة الاخت الغالية قلب نايف ... في نفس اليوم امي قالت لي استمري على هالخلطة .. لان شعرج صار غليظ !!!
وبس صرت احط هالاشياء في شعري بهالترتيب وكلها .. تنبت الشعر وتطوله !!!
وصرت اغسل شعري كل يوم وترك .. او كل يومين .. من عقب ما كنت اغسله كل يووم !!!
وفي فترة شهرين بتلاحظين النتيجة بقووووووة .. بس اهم شي الاستمرار عليها .. هذا عن الصبار و زيت دابر املا .... اما الخلطة .. خلت شعري يثقل .. تحسينه ثقيييل!! وحطيتها لي حد الان مرتين ... والنتايج حدها حلوة !!!
بس اذكرج اختى ان اهم شي الاستمرار
واي سؤال ثاني انا حاضرة فديت قلبج :wink:

ه

هجيـــــرٍ

عروس متألقة

30-06-2009 | 07:36 PM

ربي خليك على الطريقه وبجربهااا آآآكيد

لأني قبل اسبوع رحت للدكتوره آشتكي من شعري

دهني ويتساقط والقشره تعبتني وعطتني كبسولات لنمو الشعر وتكثيفه بس غاليات شوي
وشامبو خاص للقشره والشعر الدهني
بصراحه فادني
وبجرب طرقتك معهم وبنشوووف النتائج

بصراحه الشعر مهم حيل
دمتِ بخير

ف

فراولة باردة

عروس فضية

30-06-2009 | 07:45 PM

هجيرٍ;9847916:
ربي خليك على الطريقه وبجربهااا آآآكيد

لأني قبل اسبوع رحت للدكتوره آشتكي من شعري

دهني ويتساقط والقشره تعبتني وعطتني كبسولات لنمو الشعر وتكثيفه بس غاليات شوي
وشامبو خاص للقشره والشعر الدهني
بصراحه فادني
وبجرب طرقتك معهم وبنشوووف النتائج

بصراحه الشعر مهم حيل
دمتِ بخير

تسلمين فديت قلبج ... وان شاءالله شعرج يغلظ :D

م

محبوبه الغالي

عروس رائعة

30-06-2009 | 08:08 PM

حبيبتي بسالك خلطه قلب نايف كم مره تحطينهابالاسبوع
وكم المده ساعه ساعتين ...الخ

ياليت تردين

الله يعطيك العافيه مقدما

p

persian_moi

عروس رائعة

30-06-2009 | 08:18 PM

فراولة باردة;9847573:

هلا وغلا فديتج
شعري كان خفيف من جدام ... من حطة الشيلة .. لانها على راسي على طووول و وقت دوام الجامعه طوييييل
وكنت اغسله مثلا الصبح .. عادي في الليل يزيت .. او يوم ثاني الصبح اقعد وهو مزيت !!!

شوفي .. انا الكل في عيلتي ومن الصوبين شعرهم غليظ بس انا وبنت خالتي شعرنا خفيف !!
انا اول شي سويته .. استخدمت زيت دابر املا الاخضر .. ادلك فيه فروة راسي واخليه 4 لي 5 ساعات واغسل شعري بالشامبو ( استعمل هيربل اسينسز) الي على دراق وخاص بالشعر الخفيف ويكثف الشعر ..
بعدين ثاني يوم من احط الزيت .. احط الصبار .. شرحت طريقته شلون .. واخليه 4 لي 5 ساعات وكلما زادت المدة .. كلما كاااانت النتايج احلى .. والصبار يعطيج النتيجة من اول استخدام ..
بعدين جربت خلطة الاخت الغالية قلب نايف ... في نفس اليوم امي قالت لي استمري على هالخلطة .. لان شعرج صار غليظ !!!
وبس صرت احط هالاشياء في شعري بهالترتيب وكلها .. تنبت الشعر وتطوله !!!
وصرت اغسل شعري كل يوم وترك .. او كل يومين .. من عقب ما كنت اغسله كل يووم !!!
وفي فترة شهرين بتلاحظين النتيجة بقووووووة .. بس اهم شي الاستمرار عليها .. هذا عن الصبار و زيت دابر املا .... اما الخلطة .. خلت شعري يثقل .. تحسينه ثقيييل!! وحطيتها لي حد الان مرتين ... والنتايج حدها حلوة !!!
بس اذكرج اختى ان اهم شي الاستمرار
واي سؤال ثاني انا حاضرة فديت قلبج :wink:

مشكورة قلبي ماقصرتي والله
بس 3 ايام ورى بعض مايهلك الفروة؟ قصدي مو كثير ؟

ف

فراولة باردة

عروس فضية

30-06-2009 | 08:21 PM

محبوبه الغالي;9848089:
حبيبتي بسالك خلطه قلب نايف كم مره تحطينهابالاسبوع
وكم المده ساعه ساعتين ...الخ

ياليت تردين

الله يعطيك العافيه مقدما

هلا حبيبتي محبوبة الغالي
اول مرة حطيتها ... خليتها ساعتين بس ... وتخيلي ان بانت النتيجة من اول مرة
اما الحين صرت احطها اربع الي خمس ساعات
واحطها مرتين او 3 مرات في الاسبوع

اي سؤال ثاني انا حاضرة فديت قلبج !!!:D

م

محبوبه الغالي

عروس رائعة

30-06-2009 | 08:24 PM

يالبا قلبك

الله يعطيك العافيه ويحققلك اللي فبالك

وي فديت اللي يردون بسرعه

ف

فراولة باردة

عروس فضية

30-06-2009 | 08:24 PM

persian_moi;9848138:
مشكورة قلبي ماقصرتي والله
بس 3 ايام ورى بعض مايهلك الفروة؟ قصدي مو كثير ؟

لا حبيبتي ما يهلك الفروة .. عقب كل 3 ايام من الزيت والصبار والخلطة .. عطي شعرج يومين راحة
وبعدين رجعي سويها
والله يوفقج ويعطيج نتايج ترضيج باذن الله :wink:

ف

فراولة باردة

عروس فضية

30-06-2009 | 08:28 PM

محبوبه الغالي;9848161:
يالبا قلبك

الله يعطيك العافيه ويحققلك اللي فبالك

وي فديت اللي يردون بسرعه

اميييييييين ياااااااااااارب العالمين ... علينا اجمعين
يفداج غاليج حبيبتي !!!
لي الشرف انج تشاركين في مواضيعي واني ارد على اسألتكم الحلوة :o