السلام عليكم و رحمة الله و بركاته ..
شحالكن بنوتات ؟؟
هذي أول مشاركه لي بهالقسم .. صارلي فتره اقول أبا انزل شي .. بس اخاف ما احصل تشجيع أو تفاعل منكم .. لكن قلت خلني اتوكل على الله و نشوووف بعدين :wink:
و بالبدايه حابه اشكر العضوه (( القلوب أسرار )) لانها ومن غير ما تعرف لها دور كبير في تشجيعي .. و لاني من عشاق المكياج و الموضه قررت اراويكم لوكي في حقلة تخرج (( أخت زوجي )) ..
همسه ّّّ
[BLINK]
لا أحلل لاي عضوه أو زائره بأنها تنقل موضوعي من دون ما تذكر المصدر .. لانه جهد شخصي .. وارجو منكن الاحترام ..
[/BLINK]
فالبدايه .. قبل الحفله بيوم سويت تنظيف لبشرتي .. استخدمت (( روب + عسل )) خلطتهم مع بعض و حطيتهم على ويهي ..
شحالكن بنوتات ؟؟
هذي أول مشاركه لي بهالقسم .. صارلي فتره اقول أبا انزل شي .. بس اخاف ما احصل تشجيع أو تفاعل منكم .. لكن قلت خلني اتوكل على الله و نشوووف بعدين :wink:
و بالبدايه حابه اشكر العضوه (( القلوب أسرار )) لانها ومن غير ما تعرف لها دور كبير في تشجيعي .. و لاني من عشاق المكياج و الموضه قررت اراويكم لوكي في حقلة تخرج (( أخت زوجي )) ..
همسه ّّّ
[BLINK]
لا أحلل لاي عضوه أو زائره بأنها تنقل موضوعي من دون ما تذكر المصدر .. لانه جهد شخصي .. وارجو منكن الاحترام ..
[/BLINK]
فالبدايه .. قبل الحفله بيوم سويت تنظيف لبشرتي .. استخدمت (( روب + عسل )) خلطتهم مع بعض و حطيتهم على ويهي ..
يوم الحفله .. الصبح غسلت ويهي بغسول clean & Clear .. و عقب حطيت قناع Skin Fx من مكياجي .. هالقناع وايد حلو و يخلي البشره نقيه و ناعمه ..
قبل لا احط المكياج .. رشيت على ويهي ماي ورد بارد .. وعقب حطيت كريم Johnson's Baby ..
نبدى بالمكياج .. أولا حطيت كريم الاساس Rimmel من لايف ستايل و لونه حلو و طبيعي و خفيف ع البشره هب كثيف .. و بعدين حطيت خافي العيوب VOV cover foundation تحت العين .. و أخيرا وزعت بودرة SabaYa رقم 5 من مكياجي .. و هالبودره رهيبه بكل معنى الكلمه ..
عدلت حواجبي بقلم الحواجب من مكياجي و لونه بني .. و عقب عدلتهم بمشط الحواجب ..
قبل لا ابدى الميكاب لبست عدساتي بس نسيت اصورها .. ولونها ازرق ..
حطيت إضاءه بيضه على عظمة الحاجب .. و بعدين استخدمت اللون البنفسجي من Sabaya من مكياجي على كامل الجفن المتحرك ما عدا الجزء الامامي للعين ..
و بعدين باللون التركوازي حطيت في زاوية العين الاماميه و دمجتها مع اللون البنفسجي ..
حطيت آيلينر أسود من مكياجي فوق العين خط رفيع ومن تحت بعد .. و بعدها خذت الآيشدو الاسود و حطيته في الزاويه الخارجيه للعين لين الداخل و دمجته مع الآيلينر و الآيشدو البنفسجي ..
رسمت بالآيشدو البنفسجي أسفل العين تحت الآيلينر خط رفيع ..
بعدين حطيت ماسكارا .. أنا عندي طريقه و صارلي 3 سنوات اسويها و تخلي رموشي كثيفه .. و الطريقه عباره عن أولا احط ماسكارا من لانكوم بس احط شويه .. و بعدها اخلي الماسكارا تنشف لمدة دقيقه أو أقل و احط فوقها ماسكارا ثانيه من Iopai << هالماركه أنا خذتها من لندن وايد حلوه ..
عقب احط بلاشر لونه وردي على خوخي من مكياجي و فوقه بلاشر فيه لمعة حلوه بدون لوون ترومين تستخدمينه فالمناسبات وهو من مكياجي ..احدد بقلم تحديد الشفايف من Sabaya من مكياجي ولونه وردي فاتح .. بعدين احط Labello على شفايفي عسب تكون الشفايف ناعمه و طبيعيه من غير تشققات ..
عقبها احط روج لونه وردي على فوشي بس هب غامج وايد من elleFar .. و فوق الروج حطيت قلوس خذته من لندن بعد و طعمه و ريحته جنان اسمه Brillant ..
و هذا هو اللوك النهائي .. بس أنا دورت بالنت وايد وما حصلت صورة مكياج شرات اللي أنا سويته غير هالصوره .. وطبعا انتوا ملاحظين أن ماشي لون تركوازي بهالمكياج ..
و هذي صورة اللبس اللي لبسته .. فستان أسود ساده قصير لين تحت الركب بشوي وفي نهاية الفستان شغل باليد على شكل ورووود باللون البنفسجي و التركواز .. و فوقه جاكيت من الدانتيل ..
حطيت مانكير أحمر من NeXt .. و تعطرت بعطر اسنه ما اروعك من الرصاصي ريحته مع الدهن العود خباااااااااااااااااااال والله .. و حطيت دهن عود سيوفي ..
شعري سرت الصالون لانه ما كان عندي وقت و سويته سشوار و بف خفيف هب عالي وايد شرات اللي بالصوره ..
لبست عقد (( فرفشه )) و كان وايد حلو .. السموحه ما بقدر احط الصوره لان العقد عند أخت زوجي متسلفته مني :o
و أخيرا لبست عباتي و توكلت على الله :)
اتمنى يعيبكم اللوك .. واذا كنت استاهل قيموني لاني صدق تعبت وايد :wink:
.gif)
