بسرعه بسرعه
احترت اعمل اكل ايه كالعااااده ههههههههههه
فكرت علي طول في صينيه الجمبري بالخضار سهله وسريعه وصحيه جدااااا
نبدأ علي طول بالطريقه مع الصور واكيد هتفهموا يعني ههههههههه
انا غسلت الجمبري كويس بالخل وصفيته من ميته وجبت الصينيه وقطعت بطاطس مكعبات وجزر وبصل حلقات وتوم مقطع صغير وفلفل كمان وحطيتهم في الصينيه
وبعدين حطيت الجمبري عليهم
وبعدين الطماطم حلقات علي الوش
وبعدين جبت كوبايه ميه صغيره وحطيت مع الميه عصير لمونه وملح وفلفل وبهارات للسمك وكمان كسبره ناشفه وكمون وقلبتهم مع الميه ورشتهم علي الصينيه
وبس خلاص ودخلتها الفرن من تحت لغايه ما البطاطس بس استوت وبعدين حمرتها من فوق
وعملت الرز الابيض طبعا جمبها وسلطه خضرة بس مصورتش كل الحاجات دي عشان مفضتش ههههههههه
ودي بعد ما استوت
وبالف هنا وشفا
جربوها مش هتندموا سهله وسريعه وكمان خفيفه
