الجزء الثاني من مشكلتي مع زوجي

حلم العذارى;9816127:

أستغفر الله العلي العظيم ..,

هذي قلة الصلاة وما تسوي

بيشكك حتى بأخلاق زوجته , وإلي في بطنها

*

إنتي غلطانة وايد , وهو أخس منج بعد

*

وإذا ما كان يصلي ؟!..

شنو يعني تيآسين .. بالعكس المفروض تحاولين بكل الطرق والوسائل

وترجعينه لصلاته

مو تشيلين أغراضج , وتقولين ما أبيه!..

*

وهو على ما يبدو مقهور جداً منج

لأنج شهرتي فيه جدام أخته وقلتي عنه ( ما يصلي )

و بتقولين لأهلج , وتبين الطلاق

كل هلأسباب خلته يشكك فيج , وفي إلي في بطنج

لأن بداخله مستحي , وخايف , ومنحرج من فضيحته

ويبي يفضحج هو بعد .. ويطلع فيج عيوب

/
\

إذا كنتي فعلاً عاقلة!..

وتخافين ربج .. وتحافظين على صلاتج

وتبين تلمين زوجج و بيتج و أولادج

المفترض ما تسوين هاي كله وتفضحين زوجج و تشهرين بأسراركم

وتروحين تقولين لأخته ( ما يصلي ) تراها أبد مو سهلة

إذا منج إنتي مب راضي يصدق أو يقتنع ؟!..

شلون بعد تقولين لأخته

*

عموماً ..,

حاولي تصلحين المسآلة .. لأن أبد مب في صالحج زوجج يطعنج بشرفج

قعدي في بيت أهلج كم يوم .. وهدي نفسيتج

وكل يوم دزي له مسجات ( دينية , أدعية .. ودزي له مسجات حب وغرام )

وأتصلي كلميه , سآليه عن أخباره ؟!.

أشتاقوا لبعض خلال هالفترة .. و ريحوا أعصابكم

تفاهموا مع بعض بالهدوء , بعيداً عن العصبية و الصراخ

*

عزيزتي ..,

وايد ناس تاركين للصلاة , والهداية من الله

إنتي حاولي معاه لين ما يرجع لصلاته

مو تتخلين عنه

الله يعلم شنو بداخله , من شنو هو متضايق , شنو إلي يخليه يترك صلاته

أسباب عديدة جداً .. لازم تحطينها بلأعتبار

السالفة ما تنحل بأسلوبج أبد !..

وهذي أسرار .. ما تنقال لأحد

فشلون تشكينه لأهله ؟!.. أصلاً عيب تفضحينه بهالطريقة

*

حاولي معاه ..,

وهذا وإنتي تقرآين القرآن ومحافظة على صلاتج

يعني المفروض تفكيرج يكون أكبر من جذي

/
\

والكلام إلي قاله لج

وتشكيكه فيج و بالجنين .. صدقيني مال عصبية وقهر

لأنه يبي ينقذ نفسه و يرفع من رجولته إلي طعنتيها و قللتي من شآنها

فقام طعنج بهالشي ..,

سامحيه وأعتبريها زلة لسان

لأني متآكدة إنها طلعت في وقت هو ما عنده حواس لنفسه

*

أعتقد زوجج يعاني من مشكلة!..

توصلي لها

وقفي جنبه مو تتركينه بهالطريقة

رحمي أطفالج على الأقل !.. لا تتملكج الأنانية

الحياة أكبر وأحلى من جذي

*

يعني معقولة بتخلين كل صفات زوجج الحلوة والجميلة

وبتقعدين له على الوحدة ( إنت ما تصلي , إنت ما تصلي )

هذي مب أسلوب لحل مشكلته

وصلي له الشي بالنغزات

رسايل دعسيها بملابسه , أشرطة حطيها بسيارته , مسجات على موبايله

أشياء , وأشياء وايد

مب جذي يا إختي!..

الصبر , والحلم

ذكري الله

/
\

والله يهديكم و يصلح حالكم

حلم العذارى;9816257:

عادي!..

إذا شاك في أولاده

يقدر يسوي فحص إثبات الأبوة

وإنتي ما ذكرتي لنا كونه شكاك وغيور .. قلتي بس عن " صلاته "

دام جذي خلج في بيت أهلج

و قولي لهم عن كل إلي صار منه

وطالبي بفحص إثبات الأبوة

مو علشان تثبتين إنج بريئة !..

علشان تنكسر عينه

أحد يشك في ولده ؟!

أستغفر الله العلي العظيم

هذي كله بسبب قلة صلاته , قليل الصلاة , قليل إيمان

والله يهديه , ويصلح حاله

بس دام هذي كلامه

وهذي شرف وسمعة عوايل .. خل أبوج أو أخوج يتفاهمون معاه

وإنتي مالج كلام وياه

لأن الموضوع مو سهل!.. يطعن بشرف زوجته .. ويشكك بنسب أبنه , وينكر الجنين إلي في بطنج