لو الأمر كان بيدي ... ما تزوجت ....

السلام عليكم ورحمة الله وبركاته
ماعرف كيف أبدأ ....
أنا انسانه تعبااانه نفسيا .... وصلت حدي من كل شي ...
بعد 20 يوم بكمل 4 سنين زواج ...
وللحين حياتنا مب مستقره ...
زوجي انسان طيب وحنون ... ولكنه يهيني بشكل غير ملحوظ ...
يعني هو ما يحس انه يهين .... واللي يقهرني ان واايد تصرفات يسويلي اياها وهذي التصرفات ما يرضاها لنفسه ....
والله ما أبالغ يوم أقول ان لو الأمر بيدي جان ما تزوجت ....
عمري ما حسيت بالمذله والاهانه في بيت أهلي ... من أمي وأبوي وأخواني ...
ما حسيتها إلا بعد ما تزوجت ....
ما في انسان يهون عليه .... خاصة اذا حد من أهله .... إلا أنا ... والله أحس اني أهون عليه ...
ويستكثر علي الراحه ....
اذا يشوفني نمت وايد يقولي واااايد تنامين ليش ما وراج شغل ...
بصراحه أحب النوم .... لكن والله ما أحب أنام وايد .... لاني وراي مسؤوليات ....
تعبت من الدنيا ... وصبرررت وااايد ...
غصبا عني أداريه وأحس فيه ...
صارله كم شهر مريض ... والله اني أداريه ... ودورت في النت ... عن أدويه طبيعيه وسويتله ..
داوم عليه فتره وتركه لان ما شاف نتيجه ...
مع انه ما كمل اسبوعين .... أسهر عليه ... وساعات ما أنام لين أشوفه نام وارتاح ...
وأنا اذا أقوله تعبانه يقولي ليش ما في حد تعبان غيرج !!!!!!!
إلا نااااااااااااااااارد وناااااااااادر جدا ... انه يراعيني ...
واذا شافني زودتها ... يقولي خلاص عاد .... كأني أشحت منه الاهتمام ...
أسهر على بنتنا ... كل يوم أنام على ويه الفجر ... وساعات الساعه 6 ...
واذا أقوله بنتك سهرتني وتعبتني ... يقولي أنا بعد تعبت ... كأنه هو اللي سهر عليها ...
الحياه الزوحيه تنبني على الحب والاحترام والتقدير ... صح ؟؟؟
أنا ما أحس غير بالحب ...
والحب عمره ما كان كافي ...
كل ما بيغلط علي بيقولي بعدها تراني أحبج ...
والله ساعات أكره أسمع هالكلمه منه ... لاني أحس انه ما يعنيها ....
الحب هو انج تتنازلين للانسان اللي تحبينه تحترمينه ... تقدرينه ... تقبلين بعيوبه وتحاولين انج تغيرينها .....
ريلي بيعق علي كلام مثل السم الهاري .... وبعدها بيقولي أحبج !!!!!!!!!!! ....
ما أبغي أسمع هالكلمه اذا كان بيقولها بعد كلام يذبح ...
يعني مثلا اليوم ... أنا انسانه أحب أشوف أفلام أجنبيه ومسلسلات....
واليوم كنت أشوف مسلسل أتابعه صارلي زماااان ...
وتعرفون المسلسلات الاجنبيه دايما تكون فيها لقطات وصخه ...
بس والله والله يشهد علي ... اني من أشوف هاللقطات على طول أغير القناه ...
أنا ما همني هاللقطات أنا أشوف المسلسل ... لان القصه عاجبتني ....
تخيلوا اليوم شو يقولي ... أصلا هو يعرف اني أحب المسلسلات والافلام الاجنبيه ...
المهم كان يالس وياي ... وحطوا لقطه وأنا ما كنت منتبهه .... لهيت شوي مع بنتي ...
قالي شو هاللقطه ؟؟؟؟ بنبرة شك .... كأني أنا أحب أشوف هاللقطات ....
وعلى طول غيرت القناه ... قالي شو هالمسلسل اللي تشوفينه ؟؟؟
والمسلسلات اللي تشوفينها كلها فيها لقطات .... والله يكلمني وكأنه شااااااااك .....
قلتله تعرف اني أغير المحطه ولا انت شاك فيني ....
تكددددررررررت وايد .... والله أنا بيدي أكذب عليه وأقوله أنا أغير المحطه ....
لكن والله يا خواتي .... أنا أي تصرف أتصرفه أحط ربي بين عيوني .... أعرف ان الله يحاسبني على كل شي .... لدرجة ساعات اذا مثلا كنت أمشي و ريلي أو يدي تضرب أي شي جدامي ويعورني أقول يمكن أنا غضبت ربي في شي .... عشان جذيه الله عاقبني .....
وهو لسانه وصخ ... ودايما يسب سبااات وصخه خاصة اذا كان غضبان ... وأقوله حرام استغفر ترى أي سبه تقولها ترد على أهلك ... ومب محافظ على صلاته ... ساعات يواضب عليها وساعات لأ ... وساعات عادي يفوت على نفسه فرضين أو ثلاث ... ومدمن سجاير ... وياما وياما وياما نصحته .... بس طبعا لا حياة لمن تنادي ...
أررررجوكم مابغي وحده منكم تقولي كلميه أو واجهيه ... بأسلوب حلو وبدون عصبيه ... أو في جو رومانسي ... أو على البحر و من هالكلام .... لاني ما تم شي أو أسلوب ما سويته ...
كلمته ... واجهته .... كلمته برسايل خطيه .... بمسجات ... اشتكيت لأمه ... اشتكيت لأمي .. اشتكيت لأخته .... ما في فايده ....
زوجي مب انسان سيء .... بس أنا ما عاد فيني صبر .... والله ما يأست من رحمة الله استغفر الله .... بس نفسي ما تهون علي ..... في خاطري أقوله ... يوم تعرف عمرك مب قد مسؤوليه ليش تزوجت ؟؟؟؟؟؟؟؟!!!!!!!!!!!!!!!!!!!!!!
جان أنا عايشه في بيت أهلي مرتاحه وانت عايش في بيت أهلك مرتاح ...
ما يبغيني أحاسبه على أي شي .... ودايما يشوفني غلطانه ... ويشوفني ما أفهم .. ويشوفني مب عاقله .... ويشوف أهله هم الصح ... حتى لو هم غلطانين علي ....
يسكتني ويقولي هذيل أهلي وما أرضى فيهم ... مع اني لا سبيت أهله ولا مره تهاوشت وياهم .... وأنا أرضى وأهون عليه عادي ...
مثل ما هو يبغي يعيش حياته أنا بعد أبغي أعيش حياتي بدون مضايقات ....
واااااااااااااااااااااايد أشياء مقصر فيها ... والله ان وايد أغراض ناقصتني ... وأقوله زيدلي مصروفي .. هالكلام من كم شهر .... بس طبعا ولا شي .... كل أغراضي قديييييييييييمه ... والله في أشياء أستحي ألبسها .... ما يقدر هالشي أبدا ....
كل بنت أعرفها تزوجت .... سافرت شهر عسل ... إلا أنا ... والله انه يحز في خاطري ... بس ما تكلمت لانه انسان على قد حاله .... بس من اللي يقدر ... أبدا ...
ما ياخذ برايي في أي شي ... و ساعات اذا بيشاورني في شي ... وأعطيه رايي ... يقولي اسكتي انتي ما تفهمين ... وانت كلامج كلام مب وحده عاقله :eek: ....
ويوم أقوله هالكلام ... يقولي خييييييييييييييييبه ما خليتي فيني شي زين ...
يعني عمره ما حاول يصلح غلطته إلا نااااااادر ... أو بيقولي والله أنا جذيه وهذي حياتي ...
وتتحملينها غصب عنج ....
تعبت تعبت تعبت تعبت تعبببببببببببببببببببببببببببببت ...
وما عاد فيني احتمال ....
الحمدلله كثر ما أقدر أحاول اني أواضب على قيام الليل ...
و ساعات أدعي ربي ... أقول يااااارب ان كنت كاتبلنا ان نكمل حياتنا مع بعض يسر أمورنا وسخرنا لبعض .... وان كان هالشي شر ... فابعده عنا وكل واحد يعيش حياته بعيد عن الثاني ..
وان كنت بعيش طول حياتي جذيه على هالحال .... فارزقني الصبر ... وارزقني القدره على التحمل .... وافعل بي ما تشاء ....
أرجوكم أكرر مابغي وحده تقولي كلميه .... لان طفح الكيل ....
مب لازم تردون علي .... بس أمااااااااااااااااااااانه اللي محتاجتنه جد ... هو دعوه في ظهر الغيب ... وخاصة فالليل ... لعلها تصيب سهام الليل .....
اسمحوووووووووولي على الاطاله .... بس ما عندي حد أكلمه ....

لا تسألن بني آدم حاجة واسأل الذي أبوابه لا تغلق ...
فالله يغضب ان تركت سؤاله وبني آدم حين يٌسأل يغضب ....

أختكم المجروووووووووووووووووحه في الصميم ..
أم مريم ....