بفضل الله حلمي تحقق

انا يا بنات متزوجة من شهرين ومن اول يوم تزوجت فيه كان حلم الامومة دايما بيخطر على بالي وحتى من قبل ما اتزوج , المهم انا قبل ما اتزوج بسنه كان عندي هرمون الحليب مرتفع وكانت الدورة تتأتخر عني علشان هيك روحت لدكتور وعملي تحاليل واعطاني كورس علاج كامل لارتفاع الهرمون , بعد هيك انتظمت الدروه ورجعت الامور طبيعية , المهم كانت يوم عرسي موعد الدورة علشان هيك اضطريت اخود حبوب لتأخير الدورة وبعد هيك اتأخرت الدورة حوالي اسبوعين وما اجت وبعد هيك شرفت , طبعا انا كنت متخوفة من مسألة الحمل علشان الهرمون ، بعد هيك بلشت اقرأ عن موعد الاباضة وعراضه وفعلا قي الفترة المحددة صابتني نفس الاعراض وصار الجماع بهداك اليوم , بعد هيك مباشرة بلشت تصير عندي الم في المعدة مع استفراغ وروحت لدكتور وحكالي عندك جرثومة في المعدة واعطاني كورس علاج وحكالي كملي , المهم لما روحت علىالبيت اقنعت زوجي انو ما ابلش الدوا غير لما تيجي الدورة للمرة التانية , المهم اقتنع بعد معاناة , ولما اجى موعد الدورة اتأخرت 3 ايام عن موعدها علشان هيك عملت فحص الحمل المنزلي بس ما بين حمل , تاني يوم روحت للمختبر انا وزجي نحلل وعملت فحصين الاول السريع للبول والتاني فحص هرمون الحمل بالدم , الاول كان بدو نص ساعة والتاني بدو اربع ساعات , المهم حكيت لزوجي بنرجع على الدوام وبناخود النتيجة على التلفون , بعد هيك حكيت ما زوجي وحكالي نتيجة فحص البول ما في حمل , لما اسمعت هيك انا زعلت وصار عندي يقين انو ما في حمل , ولما روحنا على البيت حكى المختبر على تلفون زوجي وكان هم بالسوبر ماركت وانا بالسيارة ولما طلع حكالي هادا المختبر وما في حمل , المهم انا زعلت كتير لانو كحيت لحالي راح يرجع هرمون الحليب يرتفع , بعد هي وصلنا على البيت واول ما دخل زوجي سجد لله ركعتين شكر وانا كنت مفكرة انو بصلي عادي , وبعدين ضمني وحكالي لاتزعلي حبيبتي انتي حامل 3 اسابيع والله حامل , وانا طبعا ما صدقت وطرت من الفرحة ولحد هلأ مش مصدقة وعقبال كل البنات ياربي .
ولولويش(})