هذي حلاوة سويتها وعجبت الكل ياريت تجربونها وتعجبكم
ما اطول عليكم
المقادير :
علبة كيك (الباوند كيك )
تاخذين الكيكة وتنتفينها وتحطينها في قالب الكيك المتحرك
الطبقة الثانية :
نعمل التوفييييي وانتي جوفي اذا تبينة سائل وايد حطي علبة قشة
واذا تبين تخلينة شوي ثقيل حطي نص علبة
انا جربت الاثنين ولقين الثقيل احلى
وطريقتة تاخذين كأس سكر كبر على النار
وبعد مايتحمر اضيفين له القشطة واذا حسيتي تكثفت حطي شوووووية ماي دافي
بعدين اضيفينة على طبقة الكيك بس لاتحطينة كامل خلي منة شوي للاخير
بعدين حطيها بالفريزر عشان يجمد التوفي
وفي هذا الوقت نعمل الطبقة الثالثة :
نخلط هذي المقادير مع بعض
وهي عباره عن كأس ونص بسكوت مطحون مع علبة قشطة و4 حبات جبنة كيري وتقدرين اضيفين نصف كوب حليب محلى بس ماصورتة نسيت
واضيفين هذا الخليط على طبقة التوفي اذا جمدت
ونحطها بالفريزر مره ثانية على ما نسوي الطبقة الاخيره
الطبقة الرابعة :
عمل حمام مائي الى 3 جلكسي سادة واذا ذاب نضيف لة نصف علبة قشطة
ونضيفها فوق كطبقة اخيره وهو حااار ونضيف معاها التوفي الي خليناه للاخير
وصير هذا شكلها
ونحطها بالثلاجة لمده ساعتين على الاقل وتقدم بارده
ولا تنسون القهوه معاها
صحة وعافية عليكم
ولا تنسون تقييمي :wink: اذا عجبتكم :cool:
![]("http://go.3roos.com/xyb45p0bvrk(105).gif")
![]("http://go.3roos.com/86i65ufvx58(181).gif")
