مشكلتي مع حماتي

مساا الخير صباياا

أنا رح أدخل بمشكلتي على طول بدوون مقدماات :(

ويا ليت ألقى حل مناسب

مشكلتي أنا وزوجي مع حماتي

أنا من فتره كنت بإجازه عند أهلي ومن زمان ما كنت نازله اجازه ولا شايفه أهلي

وأنا هنيك طلب مني زوجي روح على بيت أهلو وأجلس عندهم كم يوم

ما حبيت زعلوو ورحت والله وبدت المشاكل والحكي والعتاب شي صار وشي

ما صار وأنا اسكت وما احكي شي وبدت التدخلات من بنات حماي

وكل وحده صارت بدها تبين انو امها مظلومه وأنا يلي ظالمتهاااا

وإنو أنا حاكمه زوجي وما بيمشي إلا بشووري و و و و إلخ

والله يا بنات كل هالحكي مو صحيح وزوجي من من هالنوع

بالعكس يلي بيعجبني فيه رجوليتوو وما إلو بحكي النسوان

وعلاقتنااا مبنيه على التفاهم بكل امورناا

هنن فهموو الموضوع على اساس اني اخدت ابنهاا منهااا وعم حرضوو عليهااا وعلى

بناتهاا

المهم طلعت الاجازه علي متل السم

بس رغم هيك انبسطت فيهاا بس عند اهلي

خلصت الاجازه ورجعت وغلطت وحكيت قدام زوجي عن امه

وشكيت منها ومن اخواتووو بس ما توقعت ردة فعلوو رح تكون قويه

عصب وحلف علي بالطلاق اني ازا ما بحكيلوو كل كلمه سمعتهاا بكون طالق

:( انا حكيتلووو كل شي والله ما خليت ولا حرف

نبه علي ما ارد ولا على اي اتصال لا من امه ولا من اخواتوو

واتصل على ابوه وشكالوو من امو وهلأ اكيد علقت عندهم والسبب أنا

مو عرفانه موقفي كيف رح يصير قدام حماتي وكمان يلي غاض زوجي

انها اتصلت على سلفي أخو زوجي وشكتلوو مني ومن زوجي وتبكي

دمووع التماسيح طبعا متل ما بقولووو واتصل سلفي على اخوه وحكالوو

هيك هيك امك بتحكيلي هو مو ضدنا الرجال بس بدوو يهدي اخوه ويحكيلوو

شو صاار

طب والله ما بيصير هيك ليش تشوه صورتي قدام سلفي

المهم هلأ اكيد هيي عرفت انو انا حكيت لزوجي كل شي

كيف بدي صلح موقفي قدامهاا واكيد رح تتصل علي وما رح اقدر ارد عليهاا

لانو زوجي منعني ورح تكبر الشغله مو عرفانه شو بدي سااوي

هل اتصل عليهااا واصلح موقفي واحكيلها كل شي صار واعتذر

ولا طنش واعمل حالي كإنوو ما صااار شي

اقترحوو علي بليييز