اليوم يبت لكم طريقة سويت وايد حلو وحلاته مع القهوه العربيه
بصراحه وايد عجب امي كانت مسويه رجيم وماقدرت تقاوم وجدتي الله يحفظها قالت لها اذا ذقتي وحده ما بيمديج تكملين الاولى تبين الثانيه هههههههه
مابطول عليكم..
الطريقه:
1ونص كوب سميد
1كوب سكر
1 كوب حليب بودره
1 ونص علبة قشطه
1 ونص ملعقة كاكاو بودره
1ملعقة شاي نسكافيه
للوجه :
نوتيلا
لوز مقشر
1- نحمر سميد +سكر+حليب في قدر نقلبه لين يشقر لونه طبعا على نار متوسطه عشان مايحترق
2- نشيله من على النار ونظيف القشطه و الكاكاو بودره والنسكافيه ونعجن لين تصير عجينه متماسكه
3- ناخذ شوي من العجينه ونشكلها نفس الصوره ونحط عليها نوتيلا وكثرو من النوتيلا احلى وزينوها بالجوز
ان شاء الله يعجبكم ^^
وبالعافيه مقدماً
