محتارة ممكن اخذ رايكم :(

فيفي4;9767320:
حبيبتي لازم تتعودين على طبع عمتج ماعلي صح هي غلطانه بس مب عيب اتسيرين تكلمينها بس لاتعتذرين عسبت ماتحس انج غلطانه خليج عاديه لاتحطين فخاطرج خليج احسن منها استحمليها بالذات العمات مالهم حل والله لو قلتلج عن سوالف عمتي كانت تضرب عيالي وتسبهم صح قلبي يعورني بس قلت ماعلي بصبر يوم تزوج اخو زوجي وحده متكبره وماتسكت عن حقها في يوم ربت يابت بنت هي شافت عمتي كيف تعامل عيالي بدت تخاف ماتخلي عمتي تمسك بنتها وكله تقولها انا مب مثل فيفي بسكت والله من هذاك اليوم حبتني وحبت عيالي وتفضلنا على الكل وماترضى علينا سبحان المغير الاحوال اهم شي لاترفعين صوتج عليها ولاتخلين يصير مشاكل بينج وبين زوجج بسبت اهله
الكل مستغرب يسالوني كيف كسبتي عمتج
لازم تستحملينها لو هي غلطانه ماعلي لاتزعلين والله بيي يوم بتستحي اللي تسويه فيكم


الكل مستغرب يسالوني كيف كسبتي عمتج لازم تستحملينها اخر شي

om_salma;9767951:
أخيتى انا لاأقصد من كلمى التالى تجريحك أو إهانتك ولكن الله يشهد أنى اريد مصلحتك لو كما قلتى فوق إنك قلتى لها بالحرف الواحد سكرى المكيف وهى كما توصيفها زعولة يبقى ليها حق تزعل عارفة ليه لأن الشخص اللى بيأخذ على خاطره من أقلها كلمة ماينفعش معاه الصيغة دى لأن الصيغة دى تكلمى بيها ابنك أو أخوكى الصغير بس أما الكبار عنكى ماتنفعش صيغة الأمر دى لأزم يكون فيها شوية استسماح يعنى لو سمحتى ياعمتى أو بعد إذنك ياعمتى أو ربنا يكرمك ياعمتى إقفلى المكيف ده لو الشخص اللى أمامك شخص كبير أما فى حالة عمتك فكان الأفضل إنك تقومى من نفسك وتقفليه طبعا هى خذتها بزعل لأنك كررتى الكلام اللى هى شايفاه إنه أمر منك وإنتى فى نفس الوقت قاعدة أمام الكمبيوتر يعنى إيديكى مش مشغولة بحاجة مهمة يبقى هى ليها الحق إنها تزعل من وجهة نظرها .
يبقى روحى إعتذرى منها واتحججى لها بإنك كنتى مرهقة ومش قادرة تقومى للسبب ده .
بس نيجى للصراحة إنتى كان ممكن تعتذرى منها عادى لكن موضوع زوجك مع أمك كان لسه واجعك وكان نفسك تردى له الصاع صاعين وماتعتذريش لوالدته علشان يحس باللى عمله معاكى صح ولا لأ... وبالنسبة لزوجك بهدوء كده ومن غير زعل ممكن تفهميه إن تأخير إعتذارك لوالدته لأنك حبيتى تخليه يشعر بشعورك لما آذى والدتك وما رضيش يعتذر لها إلا بعدها بفترة لأن الرسول قال حب لأخيك ماتحب لنفسك وإذا كنت مش بتحب إنى أغلط فى أمك فإنت كمان إبقى قدر الموضوع ده وبلاش نضايق أمهاتنا بأى شكل ،أختى قابلى السيئة بالحسنة تمحها وخالق الناس بخلق كريم صدقينى ربك مش هيضيع عملك أبدا وهتلاقيه إن شاء الله عاجلا أو آجلا ربنا يهدي لك حماتك وزوجك.

مرجانة البحار;9767394:
ياعمري مدري وش اقول دخلت الموضوع مرتين وماعرفت وش اقول

لكن اقول لك لو انك قطعتي ها الشي كله و انتي سكرتي التكييف اريح لك

و ابرد لقلبك لكني ما اشوف ان طلعتك لبيت اهلك لها داعي ابدا ابدا

انتي تقدري بطريقتك تخلي زوجك يوقف في صفك بس اهم شي الهدوووووء

اثناء النقاش و تبيني له انك تحبي اهله صدقيني بيوقف معك وبيكلم اهله

ما يأذونك مره ثانيه


الامر الثاني بما انتي وعمتك مو ماخذين على بعض

اكبر خطأ قلتي لها سكري المكيف؟؟ عمتك اخذت الموضوع

كانك تأمريها سوي كذا ومحد يقبل احد يأمر عليه اذا كانو مو ماخذين على بعض


هذا كل الي عندي
و اتمنى للجميع الهدايه

SHREEFA;9768618:
غاليتي
مايسوى الزعل وانج تاخذين اغراضج وتروحين بيت اهلج
اشدعوااااا
ماصار الا كل خير ماسكرت التكييف قومي انتي سكريه واهي ما غلطت عليج ولا شي
عديها امج الثانيه
هذا جدة ولدج حسبة امج يا غاليتي
دخلي عليها وطيحي على راسها وبوسيها واذا بعد تاخذين لها هدية معاج فيج الخير والبركه
حبيبتي عيشوا حياتكم ولا تكبرون المواضيع
من لا شيء ترى ماكو سالفه ولا داعي للزعل والترفع
روحي لها ودخلي عليها وبوسيها على راسي وقولي لها تامرين امر اذا انا غلطت او قصرت بحقج سامحيني انا حسبة بنتج
ولا يصير خاطرج الا طيب
والله تصيرين الزينه والغاليه والعزيزه
واهي تحب ولدج وتمووت عليه كافي انها ماخذته ومعطته الاكل الله يخليها لكم هي الخير والبركه
ولا تضيقين خلق زوجج ولا تزعلينه



دمتم سالمين
اختكم شريفة

روبا;9767722:
راح اقولك شي واحد بس.... لو امك الي اخذت الولد وسوت نفس الشي شو بيكون ردة فعلك؟؟

و اتوقع اسلوبك معاها مو تمام مهما كان هذي ام زوجك يعني اقل شي انك تحترمينها

hend_unreachable;9770049:
اسمحي لي انتي غلطاااااااااااااااانه .. هذي ام ريلج ... يعني امج ... انتي على أي اساس تقولين لها بندي المكيف وانتي قاعده ع اللاب توب؟؟؟؟؟؟ حتى لو هي قريبه منه !!!!!!! شو تشتغل عندج؟؟؟؟ وبعدين حرمه عوده المفروض تحترمينها حتى لو تسوي لج أشياء تضايجج طنشي واستحملي اول شي عشان عمرها وثاني شي عشان ريلج ..... وايد مكبره السالفه الصراحه ..... وانتي اللي غلطتي بوجهة نظري .... كان ممكن تسكري المكيف وتاخذين ولدج وتبدلين ملابسه وعقب تسيرين ترمسينها وتخبرينها انه خايفه عليه يمرض

وبعدين احتراما لريلج كنتي المفروض ما تكسرين كلمته وتسيرين تعتذرين مب اتحطين راسج براسه وتقولين هو ما اعتذر لامي انا ما بعتذر لامه ....


لا حول ولا قوة الا بالله ... لو مب مرتاحه خلي ريلج يطلعج بيت بروحج احسلج ولا هالمشاكل والنحاسه

تحياتي