نيران الغضب

طبعا خواتي انتوا تذكرون قصتي مع الحقير زوجي من 5 سنوات لما اكتشفت قصته مع خدامة اهله السيلانيه يوم زنا معاها
وبلعت الجرح رغما عني من فتره جبت خدامه اندونسيه كل لعانة الدنيا فيها وصبرت عليها في مرات كنت اشوفها تطلع من غرفة زوجي في اوقات المشاكل بينا كان اينام تحت وكذبت عيني واكثر من مره كنت اشوفها اتطالع زوجي بنظرات غريبه وهو بعد ولما كانت ماتشتغل عدل كنت انازعها وتصرخ فيني انا بخبر بابا عليج تخيلوا شكيت ان بينهم شي اهني صرخت فيها قالت بابا يبي نوم معاي وصارت مشاده كلاميه بينا بعدها بساعه احرقت ولدي شوهته وديته المستشفى وسوينا محظر عليها ولما جو الشرطه كانت شارده وجه زوجي غاضب على جدا جدا تخيلوا ماخاف على ولده وقعد ايلعن فيني ويسب ويصرخ وقال انه ماراح يقعد في البيت ابدا بعد خروج الخدامه! وبعدين صكر تلفوناته الصبح امي راحت حق امه الا والخدامه عند امه خاشتها عندها وتسب امي ان احنا هاوشنا الخدامه وان احنا اشرار وتضحك من تحت لتحت السوسه قالت لها امي ما خفتوا على الولد المحروق احترق قلبي زوجي وامه واقفين مع الخدامه لما اتصلت حق الشرطه قالوا ان زوجي راح وقدم تنازل عن الخدامه وقال لهم زوجتي مجنونه وعندها اضطراب عقلي آه آه آه شاسوي قولولي بموت !