احسن جهاز تغقيم المراضع + شفاطة الحليب

عن نفسي انا شريت جهاز تعقيم من مذركير ماركه avent
شفاطه الصدر بعدي ما شريت لان سمعت بعضهم يقولون ميلديا وبعضهم يقولون avent

بس سمعت انه في المستشفيات يستخدمون ميلديا بس الكتروني مو العادي

وسالت بنات اهلنا اكثرهم نصحوني بي ميلديا الكتروني
سعره 35 ريال عماني وينباع في صيدليه مسقط

برجر حبيبتي ما اعرف شنو الماركات الي عندكم واحسنها
بس الي جربته هو افنت وارتحت عليه :)
شوفي البنات شنو ينصحونج بيه ..

برغر بالنسبه لجهاز التعقيم انه بعد ادوور وعيزت وانه اسأل واخر شيي قررت انيي اشتري حبوب التعقيم وحافظه للمراضع

لانه سعرها ارخص ونفس المفعول


والحبوب تشوفينها في مذركير سنتر بوينت او الصيدليات


وبالنسبه للشفاطه انه صديقتيي واختي جربوو كل الانواع

واخر شي جربوو ميدلا وينصحوون فيها


بس ابدا مانصحج بالمنول انصحج بالكهربائيه

انا عندي الشيكو عندي منهم موديلين بصراحه روووووعه ولحد الان جددد ولا احتاج غيرهم
وانصحج لا تاخذين غيره لاني جبت من المذر كير وكان ولا شي
وعن شفاط الحليب ما اعرف بابني الاول اخذت واحد نسيت اسمه يكون يدوي بس كان زفت وهالمره اخذت شيكو اليدوي وهاي صورته بس ما اعرف اذا كان زين ولا لا

افنت افضل شئ

برجر
المعقم افضل شي ايفنت وشيكو
بس لاتاخذين بيجون اختي خذتها واحترقت

شفاطه الحليب
انه ماباخذ بس اكثر شي امدحو ميلديا وايفنت

وعموما منتجات ايفنت وايد زينه حتى المراضيع

انا معقم المراضع اخذته من شيكو اشوف الكل يمدحه

امس شريت شفاط الحليب من ماركه medela
لان سمعت كلهم يمدحونه
وحتى في المستشفيات يستخدمون هذا الماركه بس اللكتروني
بس بعدي ما جربت بجرب بعد الولاده

وسمعت عن ماركه بيجون وايد في شكاوي عليها
وعن ماركه avent سمعت بعد انها زينه بس medela احسن
لونه يكون اصفر اكتبي في جوجل medela وبيطلع لك الصور

ومعقم ماركه avent زينه

انا المعقم للمراضع استخدم شيكو واااايد زينة ومرتاحة عليها اما الشفاطة انا ما استخدمت

مشكورين بنات ... استفدت من كلامكم ..

بس ليش تحتاجون شفاطة الحليب؟ حق شنو تستخدمونها؟

اختي حرم السويدي,,

شفاطه الحليب

اذا لا سمح الله البيبي مايرضع من صدر الام وخاصه اول الايام او الام تلاقي صعوبه في الرضاعه خاصه اذا فيها تشققات في حلمه الصدر

في هالحاله الحليب يتجمع في صدرها ويألمها

تقدر تشفطه بالشفاطه وتخزنه وبعدين يعطونه البيبي في مرضعه

احسن من يجف الحليب ولا يستفيد منه البيبي



وفي الحاله الثانيه وخاصه للموظفات

تشفط الحليب بواسطه الشفاطه وتخزنه في الثلاجه لوقت حاجه البيبي للرضاعه ويعطونه اياه في مرضعه

مشكووووورات
وشكلي باخذ شيكو

واللي سألت ليش شفاطة الحليب
سعات الحليب يتم في صدر الام ويألمها وممكن يسبب لها سخونة فلازم تفضي الصدر ،،
وهم ينفع الموظفه لان تقدر تخزنة في الثلاجه بس مجرد تسخين وتعطي البيبي