مشكلتى مع خطيبي

شكرا لكم اخواتى وصديقاتى
كويتيه

كويتيه انا رفضت الين قلت امين وترانى انا ما ملكت الا وهلى ضاغطين على يقولو انى اكبرت ولازم اتزوج اختى الاصغر منى تزوجت بس انا كنت خايفه من الزواج وافضل انى اكمل دراسات عليا ولا اتزوج واعيش حياتى حره بس الوالد قال لى كم كلمه واقنعنى ولا انا مثل افضل عدم الزواج بس لما ملكت استغربت انى انا مو مثل صديقاتى


شقاوى انا الى الان استخير
انا مديه نفسي مهله كم شهر اذا ما اتغير الوضع لازم اشوف حل



عيون السهد شكرا لك واتمنى ما اكون مثل صديقتك لان الموت اهون من الطلاق بمجتمعنا

ومشكوره اختى

انا قريت قصتك وانا قلبي كل ألم انا في مشكلة واقسم انى مو عارفه الحل
قلت لي خواتي وقالي انتظري نشوف رد زوجك( انا في فتره الملكة الحين ولا اكلمه ولا يكلمني ولالالالا شفته بعد))

المشكلة هي

هذا الا متزوجني اخو زوج اختي اوكي صار لهم سنتين يخطبوني وانا رافضه والولد مصر انه ياخذ وحده من هذا البيت لدرجة كل ما قالوا له وحده قال ردو مره ثاني وخطبوا وتصوروا كل شهر زوج اختي فاتح الموضوع
معاها واهلي كلهم موافقين الا انا لان ...... هم بدوي مو متفتحين
انا ما اسب البدوي لالالالا بس في بدوي متفتحين شوي بس محافظين على عاداته بس لينين شوي
المهم مكثر الزن على وافقت
تصوووووروا عاد مفرووووض يفرح اني وافقك عليه
شنو صار انا ملك هنه ثاني يوم رحت عمره وقعدت اربع ايام ورديت
فحظرت جنابه جاى يسلم على امي وابي وياخذ اوراقي الرسميه علشان
معاملات دخل وسلم على الوالد وهمن جيت امي تسلم عليه
في هذا اللحظة ابوي طلع علشان اذن الاذان وراح يتوضا
عاد امي احبت تسولف معه فقالت له تري البنت مو متغطي ((( على فكره هو شرط اني اتغطي )))) بس انت انشاء الله راح تقنعها بعدين وتتفهمون معى بعض
****** انقلب الولد الىىىىىىىىىىى .......
فرد بصوت عالي لدرجة انا سمعت الحوار الا صار داخل غرفة الاستقبال
قاعد يقول انا شرط و انا قلت وانا انا فقالت امي له انت الشخص المتعلم
والفاهم تتكلم كذا عاد شوف قعد يقول انا متعلم وفاهم وصدري وسيع
ومن هذا الكلام الا يحط ايده في مخباته وطلع هويتي والجنسية مالي ويبي يحطها علي الطاوله قالت امي حطها وجزاك الله خير


(((( الحركة يعني ما ابي بنتك)))

المهم راح البيتهم ولكم زوج اختي وصارت سالفة طوووووله
وبعد اقل من ساعه جاء هو و زوج اختي عندنا علشان هو يتاسف على الا سواه

كبر الموضوع وتدخلوا اهله فيه
وكنت ابي اتطلق بس قلت مو حلوه في حقي تطلق علشان اخطي وجهي او لا فقلت يالله يا بنت مشيهااا


وبعد اربع اشهر من هذي السالفه سوي حركة محد دري عنها ولا قال لي احد

من كم يوم اكشفت شنو سوي هو

انا متخرجه من الجامعه ومالقيت وظيفة صار لي سنة ونص
مافي وظايف المهم اخوي لقالي وظيفه في مكان ما
وصار له شهرين يعابل فيها ما خلي واسطة ما جابها


فتصلوا علي دوان الخدمة المسؤول عن التوظيف قالوا تعالي لك وظيفه
الا هي اخوي دبرها لي

الا اتفاجا انهم يقولون في شخص جي عندنا وعمل لك ربط في وزارة التربية((((( يعني لا يسمح لي الا انت انتوظف في هذا الوزارة وغيرها ما يصير))))))


فقلت من الا قال لكم كذا انا ما سويت الربط ولا اخواني سوووها

فقلت ابي اعرف منو هذا الشخص



الا يقولون فلان بن افلان قلت انا ما اعرفه لانه الاسم غيرب علي
لما عادته لقيته زوووووجي

راح من ورانا وحاط هذا الربط شفتوا حركة هنحاسة
ولا قال لنا ولا شيء
لما سألنا اخووووه قال لانه قايل له انا ما ابس زوجتي تشتغل غير في التربية وبس واذا هي تشتغل علشان الفلوس انا عندي الا المكفيني
ومو محتاج لفلوسها وخلها تقعد في البيت
طبعا اخوه ما قال لنا هذا الكلام


وطبعا انا شلت الربط وقعد اسوي معاملت التوظيف
بس للاسف زوجي الحين مسافر ولا اعرف رايه في الموضوع
خواتي يقولون لي انتظري ردة فعلا اذا كانت سلبية خلاص تطلقي واذا سكت خلي زواج يستمر


بس انا ما ابيه الحين اذا اخلاقه كذا في فترت الملكة اجل بزواج شنو راح يسوي فيني


اقسم اني رديت البيت وابكي من حرتي
وهذا الموضوع صار له اربعه ايام وانا عايش بنار

وعلى فكره امي وخواني ما يدرون على الا صار
بس اخوي الكبير قات ان زوجي مسويلي ربط قال شلتيه قلت له اي وسكت ما قال لي شيء او عصب على حركته



ارجوكم ابي الحل انتم الوحيدين الا تجرئة وقلتلكم هذى السالفه
فساعدوني لاني ما عندي صديقات اشكيلهم همي



بنات الا يعرفني منو اكون انا فارجوه يستر علي ولا يتكلم لي اهله عن هذا

(((((( انا قلت كذا لانى في بعض البنات يقربون لي ممكن يشاركون هنا)))

اختي العزيزة
انتي الحينة زوجة لهل الانسان حتى لو ما دخل يا حبيبتي الزوجة لازم اتقدر وضع زوجها .انتي مب لازم تزوجي انسان غني فكري اشوية رييلج مجرد موظف يمكن اكون علية قرض سيارة يمكن يبي يبني بيت يبغي اسس حياتة وياج يمكن مايبغيج اتكوني اقل عن اي انسان فكري زين هل الانسان من ملج عليج اهانج غلط عليج جرحج.
معا احترامي لكلام الاخوات مافي انسان كامل الكمال اللة عز وجل وبعدين يا عزيزتي لاتكوني سهلة خلية احس انج ابعيد خلية يشتاق لليوم الي بيجتمع وياج فية فبيت واحد انتي واضح انج اصغيره كلمي امج خليها اتعلمج من تجاربها
واللة ان شاء اللة انورلج قلبج للي فية خير لج

اوتااااار وانا ليه ماعبرتينيييييييي

مرحبا fife


اصبري شوي حبيبتي0000واتحمليه

وياريت ما تستعجلون في الزواج لين تفهمين خطيبك 0

انتظري يرد من السفر واتكلمي معاه 00اساءليه ليش
يتصرف معاك بلشكل00

استخيري الله 00واتاكدي من مشاعرك تجاهه00

اذا لقيتي انه ما يناسب 00ابتعدي من الحين00وافسخي الخطبه0000قبل الزواج افضل

الله يوفقك00ويسعدك

شكرا لك يا اخت اوتا على ردك انا اهلى ما يبونى اطلق بيقولو ما في بنات عندنا تطلق عشان كذاانا محتاره ابى احد يوقف جنبى
ارجوكم ساعدونى
انا مو صغيره انا كبيره وعلى قولت اهلى اذا رفضتى محد بيتقدملك مو عشان يعنى حلوة الناس بتتقدم الناس بتفكر بالعمر مو مثلك محسبه العالم ما تفكر بالعمر ودايم اهلى بقولو انت مو صغيره عمر الان 26 سنه بس انا خايفه من التجربه

مشكوووره الجازي بس هو وصل اليوم ودري عن الموضوع
وقال راح يكلم اخواني بس هو .... لانه راح يكلم اخوه ...
لان عارف هذا الاخ الا اختاره راح يكون من صفه لانه ملتزم وماراح يرضي بالاختلاط . ولالالا فكره انه يكلمني وعلى انه وصل له اني ابي طلاق
بس اخوه قال لي اختي انها تكلمني وتعقلني مو شايفني مجنونه

يا اخت fife
اشكرا على طرح قصتك
بس تبى الصراحه انا مثل ما خذه شخص بدوى مع انا بدويه بس انا عشت بره وفري بس هو لا

ولقيت كلامه مدب يرمى الكلمه ولا يحط لكلامه الف حساب وكلامه جارح وكل ما قلت لامى تقول احسن لك هذا دليل على انه ما يعرف بنات
بس انا نفسي اعيش مثل خلق الله مثل هذولى البنات عايشين ومبسوطين ما ادرى ليش انا مو مثلهم
بس ابى اقول لك يا اختى استخيري الله باين الرجال مو تمام

مشكووووره يوتو على الرد

العفو
يا اختى
انا مثلك حيرانه وخايفه
المهم الاخوات ما قصرو...............

عزيزتي وصغيرتي u 2 هذه امور دائماً تحصل بين المخطوبين حديثً البنت تبغاه فاضي لها 24 ساعه يكلمها الكلام الحلو ويحكي عن حياته وقصصه الرائعه :shy: وهو مسكين محتار اشلون يبيض وجهه قدام ارحامه الجدد ويقعد يفكر بالفلوس والبيت والفرش وضغوط العمل والتجهيز على راسه ..
لاتخافي هذا امر طبيعي واصبري شوي وترى الزواج مو فستان وزفه ومصوره ..
الزواج بدايه للحب والعشره الطيبه ونهايه للأنانيه والعزوبيه ..
اما بالنسبه لتعليمك كملي دراسات عليا واطلبي منه يكمل الجامعه وشجعيه واوقفي جنبه وخذي بيده وشوفي طلاباته وقولي له امر ..
انسي بيت اهلك وعزهم انتِ الآن ملك له وحده وهو المسئول عنكِ ساعديه في البحث عن السعاده والراحه ولاتخافي طالما الوالد هو الي سائل عنه وراغب فيه لاتخافين لانك كسبانه رضاه صدقيني الله راح يوفقكِ ان شاء الله ويسعدكم وبدل ماتسهرين الليل قهر وتفكير ابحثي عن طرق لأسعاده واقرئي عن الحمل والاطفال وعن المشاكل الزوجيه وحلولها لكي تتفادينها مستقبلاً وحاولي تقرأين عن الطبخات الطيبه والحلا الرائع لكي تعمليه مستقبلاً لزوجكِ فكري في اشياء تقربكِ منه اكثر لاتفكري في امور تصعب حياتك معاه صار لكِ 3 اشهر والرجال بشهادة والدك انه طيب ورجال مع الرجال وتفكرين في الانفصال :eek2: لا ‍ ؟؟؟ مالك حق انتظري بعد سته اشهر وبعدين احكمي عليه ومو معناته انه مايكلمك كثير او انه نص ساعه ويستأذن انه انسان مو خلوق ولايعرف الطيبه .. لاحبيبتي لابد ان هناك امور تزعجه في المكالمه وتصعب عليه الامور لذلك يفضل الاستئذان لانه تعبان وفكره مشغول في امور الزواج ويمكن انتِ محقق معاه س ج س ج صعبه خلي الامور تمشي على مايريدها ربكِ وان شاء الله تصير على هواك ...
اما والله اذا اكتشفتي شيء خطير مثلاً كذاب او حرامي او والعياذ بالله موصاحي(شراب) او حق بنات او سفري هذا فعلاً امر خطير وفيه كلام ثاني .. ويحق لك دخلين والدكِ بالموضوع ..

شكرا لكى امى الغاليه
من جد اسعتينى بكلامك هذا وانا من جد راح اخذ كلامك انت من جد اسم على مسمى ام حنون واتمنى لك السعاده الدائمه الله يوفقك