بنات مصر ساعدوني اول عيد جواز..مش عارفة البس ايه

r

roslish

عروس مبدعة

21-06-2009 | 09:57 AM

يا بنات انا اتجوزت 22\7 اللي فات و دلوئتي عندي سلمي شرين و نص :) المشكلة ان انا عايزة حد يقولي البس ايه في عيد جوازنا لان لبسي مش متظبط طبعا بعد الولادة فعايزة اشتري حاجة ظريفة البسها و معنديش وقت انزل الف علشان سلمي :) فعايزة اللي شافت حاجة كويسة و ناعمة كدة و بسيطة في مكان معين و يا ريييييييييييت في مصر الجديدة او مدينة نصر يقولي بسرعة فين و شكلها ايه و اللون و كدة و انا انزل اجيبها

r

roslish

عروس مبدعة

21-06-2009 | 11:19 PM

سبحان الله مفيش اي رد لحد دلوئتي !!! ليه كدة ده انا حطيت مل كبير عليكم

S

Stacy

مشرفة سابقة

21-06-2009 | 11:37 PM

roslish;9776920:
يا بنات انا اتجوزت 22\7 اللي فات و دلوئتي عندي سلمي شرين و نص :) المشكلة ان انا عايزة حد يقولي البس ايه في عيد جوازنا لان لبسي مش متظبط طبعا بعد الولادة فعايزة اشتري حاجة ظريفة البسها و معنديش وقت انزل الف علشان سلمي :) فعايزة اللي شافت حاجة كويسة و ناعمة كدة و بسيطة في مكان معين و يا ريييييييييييت في مصر الجديدة او مدينة نصر يقولي بسرعة فين و شكلها ايه و اللون و كدة و انا انزل اجيبها

بصى انا حاسة ان الفكرة دى صعبة اوى

اولا لا كل واحد ذوقة مختلف بلس محدش هيعد يحكى بالتفاصيل دى شكل الحاجات والوانها و كدة

ثانيا احنا برضوا مش عارفين شكل جسمك اية طولك ووزنك و الاهم مقاسات جسمك

اية عيوب و مميزات جسمك

بس عموما شوفى محل نضيف انزلى

يعنى انا مثلا جيب 98% من لبسى من مانجو فى جزيرة العرب و فى فى سيتى ستارز بس انا اقرب ليا طبعا جزيرة العرب لانى ساكنة فى المهندسين

بصى هو عموما انا شايفة بدل دى عيد جوازك و فى البيت

الى طالع اوى الفساتين الى فى ايام السبعينات الى هى ضيقة شوية من خط الوسط و نازلة على واسع بس مش واسع اوى برضوا و طويلة و كمام غالبا واسعة

بسبتبقى اسعارهم غالية شوية اعتقد 500 او اكتر كمان بكتير و فى فساتين تحفة بجد فى Mango

S

Stacy

مشرفة سابقة

21-06-2009 | 11:39 PM

roslish;9782050:
سبحان الله مفيش اي رد لحد دلوئتي !!! ليه كدة ده انا حطيت مل كبير عليكم

انا شايفة بصراحة ان كدة مش ينفع ممكن تسيبى بنتك مع اى حد مش هيحصل حاجة يعنى و انتى احسن انزلى مثلا سيتى ستارز و دورى فى هناك مانجو و محلات حلة اوى جمب بعضها

r

roslish

عروس مبدعة

22-06-2009 | 08:46 AM

جزاكي الله كل خير يا قمر انا جسمي طبعا مليان من بعد الولادة... انا محجبة يا ستيسي...مش عارفة موضوع الفستان ده حاسة ان لو قصير هيبئة احلي بس مش هعرف البسه لما نخرج..

S

Stacy

مشرفة سابقة

22-06-2009 | 12:28 PM

roslish;9784542:
جزاكي الله كل خير يا قمر انا جسمي طبعا مليان من بعد الولادة... انا محجبة يا ستيسي...مش عارفة موضوع الفستان ده حاسة ان لو قصير هيبئة احلي بس مش هعرف البسه لما نخرج..

انا مش فاهماكى انتى عايزة حاجة فى البيت و لا للخروج

و انا فاهمة اكيد انك مليتى بعد الولادة بس عموما يعننى اية المناطق الكويسة عندك و اية المناطق الى فيها ديفو يعنى مثلا فى واحدة كتافها حلوة اوى وواحدة ايدها وواحدة رجلها فاهمنى انتى برضو لازم تبقى عارفة اية الحلو و الوحش فيكى علشان عموما تقدرى تظبتى نفسك فى اللبس

r

roslish

عروس مبدعة

22-06-2009 | 03:48 PM

انا فاهماكي يا جميل و انا كنت ديزاينر اصلا...انا كتفي و النص اللي فوق عموما كويس و الحمد لله و مليانة من تحت.. عارفة ايه اللي يناسبني اي حاجة مجسمة من فوق و نازلة علي واسع بسيط مش كتير او قصة امبير مثلا بتكون حلوة اوي معايا برضه

r

roslish

عروس مبدعة

11-07-2009 | 09:54 PM

بالرغم من ان محدش حاول غير ستيسي بس عموما خلاص باركولي بئة و قولولي هابي انيفيرسري...حصل خنائة و مش هنبئة مع بعض يوم جوازنا