حبايبي دي تجربتى لعمل الزبادى البيتى
طبعا اوفر واحلى فى الطعم وكل حاجه ونظرا ان
مفيش حد يقدر يستغنى عنه لفوايده الكتيره اوى
مش هنحتاج إلا كوب زبادى هيستعمل كخميره وحوالى 6 أكواب لبن دافئ طبعاً لو حابيين نستخدم لبن كامل الدسم اوكى لو خالى الدسم بردو بيبقى على حسب الرغبه
ونولع الفرن لحد ما نحضر ونخلص عمل كوبايات الزبادي
نبتدي نوزع معلقه زبادى فى كل كوب
وبعد كده نصب عليه اللبن الدافئ
وبعد كده نحطهم على صينيه استنلس وتحتهم ورق عشان يمتص الحراره شويه اسفل الاكواب
نطفى الفرن وندخل اكواب الزبادى ونسيبها فى حراره الفرن ونراعى انها مش تكون قويه تكون حرارة الفرن متوسطه ونسيبها حوالى اربع ساعات لحد ما يتماسك الزبادى ونطلعه من الفرن ونسيبه فى الثلاجه
وهنا بعد ما خلص الزبادى
بنات لازم نراعى ان اللبن يكون دافئ ومش ساخن لانه لو ساخن مش هيدينا النتيجه اللى عاوزينها
والفرن كمان لازم تكون حرارته متوسطه
كمان بيبقي طعمه احلى لو فيه اكواب فخاريه
ويا رب يعجبكو الزبادي البيتي بتاعي
أتمنى منكم الدعوه الصالحه
ولو عجبكو قيمونى
