قصيدة مدح بمن يستحق المدح أمير الإنسانية سلطان بن محمد الكبير !! عودتي اليكم !

[POEM="font="Arial,4,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]



[FONT=Times New Roman]فيك ثِقْل الجبال .... الرّاسيات الطّوال = وفيك رقّّّّة طِفِلْ نايمْ بحضن الورود[/FONT]

[FONT=Times New Roman]وفيك عزم الرّجال..... مْرَوّضين العضال = وفيك حكمة كَهَلْ جامعْ ذكاء وركود

وفيك فزعة جنوبيٍّ(ن) كريم الخصال = لاانتخوا فيه ربعٍ(ن) له بليلٍ عقود

وفيك نخوة شماليّ(ن)غزير الهطال = كفِّه أندى من سحابٍ ... نشى عقب الرعود

ومن سنا خدْ نجد... أخَذْتْ نُورٍ إيْلَال = عَلِّمَك كيف اقتناص المجد... مثل الأسود

ومن ضماها شِرِبْت الصّبر... كنّه زلال = ومن لهايب قوايلها... ورثت الصمود

نجد تَعْشَقْك ياسلطان ... عِشْقٍ هبال = كل يومٍ غلاك ... بقلب نجدٍ يزود

وانت حُبّك لها ياهو... يفوق الخيال = مايبي له حسن سيره...ولايبغى شهود !

ياأميرٍ يصيب الشعر... مِنْهْ اختلال ! = والسِّبب باختلال الشعر من طول الحدود

كل مايارد على جال... يلقى ألف جال = من بَحَرْ مجد أبو نايف !فمن أين يجود ؟!

سيِّدي ياسيِّد الجود ... لو جاد المقال = في مناقبك الشريفة ... فما أوفى الوعود !

انت موسوعة طهارة وموسوعة فضال = وانت لو سادوابالأنساب باخلاقك تسود

من هو اللي مايحبك ... ولاهو حُبْ مال = لاأحد ! لاأحد ! ...غير الجبان الحقود !

يابو نايف لوأشبِّهك ... وين ألقى المثال ؟ =غير في هام الثرياّ...وابرقى له سنود

أنت مايِشْبِهْكْ غَيرَك ... ولافيها جدال = وأنت أميرٍ في فعالك ... قَبِلْ إرْثْ الجدود

وانت أميرٍ للأصالة ... واميرٍ للجمال = وانت أميرْ أمٍّ دعت لك...وطالت بالسجود

وانت أميرٍ لليتامى ... عُقُبْ ماالليل طال = صُبْحهم أشرق بنورك يبوالقلب الودود

وانت أمير ْلشيخٍ اعمى ولاعنده عيال =عاش باحسانك معزّز ... عُقُبْ جور القيود

وانت أميرْ الناس والناس ...لو يعطوا مجال= شِفْتهم حرّاس حولك وباقيهم جنود

الإمارة هي سَعَتْ لك ونادت لك تعال = وانت شرّفت الإمارة وهي مااعْطَتْك زود

فيك ميزة إنْ يمناك هي نفس الشمال = في نهارالجود جودٍ وهي بالسود سود !

وفيك عذروبٍ صغيِّر قبل تلبس عقال = إنك إليامْدِحت دنّقت مع حُمْرَة خدود

يوم غيرك يشري المدح في خشم الريال =وينتفض ريشه إليامْدح في وسط الحشود

يابو نايف يابو نايف ... ترى يابن الحلال= مايلام اللي يِحِبّكْ ...على طول الوجود

مالقى بالناس غيرك... يقارب للكمال = ومالقى بالناس غيرك مَلَى عين العنود !



شعر \ حمدان بن سالم العنزي - السعودية -


[/FONT][/POEM]