انا اول مرة انزل موضوع هنا فكرت كتير في انزل مواضيع ودايما كل مرة بيحصل حاجة والموضوع يبوظ
المهم انهرده هنزل لكو طريقة الكبد والأوانص بتاعة الفراخ بطريقتي بجد تحفة جدااااااا
يلا نبدا
بسم الله
اول حاجة بنجيبب الكبد والأوانص وطبعا لازم تكون مغسولة كويس بالخل والملح ونقطعها
انا طبعا عاملة كمية قليلة لان جوزي مش بياكلها بس بجد والله لو عملتوها هتعجبكو اوي
بعد كده بنقطع بصلة صغيرة جوانح ومعاها فلفل اخضر مقطع جوانح صغيرة برضو
ونحط عليهم معلقة سمنة بلدي ونشوح لمدة دقيقة بس على النار
وبعد كده بننزل بالكبد والأوانص ونحط عليهم ملح وفلفل وكمون وبهارات
ونوطي النار خالص ونغطي ونسيبهم ينزلو الميه وعلى فكرة من غير تقليييييييب عشان الكبد مش تتهري مننا
لغاية ما البصل يتحمر شوية ويبقى بالشكل ده
بعد كده بنضيف الميه
ونغطي ونسيبها عشان تستوي ولما الميه تنشف منها طبعا هي هتاخد وقت شوية في السوا عشان الأوانص ولما الميه تنشف نزود شوربة الفراخ او ممكن ميه لو مافيش شوربة
هنا بنلاحظ ان لون البصل كله بقى لون واحد يعني كل البصل متحمر اما الصورة اللي فوق قبل ما نزود الميه هنلاقي ان فيه بصل ابيض عشان كده بنزود شوية ميه ضغيرين بحيث اننا نديها فرصة ان البصله كلها يبقى لونها واحد وهو اللون البني
ولما الميه تغلي شوية ننزل عليها شرايح فلفل اخضر
هتقولو لي احنا حطينا فلفل في الاول هقول لكو ايوة بس الفلفل بعد ما الكبد تستوي وقبل ما نطفي عليها على طول بيعطيها طعم جميل اوي
ننزل الفلفل ونسيبيها تغلي شوية صغيرين وبكده تكون استوت
وده الشكل النهائي بعد الغرف
ممكن تتقدم سانوديتشات على العشا مع بطاطس محمرة وممكن مع الغدا ومعاها ملوخية وفراخ محمرة ورز وشوربة طبعا وده كان غدانا انهرده
وبالهنا والشفا
مستنية الردود الحلوة والتقييييييييم
وعاوزة تشجيع عشان الفكرة عجبتني وان شاء الله ابقى انزل اكلات على طول
سلاااااااام
(f)(f)(f)
(f)(f)
(f)
