عاجل بنات مشكلة انسانة عزيزة على قلبي

السلام عليكم و رحمة الله و بركاته

بنات قبل شوي اتصلت فيني صديقتي هيه مثل اختي و اعز و مالنا من بعد الله غير بعض <<دخلي بالموضوع

و قالتلي عن موضوع مو لاقيين حل اله راح اكتبه الكم بالتفصيل و انتوا احكموا

خواتي راح اسمي صديقتي باسم مستعار لانكم راح تدوخون راح اسميها صبا

صبا اللي راح اكتبلكم مشكلتها كانت عندها هيه و اهلها صديقة مقربة و هيه مطلقه وعندها ولد

علاقتهم كانت قوية جدا لكن صارت مشاكل بعدين و انتهت هاي العلاقه

و هاالبنت المطلقة كانت ملتزمة ومحجبة لكن من خلصت مشاكلها مع زوجها و الدولة وقفت معاها و خلتها توقف على رجلها ماصارت تخاف من اي احد حتى من رب العالمين

اول شي سوته قطت حجابها و طبعا اللي مايخاف من رب العالمين كل شي ممكن يسوي الله يستر علينا و على جميع نساء المسلمين

المهم صبا من اول ماانخطبت يعني كانت بعدها مو قاطعه العلاقه مع صديقتها المطلقه و هالمطلقه هاي من اول ماشافت خطيب صبا اعجبت فيه شلون يعني يعني قالتها بوجهه ان هو حلو وملامحه كانه ايطالي و يهبل !!

الحين صبا متزوجه طبعا و صار عندها اطفال و من اول ماتزوجت تقريبا و العلاقه منقطعه مع صديقتها المطلقه

الى ان قبل فترة راحت هالمطلقه للمطعم اللي يشتغل فيه زوج صديقتي و قعدت تتكلم معاه و تقوله اشتريت سيارة جديده و اخذت الجنسية و تمدح بعمرها !!

صبا و زوجها وقتها مااعطوا للموضوع اهمية لانها ممكن ماتقصد شي زبونة حالها حال غيرها راحت تشتري اكل

بس اللي صار اليوم خلت الموضوع ينحط عليه علامات استفهام و بدت صبا تخاف و تفكر بالف فكرة

اليوم اتصلت صديقة صبا (ساكنة يم مطعم زوج صبا + تعرف المطلقة+ تحب تبالغ)

و قالتلها ياصبا توني مريت من قدام محل زوجك بالسيارة و شفت المطلقة واقفه بسيارتها من ربع ساعة قدام محل زوجك بالضبط و تلعب بشعرها و تتكلم بالموبايل و عينها على المحل !!

صبا طبعا اتصلت على موبايل زوجها تتاكد بس مسكين كان مشغول و ماكان موبيله يدق مشغول الحمد لله

بس للحين خايفه تقول اخاف حطت عينها عليه و المشكله انها ماعندها دين ولا خوف من الله ولا من الناس تقول اخاف تسويله سحر او شي لا سمح الله

فكرنا انه نخلي احد يتصل فيها يهددها بس المشكله نخاف ان نفتح باب على انفسنا و احنا بغنى عنه مثلا تكون اساسا موقفه بالصدفه قدام المطعم او اي سبب ثاني و نكون بهالحاله فتحنا عيونها على شي هيه مو مفكره فيه

و مسالة ان زوج صديقتي يزفها و مايدخلها للمطعم مايقدر يسويها اصلا يعني لانه من النوع مايحب يسوي مشاكل مع احد بدون سبب واضح

و فكرنا ان صديقتي بنفسها تتصل فيها و نفس الشي اخاف تنتقم و تسوي المستحيل علشان تاخذ زوجها منها او تسوي اي سالفة

فبشنو تنصحونها خواتي؟؟؟