الله يوفقها الي تلقى حل لمشكلتي وصلت لطلاق

والله ما انا عارفة شو احكيلك بس خليها لحظة قوة وروحي اسأليه شو اللي بده اياه عشان تعرفي شو اللي براسه يعني ما صدق ... بس انا مو فاهمة يعني انتي ما الك مطبخ ولا شو ؟؟؟ القصة مو واضحة

حلم العذارى;9804626:

بعض الأحيان .. الخصام يكبر ويطول

بس لأننا نجفى ونهجر!..

الله العالم شنو داخل قلب زوجج إتجاهج

شلي يخليج تطلبين الطلاق , أو تروحين بيت أهلج وإنتي ما وجهتينه أو كلمتيه

أو فهتمي .. شنو إلي بخاطره

*

أولاً !..

الحمد لله عندج مكان مستقرة فيه إنتي وزوجج

في ناس ما عندهم حتى مكان يعيشون فيه

ويوم طلبتي المطبخ ورفض وزعل

لازم عنده سبب

يمكن يكون سبب مادي وهو عدم قدرته وإستطاعته إنه يبني لج مطبخ ؟!..

*

ثانياً !..

أوكي صار الجفى والخلاف

شلي حادكم تهجرون بعض 5 شهور ؟!.

معقولة ما حاولتي ولا هو حاول

طيب ليش طلعتي من الغرفة بلأساس ؟!..

إنتي بلي صار بنيتي فجوة كبيرة وعميقة بينج وبين زوجج

*

ثالثاً !..

عمر الطلاق ما كان حل , إنما هو آخر الحلول

والطلاق هو للي حياتهم مع بعض محالة , وأبد ما في أمل للود مجدداً

تعتقدين إنج وصلتي لمرحلة ؟!.

العيشة وياه صعبة وخلاص ما تنبغى!..

/
\

عزيزتي !..

لمي كل أغراضج

وروحي غرفة نومج مع زوجج

رتبي هالشقة الصغيرونة .. وخليها قصر

تدلعي ورتبي عمرج و كشخي ( حتى لو كنتي حامل )

وحاولي تستدرجين حب زوجج المفقود من 5 شهور , بلإهتمام , بالحنان , بالدلع , بالتغيير وكسر الروتين

*

عزيزتي ..,

تكوينة عقل الرجل مثل الأطفال بالضبط

شوفي شلون تسيطرين على الطفل و تروضينه ؟!.

بالحنان الزايد , بالدلع والحب , بلإهتمام بكل صغيرة وكبيرة , بالهدايا

بكل شي .. بكل شي

*

خلي هالرجل هو عالمج , صدقيني بتكونين إنتي عالمه!..

الرجل محتاج الحب والعطف والإهتمام

ولين فقد كل شي في بيته

لين فقد راحته داخل بيته

تآكدي أول شي يسعى له

إنه يدوره برى البيت

فلا تهدمين بيتج بيدج

/
\

حالياً ..,

إنتوا مختلفين على ( مادة ) ولا تخلين المادة تفرق بين قلوبكم

بينكم عشرة عمر , بينكم أطفال

وفي جنين يكبر داخل بطنج .. عما قريب بيشوف النور

*

صيري إنتي أفضل وأحسن منه !..

كبري في عيونه

خليه يحس إنه في يده وحدة تعشقه وتموت فيه

أبدأي بالصلح

*

خلج رومانسية .. و تفنني معاه بالحركات إلي تجذبه

( رسايل حب , عطر جديد , طبخة حلوة .. إلخ )

ترى الرجل يطالع أيضاً .. أدق التفاصيل

*

صج شقتج صغيرة

لكن بذوقج .. و ترتيبج تكون قصر

وتكون مقر راحة لج وله

*

المطبخ ما أستوى الحين

مرده بيستوي

لين ما يفرجها ربج

يطير المطبخ , ولا يطير من يدج زوجج

/
\

ولا تقارنين بين حميج وزوجج أبد!!!!!!!!!!!!

ترضين زوجج يقارن بينج وبين زوجة حميج

حميج ..,

ما سوى شقة كاملة إلا وعنده المادة .. ومقتدر

زين زوجج ما يقدر ؟!.

تضغطين عليه ليش؟!

*

أستهدي بالله

وأذكري ربج دائماً

تحلي بالصبر والحلم

الحياة الزوجية أكبر من الماديات .. هذي قدسية ولازم كلنا نحترمها

اولا انا اوافقها الرأى و ثانيا بجد انا بيعجبنى جدا طريقة ردك على كل مشكلة يا حلم العذارى جزاكى الله خير...واختى صاحبة المشكلة ارى ان هذا الرد كفى ووفى و ربنا يهديلك الحال

حلم العذارى
ماشاء الله عليج درر
صج لخصتي المشكله في سطورج وحددتي مربط الفرس والحل

وانا اايدج بكل كلمه قلتيها .. طلاق عشان مطبخ !!!

مشكوره خواتي على الردود والله موكاسرني الا يوم طلبت المطبخ قام حماي اضاف لشقة غرفه ازياده جنه يعاند والبيت بيتي انا وزوجي حدي مقهوره ويوم تشاديت انا وزوجي قالي روحي حق اهلج اذا موعاجبج صج اني غلطت عليه بس انا من داخل مجروحه وعالعموم ماتقصرين حبيبتي

انزين بنات امانه شلون ابدي وياه عقب زعل حرمان من الطرفين قولولي شنو اسوي امانه ساعدوني

انا مع الي قالوه البنات
بس كمان عندي وجهت نظر---
انت بدل ما تواجهي المشكله هربتي منها وهجرتي زوجك في غرفته
وهذا ما يجوز شرعا يا اختي
وخليتي الفجوه تكبر بينكم
بدل ما تحليها بذكائك وشطارتك ودهائك
هربتي منها
***
وطبعا المراءه عندها كبرياء وما تقدر تتنازل وتروح لزوجها
لكن تقدري تخليه يجي هو لعندك بالدهاء
شلووووون---
اما انج تدزيله مسج(وتكتبي اشتقتلك)
او تحطي ورده حمراء على مخدته ومعاها بطاقه وتكتبيله من الكلام الي يبهج القلب
او انج تلبسي من الملابس (المشخلعه) وتمشي من قدامه وريحة العطر تمشي وراك
من ها الامور يا اختي
الي تخبرينها
وان شاءالله ما تلقينه الا وهو داش عليك الغرفه
ولا دش الله الله بالكلام المعسول ودموع التماسيح
وان شاءالله ربي يسخره لج
ويسويلج الي ببالك

اعتقد البنات كفوا و وفوا بس اللي اقدر اقوله لا تهجري زوجك اكثر من كذا و تلوف عليه وحده ثانيه لا قدر الله

اختي اصبري مادام عندك عيال ولا تبيعي استقرارهم بلحظة زعل

الغاليه ..

الصراحه انا حاسه فيج .. تدرين احنا شنو مشكلتنا النسوان العناد وان اي شي نبيه ..نصر عليه واحيانا ننسى نفسنا بالطريقه الي نطلبها .. في ريايل يتقبلونها وبعضهم لا .. لازم اسلوب ثاني وتاتي تاتي وحاتي باتي..يعني مثل الطفل ..

انتي شوي خذت الكرامه والعزه وانتظرتي ان زوجك يبادر بالاعتذار وطالت المده من يوم الى خمس شهور وتعقدت المشكله اكثر من مجرد مطبخ .. اعتقد ان المشكله الي بينك وبين زوجك هي بس المطبخ ولو طالعتي المشكله وصغرتيها وحقرتيها لشفتي ان زوجك انسان طيب وحنون ومقدر وكل شي بس هاللحظه الله العالم شنو كان يفكر وشلون انفعل..

على العموم .. انتي الحين حاسه ان السالفه صعبه .. بس عمر المبادره ما كانت صعبه.. الموضوع بسيط .. انتظر روحته الشغل ومثل ما قالت الاخت حلم العذاري شيلي اغراضج وعدلي الحجره وزينها وعطريها .. وحطي كرت مع ورد او اي شي يحبه او ارسلي له كرت مع ورد الشغل ,, او علبه شكولاته .. من اي محل ورود .. وحطي فيها ابيات شعر تعبر عن الي بخاطرج او حتى كلام حلو من قلبج.. ولا ترجعين تفتحين .. موضوع المطبخ .. لين هو بنفسه يحس .. وبعدين حطي شويه نغزات .. وهو بيفهم شوي شوي ..بيفهم..

الغاليه لا تقسين على نفسج وانتي حامل وانفعالاتج دايما تتضاعف ... ومعلش هالمره حطيها على نفسج لان زوجك يشوفك انتي الغلطانه ..

وطمنينا عليج

ام جنى

بما ان تم الصلح بين الطرفين يغلق الموضوع