الحياء والخوف من التقصير .. مشكلة تواجه العرائس !!

حبيبتى نور
والله ضحكتينى ساعة ما قرأت الموضوع
أصلك فكرتينى بحال صديقاتى
انا كنت وسط صديقاتى اكثرهن ثقافة فى الحياة الزوجية من كل جوانبها

ساعدنى على الثقافة دى بعض الأمور:
أول حاجة تفهم امى وصداقتى لها
فكنت أسألها فى الامور التى تشكل على
وكمان هى وبابا كانوا بيشجعونى على شراء الكتب والشرائط التى تجعلنى واعية بكل امور الحياة الزوجية
يعنى التربية لها دور
تانى حاجة انا شخصيتى جريئة ولا اخاف فى الحق بفضل الله عندما اشعر أنى على صواب لا استحى أبدا فكنت أذهب واسأل واقرأ صحيح كان فى حياء لكن مش الحياء المرضى الذى يمنعنى عن تحقيق هدفى
ثالثا :هدفى
أساسا كان هدفى هو إنى اكون زوجة صالحة وأدخل الجنة من اى باب شئت كما ذكر الرسول ولأجل تحقيق هذا الهدف سعيت لتنمية مهاراتى وقدراتى التى تساعدنى على ذلك
تعلمت فن الطبخ ومهارات إدارة شئون البيت
دخلت كلية التربية حتى استطيع التعامل الصحيح مع اطفالى
ومن ضمن تلك الجوانب واهمها طريقة التفاهم مع الرجل وإرضاءه
وطبعا لأجل هذا كنت اقنع نفسى دائما انى لا يجب أن استحى من زوجى ابدا
أولا لأنى انا من اخترته يعنى لم يفرض على
ثانيا
هو الإنسان الوحيد فى العالم كله الذى يباح له رؤية جسدى كاملا بدون ان يكون هناك أى عورة امامه
بينما امى التى هى امى وأبى الذى هو ابى لى عورات لا يجوز لهم تجاوز النظر إليها
إذن إذا كنت أستحى من والدىّ فالبديهى ألا استحى من زوجى
أتعلمين من كثرة ما كنت أشرح لصديقاتى جوانب الحياة الزوجية وحقوق الزوجة وواجباتها
قالوا لى أنكى انتى من ستخبر زوجها بما يجب عليه فعله فى كل شىء لخبرتى فى تلك الأمور
ولكن صدقينى مثلى مثل كل فتاة فى ليلة دخلتها كانت خائفة ومرتبكة

ولكن خفف من حياءى وخوفى أمران اولهما أننى أحب زوجى فكنت مشتاقة له كما هو مشتاق لى
ثانيا
أنى كنت فى اول ايام الحيض فكنت مطمئنة ان الوقت امامى للأخذ عليه
وبالنسبة للبس بيجى تدريجى مرة تلبسى بيجامة ساتان عليها جاكت ت نصف كم وبعدها بشوية تخلعى الجاكت وتخلى التوب الحمالة ويوم تانى تلبسى قميص طويل عليه الروب وبعدين تخلعى الروب
ويوم تانى تلبسى قميص قصير مستور شوية
وبعدين تلبسى قميص فضايحى شوية
يعنى
هو الموضوع بيقى صعب شوية لكن ما فيش دقايق وبتتعودى وتأخدى عليه

ولكن بالنسبة لمن تظل بعد الزواج بفترة مريضة بالحياء واقول مريضة فهذا لا يجوز
الحياء مطلوب ولكن فى حالة تواجده بشكل مستمر يكون مملا ويجعل الرجل يزهد فى زوجته
لأنها بحيائها الزائد المرضى تحرمه من أن يعف نفسه وتدفعه دفعا لإرتكاب المحرمات ومشاهدة الرذائل
على كل واحدة تعانى من الحياء الزائد الذى يمنعها من إرضاء طلبات زوجها :
1:أن تتذكر أن هذا الرجل جاء للتزوج بها لأنه يحبها ويريدها هى ان تعفه عن الحرام فإن لم تفعل ذلك فلتجلس فى بيت اهلها بدون زواج افضل
2:أن تنزع من رأسها كل ما قالته لها والدتها أو جدتها(أو أى شخص )يخبرها بتحريم الحلال بحجة العادات والتقاليد عيب تلبسى لا نجيرى او قمصان نوم عارية امام زوجك (أمال تلبسهم فين ولا هى إتحكم عليها طول عمرها تلبس طويل ومقفل)
عيب تتجاوبى مع زوجك فى العلاقة الحميمة يقول عليكى مش متربية(ليه هى نايمة معاه فى الحرام ولا مالهاش إحساس هى كمان تقول بأحب كده ونفسى فى كده)
عيب لما تكونى تعبانة فى العلاقة الحميمة تنطقى وتقولى إنك تعبانة (ليه هو إنتى جماد مش بيحس على فكرة بقى الراجل بيحس بزوجته وتعبها بس بيفسره تفسير تانى خالص بيفسره إنها مش بتحبه ومش طايقة تنام معاه وبالتالى يتولد الجفاء بينهم
.....إنتى تعبانة وخاصة فى الايام الاولى قولى له انا نفسى اسعدك وارضيك بس انا تعبانة ولو ماتركتنى لغاية ما الالم يخف التعب هيزيد وإنت اللى هتخسر لأنك مش ممكن تنبسط وأنا بأتألم وتطلبى منه تروحى لطبيبة لو التعب شديد)
لازم تفكيرنا القديم ده يتغير لأن رجالة دلوقتى مابقوش رجالة مغمضين
ده بيوصل لهم الجنس لهم فى مكانهم
يبقى يوم ما تخلى حياءك يمنعك من إعفاف زوجك يبقى إنتى الخسرانة
إقنعى نفسك كل ما تيجى تستحى منه
ده زوجى حبيبى ما ينفعش استحى منه
وبعدين هو هينبسط لو عملت كده
بس خلى بالك اللى إحنا بنقوله فى الفترة الاولى من الزواج ما تمتنعى عن تلبية طلباته اللى بيطلبها
لكن تيجى تطبقى الحاجات اللى إتعلمتيها من نفسك فى اول شهر من الزواج كده تخليه فعلا يقتنع إنه مش اول رجل فى حياتك
يعنى فى اول الزواج نفذى طلباته هو وبعد كده تدريجيا إبدأى تنفيذ الحاجات اللى بتتعلميها واحدة واحدة
شوفتى يانور خلتينى إنطلقت وبقيت زى الحصان السايب من غير لجام ههههه
بصراحة أصلى كنت مخنوقة أوى لأن لسه برضه بنوتة بتقولى لكام غريب قوى على بنت المفروض إنها على وشك زواج والسبب الأفكار اللى برمجتها عليها والدتها الله يهديها وكل واحدة على وش زواج ولسه قطة مغمضة ما تعرف أى حاجة ليها عندى هدية بس تراسلنى على الخاص