السلام عليكم ورحمة الله و بركاته
كيفكم اخواتي ؟؟ ان شاء الله فرحانين و مبسوطين :)
والله الفرحة مو سايعاني لاني بكتب بهالقسم لاول مرة للاسف ما كنت ادخله كتير بس تعلقت فيه بالفترة الاخيرة الحمدلله .. بقولكم قصة سارت معي من كم يوم ..
كنت طالعه مجمع قريب من بيتنا بشتري بطاقة حلوة لشخص حتى اهدي اياها مع هدية .. المهم و انا ماشية في المجمع الا اشوف منظر مقرررررف اول مرة بحياتي بشوفه :eek: شفت بنتين لابسين عبايات ضيقة نوعا ما و مغطين وجوهم ولكن
ماشيين و فاتحين العباية لعند البطن و لابسين تحت بنطلون برمودا لفوق الركبة بشوي اووووووووووووه يا ربي انتو متخيلين ؟؟؟؟؟؟؟؟
انا كنت بتكلم معهم بس كانو ماشيين بسرعة و خلفهم مجموعة شباب الله يهديهم فقلت لا الوضع ما يشجع ..
المهم
طلعت عند البوابة انتظر اخوي يلف و يجي الا وقفت قريب مني وحده لابسة عباية واسعة و متلثمة و شكلها محترمة بس لمى شفتها كان جزء من غرتها -قذلتها- طالع من الشيلة فقلت في نفسي : والله حالة يعني مغطية وجهك و مطلعة غرتك !!!! فحسيت بذنب ليش اني فكرت بهاي الطريقة .. رحت للبنت و بطريقة لطيييييييييييفة حسستها اني صديقتها وقلت لها : على فكرة حبوبة شعرك من قدام طالع :o الا البنت مسكينة خافت و رمت الاكياس اللي بيدها و بسرعة بسرعة قعدت تدخل شعرها شكلها ما كانت منتبهة ان الشيلة سحلت عن شعرها شوي .. ركبت السيارة انا الا طلعت عليي من الشباك حيتني و تبين لي انها ما كانت منتبهة ..
انا الصراحة فرحت كتير حسيت اني نصحت وحده كانت مش في نيتها تظهر شعرها .. كنت بحس بالذنب لو ما نصحتها و شاف رجال شعرها من غير قصدها .. يعني يا بنات اللي تشوف وحده رافعه شعرها كتيير ولا مطلعة شعرها او فيها شي غلط يعني تحاول تتكلم معاها ممكن تكون ساهية
و لمى رجعت البيت قلت لامي عن البنات اللي لابسين برمودا و فاتحين العباية اني كنت بنصحهم بس اني ما قدرت و تكلمت مع البنت الثانية .. بس فاجأتني بردها : مرة ثانية لا تتكلمي مع حد لان انتي ما لك دخل ولا علاقة بحد :( انا زعلت شوي بس ما أثر هالشي على فرحتي بهداية بنت
شو رأيكم بقصتي ؟؟؟
لا اله الا الله محمد رسول الله
اسات الظن .. نصحتها .. و اخيرا تبهدلت
e
23-06-2009 | 06:25 PM