صالات الاعراس في البحرين

ج

جروح طفلة

عروس جديدة

24-06-2009 | 02:10 AM

هلا صابايا
شخباركم ؟؟
خطوبتي قربت وابيكم تساعدوني في اختيار الصالة ؟
فكرت في صالة شهرزاد لانها كبيرة
بس المسرح مالها حلو لو لا ؟
لاني رحتها من زمان ومااذكر مسرحها
وهل فيها بوفيه لو لا ؟
وهل فيها تلفزيون يحطون الصور ؟

وبكم سعرها ؟
واذا كان فيه يوفيه بكم يكون ؟

اجوكم لا تبخلون عليي بالمعلومات ؟

والي عنده صور بعد للصالات يحط لنا ابغي اشوف علشان اختار
ومشكورين

و

و شاء الهوى

عروس جديدة

24-06-2009 | 02:44 AM

هلا خيو

شهرزاد بشكل عام حلوة و واسعة

و الممشى اللي تمشي فيه العروس يعجبني

لانه طويل

و المسرح وايد حلو و حجمه مناسب و الطاولات كبار

و البوفيه مااعتقد فيه بوفيه مفتوح

بس تقدرين تسوين البوفيه اللي يكون على الطاولات نفسها

و سعرها في حدود ال400

•

••

عروس مبدعة

24-06-2009 | 11:59 AM

جروح طفلة;9799079:
هلا صابايا
شخباركم ؟؟
خطوبتي قربت وابيكم تساعدوني في اختيار الصالة ؟
فكرت في صالة شهرزاد لانها كبيرة

الصالة ماعليها كلام واسعه وحلوه وممر العروس والمعرس طويل وأختيار موفق انا سويت فيها زواجي وكان روعة

بس المسرح مالها حلو لو لا ؟
لاني رحتها من زمان ومااذكر مسرحها

في حدود 5 مسارح تختارين اللي يعجبج

وهل فيها بوفيه لو لا ؟

لا

وهل فيها تلفزيون يحطون الصور ؟

لا

وبكم سعرها ؟

380 والدي جي العادي 70 والأسلامي 60

واذا كان فيه يوفيه بكم يكون ؟

اجوكم لا تبخلون عليي بالمعلومات ؟

والي عنده صور بعد للصالات يحط لنا ابغي اشوف علشان اختار
ومشكورين

ج

جروح طفلة

عروس جديدة

24-06-2009 | 04:40 PM

مشكورين وبانتظار الباقي
والي عنده صور لصالة لا يبخل
انزين والي يشوف صالة احلى من ذي الصالة وكبيرة يقول بس غير مرمريز ؟
ويقول السعر ...

ح

حلمـ .,

مشرفة سابقة

24-06-2009 | 05:42 PM

أول شي قبل إختيار الصالة!..

*

حددي عدد معازيمج كم ؟!..

و كم هي ميزانيتج لصالة ؟!..

*

علشان نقدر نساعدج حبوبة!..

لأن الأسعار تختلف بإختلاف عدد المعازيم !..

وكل واحد وميزانيته (y)

ج

جروح طفلة

عروس جديدة

25-06-2009 | 10:08 AM

المعازييم مو مشكلة اني بشوف الصالة وكم عدد الكراسي وباخذ بطاقات على عدد حجم الصالة
بس ابغي صالة حلوة غير مرمريز بس تكون واسعة لان الضيق يسوي الحفلة مو حلوه والسعر مو مهم انتو بس حطوا ليي الصالات ولو الصور افضل واني بختار بعدين

ح

حلمـ .,

مشرفة سابقة

25-06-2009 | 02:00 PM

المعازييم مو مشكلة اني بشوف الصالة وكم عدد الكراسي وباخذ بطاقات على عدد حجم الصالة
بس ابغي صالة حلوة غير مرمريز بس تكون واسعة لان الضيق يسوي الحفلة مو حلوه والسعر مو مهم انتو بس حطوا ليي الصالات ولو الصور افضل واني بختار بعدين

عزيزتي ..,

السعر يعتمد على عدد معازيمج

بس مدام ميزانيتج مفتوحة

وما عندج مشكلة في المعازيمج

*

عندج صالات الدانة 1 & 2 .. في مقابة ( تشيل من 200 إلى 600 شخص )

حلوين وفخمين " وشاملين كل شي "

الأسعار تبدأ من 1200 إلى 2100 دينار .. يعتمد على عدد معازيمج و قائمة البوفيه المختارة

*

عندج صالات مرمريز 2 & 3 ( في الديه ) ( يشيلون من 400 إلى 700 شخص )

وايد كشوخيين " شاملين كل شي "

الأسعار تبدأ من 1200 إلى 2100 دينار .. أيضاً يعتمد على عدد معازيمج وقائمة البوفيه إلي بتختارينها

*

عندج صالة زينة الأفراح ( م.عيسى ) ( تشيل من 400 إلى 700 شخص )

وهالصالة تابعة إلى مرمريز

مرتبة وحلوة " شاملة كل شي "

الأسعار تبدأ 1200 إلى 2000 دينار .. ونفس الشي السعر يعتمد على المعازيم + قائمة البوفيه

*

صالة قصر المرجان ( جرداب ) ( تشيل من 200 إلى 600 شخص )

صالة زوينة , ولا بآس فيها

أسعارها مختلفة بس أغلى شي كأنه 1700 دينار

وأيضاً ( شاملة كل شي )

وسعرها يعتمد على قائمة البوفيه & عدد معازيمج

/
\

وعندج صالة ( الجميرا ) راح تتسكر إلى شهر 12 .. لبعض التغييرات

هذي هي الصالات إلي شاملة كل شي .. وباقي الصالات

ما يجونج شاملين كل شي

ومب مثل كشخة المذكورين أعلاه

وعندج صالات الفنادق بس طبعاً الأسعار جداً فوق يعني إذا حاطه ميزانية 4000 وما فوق!..

تقدرين تسوين في فندق

*

وإن شاء الله أكون أفدتج

ج

جروح طفلة

عروس جديدة

28-06-2009 | 12:45 AM

على الحجوزات واخيرا اخترت شهرزاد وش رايكم فيهاا؟؟؟

ا

اسم الحب

عروس مشاركة

28-06-2009 | 02:39 AM

بصراحه شهرزاد حلوه بس لو تسوين تعديلات في ممر العروسين بتكون احلى...

أ

أخر أبياتي

عروس جديدة

28-06-2009 | 05:53 PM

الصاله حليوه والممشي يعجبني طويل يعني لو تعدلين فيها شوي يعني اتسوين حركات اتخلين ورد او حركات حلوه اتفقي وي محل يسوي حركات في الصاله بتتطلع روعه

A

AL JAWA

عروس نشيطة

28-06-2009 | 10:24 PM

شهرزاد واسعة .. بس ممر العروسين واجد ضيق ..

عكس مرمريز ..

بس سعرها معقول بالنسبة لها ..

بس لو ما حجزتين بتجين على الافضل .. ومعازيمش قليلين .. بنقولش قصر المرجان .. لانها عجيبة ...

بس على المعازيم لما يكونون واجد .. 300 وفوق .. ما تناسبهم .. يختار الواحد مرمريز .. لان كل قاعاته واسعة .. والناس بعيد عن العروس مو العروس تتعرقل في الناس اللي قاعدة ..

ومصلى العيد .. وشهرزاد ..

لانهم كبار ويسعون اشخاص واجد ..

الله يوفق لج .. وبالرفاه والبنين ..

B

Beautiful World

عروس متألقة

29-06-2009 | 12:17 AM

انا عن نفسي وااايد تعجبني مرمريز ..

مدري ليش انتي مستثنيتنها من القائمة ...

وبعدين الاسعار مو عدلة اللي حاطتنهم لج الاخت مو عدلة ..

واايد فيهم اخطاااء لان عندي ورقة صالات مرمريز .. الrange اللي حطاته فيه اشيااء فوووق .. واشيااء تحت ...

وعن شهرزاد .. نسبيا جيدة .. من حيث الحجم .. بس مو شاملة كلشي يعني واايد يتطلب منج اشياء تسوينها ..
دام حجزتينها ..
مو مشكلة يلا بالبركة مقدما حبيبتي ,,,

تتهنين

ج

جروح طفلة

عروس جديدة

30-06-2009 | 12:44 AM

مرمريز استثنيتها لان حجوزاتها وصلت فل الى رمضان
اما بالنسبة لديجي مال شهرزاد تحسونه شنو اوكي جديد لو قديم
الاغاني اله فيه لان اخترنا دي جي اسلامي ....
ولما تدخل العروس ويش تكون الاضاءة والاغنية يغيرونها يعني يحطون مالت عروس
واذا كنت ابغي اسمعها لازم يوم الحجز لو متى؟