عندي وايد اسئلة عن القيصرية.. هل من مجيب؟

م

مفتون

عروس ماسية

18-06-2009 | 08:22 PM

بنااااااااات شخباركم وحشتووووووني ..

اليوم يايه وعندي كمن سؤال .. لأني ولدت بقيصرية تقررت فاللحظة الاخيرة وانا تقريبا ماعندي خلفية عن هالشي .. الحمدلله على كل حال أهم شي انه انا وبنتي بخيييير :wink:

اليوم بنتي استوا عمرها اسبوع .. وعندي هالاسئلة ياليت اللي سووا عملية قيصرية من قبل يجاوبوني عليها:

- هل فعلا مثل ما يقولون انه القيصرية البطن يكون فيها انظف ودورة النفاس فيها ما تطول؟

- هل كنتوا تحطون اي شي على خياطة القيصرية مثل المره او هالسوالف؟ ومتى بديتوا تحطون؟ وشو استفدتوا؟

- متى بديتوا المشي كرياضة مش المشي العادي والحركة فالبيت لا اقصد المشي كرياضة متى بديتوه من بعد العملية؟ انا اعرف انه الرياضة ما يستوي نبدا فيها قبل شهرين .. بس المشي كيف؟

- متى رجع جسمج لطبيعته بعد العملية؟ قصدي ترهل البطن بعد الولادة وسواد البطن والتشققات؟

- هل استخدمتي اي خلطات او كريمات على بطنج خلال النفاس؟

- هل يصير اشد بطني بمشد بعد العملية بعشرة ايام؟

- الحين جهدي مع بنتي شيل وحط ورضاعه وهالسوالف تسبب لي بعض الالم مكان العملية احس انها تحرقني .. فهل هالشي يأثر؟

- من بعد القيصرية متى رجعتوا للجماع؟ ومتى بديتوا تاخذون حبوب منع الحمل؟

اعرف انه وايد اسئلة :( بس ماعرف شي عن القيصرية وودي اللي عندها تجربة اومعلومة اكيدة تجاوبني .. وتسلموووووون (f)

*

*أم سعد*

عروس مبدعة

18-06-2009 | 10:42 PM

هلا اختي
راح اجووواب وبالعكس ماكثرتي الاسئله كلها بسيطه

- هل فعلا مثل ما يقولون انه القيصرية البطن يكون فيها انظف ودورة النفاس فيها ما تطول؟

عن نفسي كان طوول وقت الاربعين وهي فيني وفي آواخر الاربعين كان مافيه شي بس قليل جدا
وبعد الاربعين على طول جاتني الدوره

- هل كنتوا تحطون اي شي على خياطة القيصرية مثل المره او هالسوالف؟ ومتى بديتوا تحطون؟ وشو استفدتوا؟

انا كنت احط مرره ومطهر بس ماكنت مداومه عليهم

- متى بديتوا المشي كرياضة مش المشي العادي والحركة فالبيت لا اقصد المشي كرياضة متى بديتوه من بعد العملية؟ انا اعرف انه الرياضة ما يستوي نبدا فيها قبل شهرين .. بس المشي كيف؟

الصراحه عن نفسي انا اور دي سويت رياضه لان ولدي كان تعبان
ونام بالمستشفى وصرت اروح له واجي يوميا يعني لما امشي مسافه طويله عشان اوصله فاعتبر هاااي كانت رياضه

- متى رجع جسمج لطبيعته بعد العملية؟ قصدي ترهل البطن بعد الولادة وسواد البطن والتشققات؟

انا اشووف رد جسمي وأحلى بعد بس البطن لا ماترهل بس فيه كروشه بسيطه غير عن قبل طبعا لان قبل بطني لاصق بظهري
أما التششققات انا ماجتني تشققات في بطني ابد ( ماشاءالله) بس عند الاردااف وللحين صارلي 5 شهور ونص ومازالت فيه وواضحه ولا استخدمت شي بالعربي تقدرين اتقوولين مااهتميت فيها لما الحين

- هل استخدمتي اي خلطات او كريمات على بطنج خلال النفاس؟

الصراحه ولاااااااااااااااااااااا شي لان ولدي اشغلني كثير .. بس الحين الحمدلله طيب وشيطون

- هل يصير اشد بطني بمشد بعد العملية بعشرة ايام؟

لا تحملي يعوووووووور ماتقدرين اصلا

- الحين جهدي مع بنتي شيل وحط ورضاعه وهالسوالف تسبب لي بعض الالم مكان العملية احس انها تحرقني .. فهل هالشي يأثر؟

يختي الحرقان بتمين اتحسين فيه لين شهررر وزياده لما الحين انا احس يحكه شي طبيعي
خبرج شق بطن 8 طبقاااااااااااات شي مب هين

- من بعد القيصرية متى رجعتوا للجماع؟ ومتى بديتوا تاخذون حبوب منع الحمل؟

امممممممممممم على مااعتقد يوم خلصت الاربعين وبعدها جاتني الدوره على طوول يوم انتهيت منها صار جماع
لما الحين مااستخدمت شي لا حبوب ولا غيرره وهذا رآآي ريلي
........ أتمنى الاخوووات يفيدونج أكثررر........

والف الحمدلله على سلامتكم(f)(f)(f)

ا

ام ميريام

عروس مبدعة

18-06-2009 | 10:50 PM

هلا فتون حمد الله عالسلامه حبوبه

ومبروك عليج البنوته تتربى في عزكم ان شاء الله وادعي لي باقي لي 4 اسابيع من العمليه القيصريه للمره 3 وان شاء اجاوب على تساؤلاتج .....

- هل فعلا مثل ما يقولون انه القيصرية البطن يكون فيها انظف ودورة النفاس فيها ما تطول؟

انا عن تجربتي دورة النفاس كانت وايد قصيره وتنزل نقاط وما تطول بالمره ويتغير لون الدم مع الوقت يبدأ بالون الأحمر الفاتح بعدين يغمق ولين يصير مثل الأفرازات باللون البني الفاتح

وتذكري كلما زاد نزول الدم عندج هذي معناته انج واايد تقومين بمجهود في البيت ارتاحي قد ما تقدرين عسب الرحم يرد لماكانه

والراحه اللي اتكلم عليها مو معناته خليج بالسرير ولا تتحركين لازم تمشين واايد عسب الجرح يطيب اهم شيء المشيء

- هل كنتوا تحطون اي شي على خياطة القيصرية مثل المره او هالسوالف؟ ومتى بديتوا تحطون؟ وشو استفدتوا؟

انا في اليوم كنت انظف الجرح مرتين في الصبح والمساء بماي دافيء وملج واستعمل القطن وكنت انظف من جهه يمين لجهه الثانيه وبنفس الطريقه اكررها من غير ما افرك واجففها وما انصحج تحطين اي شيء عليه لاسمح الله اذا دخل داخل يصير مضاعفات لأنها منطقه بعدها مفتوحه

- متى بديتوا المشي كرياضة مش المشي العادي والحركة فالبيت لا اقصد المشي كرياضة متى بديتوه من بعد العملية؟ انا اعرف انه الرياضة ما يستوي نبدا فيها قبل شهرين .. بس المشي كيف؟

هنا في امريكا نبدأ بالمشي نفس الساعه اللي نطلع فيها من العمليه عسب الدم ما يتحجر ويصير مضاغفات وانصحج بالمشي ولما تمشين حاولي تمشين وظهرج مستقيم ولا تعوجينها يكون صعب شوي ووجع انج تمشين مستقيم لأنه ظهرج بيأخذ على الطريقه اللي تمشين فيها واذا اعوجيتي ظهرج بيتعود عالأعوجاج وكلما مشيتي واااايد كلما رد بطنج لمكانه وتتجنبين الترهل والحركه عادي ولازم تتحركين عدل عسب تطيبين بسرعه ولا تشغلين في البيت ولا تحملين ثقيل تجنبي الشغل

والرياضه انا بديتها بعد الولاده ب4 اشهر وانصج بالأيروبك لما تبدأين الرياضه

- متى رجع جسمج لطبيعته بعد العملية؟ قصدي ترهل البطن بعد الولادة وسواد البطن والتشققات؟

اخذ مني سنه لين رد جسمي لطبيعته ووايد عانيت لين رديت رشيقه وكل شيء رد لطبيعته كنت اروح النادي 6 ايام في الأسبوع ومره في الأسبوع كنت ادخل الحمام البخار اللي في النادي وكنت اخذ معاي دلكه المغربيه وليفتها واسبوعيا اسوي كذا والاستحمام اليومي كنت استعمل الشامبو اليومي اللي فيه اسكراب واستخدم ليفه الناعمه وبعد الحمام وانتي بكرامه استخدم الكريمات المرطبه اللي ارتاح لها وكل شيء يرد لطبيعته بنفس حلو ونفسيه احلى

أنا من النوع ما احب استعمل الخلطات على جسمي لأنه يبالها وقت لين يجيب مفعول

- هل يصير اشد بطني بمشد بعد العملية بعشرة ايام؟

البطن يظل مرخي ومترهل لين تبدأئين الرياضه وحاولي تشربين الزجبيل عسب الغازات اللي تكون في المعده وهالغازات تسبب اوجاع

- الحين جهدي مع بنتي شيل وحط ورضاعه وهالسوالف تسبب لي بعض الالم مكان العملية احس انها تحرقني .. فهل هالشي يأثر؟

انا من كثر ما شليت بنتي فتحت عندي مكان العمليه وبدأ ينزل دم وافرازات والدكتوره قالت لي اذا ما ارتحتي وظل المنطقه تنزف لازم نعيد العمليه خلي حد وياج يساعدج بحمل بنتج واعيد اقول تجنبي حمل اي شيء ثقيل

- من بعد القيصرية متى رجعتوا للجماع؟ ومتى بديتوا تاخذون حبوب منع الحمل؟

انصحج تترين شهرين خلي بطنج تطيب والرحم يرد لمكانه وتتعافين كليا وما تحسين بأي الم وتنظفين من كل روائح الولاده وخاصه ريحة الحليب اول ما ينزل الحليب اذا لاحظتي له ريحه خاصه وماتروح بسرعه

ولا تنسين تأخذين المسكن للألم تكتبها لج الدكتوره اذا حسيتي بأي الم

لا تنسين تدعي لي قرب موعد العمليه

واذا عنج اي سؤال ثاني ما يردج غير الكيبورد

M

Ms Dior

عروس فضية

18-06-2009 | 11:59 PM

مبروووك مفتوووون تتربا في عزج ..

اما عن الاسئله ..

- هل فعلا مثل ما يقولون انه القيصرية البطن يكون فيها انظف ودورة النفاس فيها ما تطول

اي .. انا ياتني بس 20 يوووم تقريبا

- هل كنتوا تحطون اي شي على خياطة القيصرية مثل المره او هالسوالف؟ ومتى بديتوا تحطون؟ وشو استفدتوا؟

في شاش.. اغيره كل يوم الساعه 10 الصبح وانظفه بقطن فيه شوي الكحول من المستشفا معطيني ..

اذا اتسبح يكون عندي سافلووون .. احط منه شوي ع الجرح ..

- متى بديتوا المشي كرياضة مش المشي العادي والحركة فالبيت لا اقصد المشي كرياضة متى بديتوه من بعد العملية؟ انا اعرف انه الرياضة ما يستوي نبدا فيها قبل شهرين .. بس المشي كيف؟

المشي مهم من ثاني يوم من الولاده .. ودووم كنت اشفط بطني ما ارخيه ..

- متى رجع جسمج لطبيعته بعد العملية؟ قصدي ترهل البطن بعد الولادة وسواد البطن والتشققات؟

رجع ع طبيعته من خلصت اسبوعين..

وجسمي ما فيه اي شي ولا حتى بطني..

بس انا يمكن لاني ما تممت حمالي من جي لا سواد ولا تشققات ,,

- هل استخدمتي اي خلطات او كريمات على بطنج خلال النفاس؟

ولا شي كلش ..

بس كنت اسمع كلام امي تقولي لا تشربين شي بارد ولا حتى الماي لازم دافي وقللي منه وخليه عفترات متباعده سمعت كلامها واشوف ياب نتيجهزز

- هل يصير اشد بطني بمشد بعد العملية بعشرة ايام؟

لا

للحين الجرح طري..

صبري بعد اسبوعين .. ولا تشدين بالقوة ..

لين خلصتي 4 شهور شدي بالقوه عادي..

- الحين جهدي مع بنتي شيل وحط ورضاعه وهالسوالف تسبب لي بعض الالم مكان العملية احس انها تحرقني .. فهل هالشي يأثر؟

خلي احد يساعدج طبعا ياأثر مو ع طول تحملينها ولين تحملينها خلي مخده تحت ريلج واليد الي ماسكتها.. لان تعب والم ..

- من بعد القيصرية متى رجعتوا للجماع؟ ومتى بديتوا تاخذون حبوب منع الحمل؟

بعد ما نظفت بجم يوم .. يوم تاكد انه ما في اي دم ونزلت الطهاره ..

انا اول شهر ما استخدمت اي مانع بس القذف الخارجي ..

والحين انا ضاربه ابره منع الحمل تزول مفعولها بعد 3 اشهر

يعني كل 3 اشهر اضربها مره ثانيه ..

وبس
.
.

د

د..لحن

عروس مبدعة

19-06-2009 | 06:26 PM

الحمد لله على سلامتك يالغلا
والله مالي خبره واجد
بس بقلك كم من شغله اعرفها
بالنسبه انك تشيلي بنتك حاولي وانت تشيليها تكون وضعيه جلوسك زينه عشان ماتشد عليك العمليه
وماتنامي كثير على بطنك عشان العمليه ماتاخذ شكل ولمن تجي تقومي تحسي بعوار
يعني مره جنب اليمين مره اليسار مره على ظهرك
حاولي تمشي خفيف عشان الخيوط ماتنشد عليك

بالنسبه للخيوط عشان تلتأم بسرعه وتكون نظيفه ومايجيك ميكروبات...حطي عليها مره امسي المكان
وبعدين خليه فتره واذا جيتي تبي تحطي مره ثانيه نظفي الجرح بمويه حاره طبعا بقطنه او شاش اي شي عندك
وبعدين مطهر ديتول العادي وبعدين حطي مره

بالنسبه للترهل راح يجلس معاك فتره انا الاحظ اغلب اللي مسوين عمليه يجلس فتره بس مش طويله

والله يقومك بالسلامه يااارب

عاد هذا اللي عندي يامفتوون العسل

م

مفتون

عروس ماسية

21-06-2009 | 01:54 AM

ولهانه.. صومالية كل فخر.. مس ديور.. جورجيت تسلمون .. وايد استفدت من معلوماتكم.. :)

عطوره ادري انج كتبتي لي رد وما نزل.. الله يسامح السيرفر التعبان هاليومين .. مشكورة حبيبتي..

في انتظار المزيد من الردوود

م

مفتون

عروس ماسية

23-06-2009 | 06:36 PM

في انتظار مزيد من الردوووووود ..

ا

ام احلى اثنيين حلوين

عروس جديدة

23-06-2009 | 11:43 PM

السيلام عليكم
انة وحدة سويت مرتين عملية قيصرية والحمدالله
وباقولج اللي صادني مثل ماطلبتي من اسئلتج يااختي

- هل فعلا مثل ما يقولون انه القيصرية البطن يكون فيها انظف ودورة النفاس فيها ما تطول؟

البكن يكون انضف لانة تنضيفة بعد العملية وفي غرفة الانعاش يضغطون على السر البطن ويرفون رجلك علشان يطلع باقي الدم الكتل بس طالت علي النفاس في الولادة الاولة تقريبا 4 اشهر ومتقطعة انضف وترجع والولادة الثانية تقريبا 3 اشهرا ونضفت بعد الاربعين بعد يومين انزلت مرة ثانية

- هل كنتوا تحطون اي شي على خياطة القيصرية مثل المره او هالسوالف؟ ومتى بديتوا تحطون؟ وشو استفدتوا؟

انة والله كنت احط زيت الزيتون اهو يلين المنطقة علشان ماتششق بعد الشور وقبل الشور انضفة بقطن وديتول الاخضر يةللعناية للجسم بلطف والحمدالله ادوية صحية

- متى بديتوا المشي كرياضة مش المشي العادي والحركة فالبيت لا اقصد المشي كرياضة متى بديتوه من بعد العملية؟ انا اعرف انه الرياضة ما يستوي نبدا فيها قبل شهرين .. بس المشي كيف؟

عقب 24 ساعة من العملية وكل ماحبيتي قومي تمشي حول الغرفة علشان يسهل عليج الحركة وتردين بعافيتج بس لاتمشين وانتي مجدسة لا امشي وانتي واقفة مستقيمة ويدك ضاقطة بلطف على الجرح

- متى رجع جسمج لطبيعته بعد العملية؟ قصدي ترهل البطن بعد الولادة وسواد البطن والتشققات؟

بعد الاربعين يذهب السوادويتقلص البطن ويبقة تحت مرتهلفوق الجراحة ولاتضعين ضاقط البطن مثل الشد ترة خطير على الجراحة
- هل استخدمتي اي خلطات او كريمات على بطنج خلال النفاس؟

ادلكة بزيت الزيتونمرتين او ثلاث

- هل يصير اشد بطني بمشد بعد العملية بعشرة ايام؟

لااااااااااااااااااااااااااااااا خطر على الجرح مايصلح حق اللي والدة قيصرية يتفتق الجرح

- الحين جهدي مع بنتي شيل وحط ورضاعه وهالسوالف تسبب لي بعض الالم مكان العملية احس انها تحرقني .. فهل هالشي يأثر؟

ضعي مكان الجرح زيت الزيتون ووقت الرضاعة ضعي تحت بنتك مخدة عن ضقط الجرحوهي فوقة وتحت رجل اللي مكان الصدر اللي بترضعينة مخدة تحت فخذج

- من بعد القيصرية متى رجعتوا للجماع؟ ومتى بديتوا تاخذون حبوب منع لحمل
اول ما اغتسلت رجعنا للجماع بس عدم الضغط مكان الجرح ويعطونج موعد المستشفى بعد الاربعين يتاكدون انة الجرح سليم ويتفحصون داخا الرحم ونوع الافرازات وبيقولون لج لازم قبل الموعد يومين ماسوون جماع ويجوفون جسمج وتكيفة على نوع الحبوب وهل انتي ترضعين او لا
ونوع الادويو مال حبوب منع الحمل بس اذا خلصتي الانفاس وموعدج بعيد حاولي انتي وزوجكي بوضع خطة في الجماع بان يضع واقي او خارج

م

مفتون

عروس ماسية

25-06-2009 | 09:30 PM

ام احلى اثنين حلوين..

تسلميييييييييين عالرد الوافي يا بعد عمري.. استفدت منه وايد :) الله يخليلج الاثنين الحلوين... :) وابوهم بعد

.

.cute women.

مشرفة سابقة

26-06-2009 | 07:51 AM

ماشاء الله البنات ما قصرو معاكي وانا كمان بتفق معاهم في الكلام
ربي يخليلك البنوتة تتربى بعزكم ان شاء الله

م

مفتون

عروس ماسية

26-06-2009 | 11:06 PM

مشكورة يا عروسه نورتي الموضوع :)