امهات تجاربكم بخصوص تطعيم سنة ونص

يا الغالية ابداااااا لا تحاتي..
انا مثلج سمعت انه متعبة ووو
واول ما خذ ولدي الابرة كمدت عليه وسويتله فيكس
وعطيته خافض الحرارة والحمد لله يوم ورااااح..

قبل لا توديه للتطعيم اعطيه أدول..
وبعد الابرة اعطيه ادول بعد ربع الى نص ساعة
وكمدي على رجله وان شاء الله ما فيه الا كل خير..

هلا اختي الابرة اهي مو وحدة اثنتين وجنة قطرات في الفم بس ثقيلة وايد بس اول ما يعطونه اياها اول ما ترجعين البيت شربيه باندول الوردي او كالبول احسن شي وجمديه وخليه يمشي وهو في المركز عشان تكون عادية ويستمر الالم يومين بالكثير انا احاتي بنتي بعد عندها 17 اغسطس يعني قبل رمضان بخمسة ايام عندي خبرة لان مجربة اختها احين عمرها 3 سنوات الله المستعان لا تحاتين

سلام عليكم

اي الابر واااااايد ثقيله .. اذكر بنت اخوي مرضت وحتى المشي ماتمشي ...

الابر تكسرهم عدل ...

استخدمي الادول والكمادات وماتشوف شر ...

اي والله الله يستر ..!
انا احاتيها من الحين لانه التطعيمه بتتزامن مع شهر رمضان..

وانا شافيه بنت حماتي شلون تكسرت وكل صياح ونياح 3 ايام ..
وحتى مشي ما تمشي ..

ان شاء الله ما يتعبون ووايد السالفه كل في بالي ..!
وشكرا على موضوع ..!

صحيح أختي نسيت أقولج انهن ابرتين..

بنتي طعمتها تقريبا من ثلاثة أسابيع والأبرة فعلا ثقيلة صارت ما تقدر تمشي وتصيح وهي تقول يعور وتأشر على ركبتها يوم ثاني خفت صارت تمشي أو تعرج بس يوم ثالث تحسنت أو بنتي صخنت منها بعد بس أنا عطيتها بندول شريته من الصيدلية أو ظليت كل أربع ساعات أعطيها طبعا البندول يعتمد إذا كان شراب كل أربع ساعات أو إذا كان تحميلة كل ثمان ساعات وأني أحس إن البندول مال الصيدلية أحسن من إلي يعطون وياه المركز

hayawa;9759023:
هلا اختي الابرة اهي مو وحدة اثنتين وجنة قطرات في الفم بس ثقيلة وايد بس اول ما يعطونه اياها اول ما ترجعين البيت شربيه باندول الوردي او كالبول احسن شي وجمديه وخليه يمشي وهو في المركز عشان تكون عادية ويستمر الالم يومين بالكثير انا احاتي بنتي بعد عندها 17 اغسطس يعني قبل رمضان بخمسة ايام عندي خبرة لان مجربة اختها احين عمرها 3 سنوات الله المستعان لا تحاتين

أنا بنتي عطوها أبرة وحدة بس

عادي عروس حبيبتي توكلي على الله عادي

والله انا وايد خائفه من الابره واحاتي بنتي فديتها لاني شفت عيال اختي تالموا منها وما قدروا يمشون لان الصراحه وايد تعور والله يخففها ع اليهال ان شاء الله000000

اختي نصيحه هاي الابره دواها يمشي بطيء فالطفل مايتعب في البدايه


اول ماياخد طفلك الابره خليه يمشي مشوار حتى لو ربع ساعه روحي معاها مجمع


او اي مكان اهم شيء لاينام ولا يستريح عليها


وخلي عليها فكس وشربيه مخفض الى الحراره


ولدي وبنتي عملت لهم كده لكن بنتي الثانيه نامت في السياره من الصياح


ولا جلست الا بعد ساعتين او ثلاث وخلاص صارت ماتمشي والرجل تالمها

ولانقدر نحملها


ويعتمد على خفة ايد الدكتوره بعد


ان شاء الله مايتعب

توي امس طعمتها ولدي مسكين يألمه لانه في الرجلين ثنتينهم بس قالت لي الممرضة اعطيه الخافض
يوم كامل كل 6 ساعات حتى لو مافيه حرارة افضل عشان الالم والله يعينكم

اول ماعطو بنتي الابره على طول كمدتها بالفكس

وخليتها تمشي شوي والحمدالله ماصابها مكروه

علاجها المشي اختي بالتوفيق

مشكوووووريييين اخوااااتي

من كم يوم طعمت بنتي هالتطعيمة وكنت احاتي مرررررررة هالتعيمة لانها ثقيلة هم تطعيمتين وقطرات وصارت اول يومين

حرارة ولاتقدر تمشي واليوم الثالث خفت طبعا سويت اليها كمادات وتدليك اول ماتطعمت

الله يعينا والله أنا بعد أحااااااااااااتي كثير من الحين

وبنتي موعدها 6/8/2009

الحمدلله انا طعمت بنتي الشهر اللي فات والحمدلله ماصار عليها شي اول ماطلعت من المستشفى ع طول عطيتها خافض الحرارة وسويت لها كمادات ع السريع

مشكوورين على المرور

هي صح وايد ثقيلة والياهل حتى يتم يعري على رجل من كثر ماهي ثقيلة بس عطيه تحاميل من أول مايطقونه وحطي كمادات...

بنات مابي أخوفكم بس أنا أبي أتأكد من معلومة سمعت إن من كثر ماهي قوية وفيها عدة جرعات تسبب توحد والله أعلم واللي يعرف شي عن هالمعلومة ياريت يفيدنا...

رانيا البحرينية;9770207:
هي صح وايد ثقيلة والياهل حتى يتم يعري على رجل من كثر ماهي ثقيلة بس عطيه تحاميل من أول مايطقونه وحطي كمادات...

بنات مابي أخوفكم بس أنا أبي أتأكد من معلومة سمعت إن من كثر ماهي قوية وفيها عدة جرعات تسبب توحد والله أعلم واللي يعرف شي عن هالمعلومة ياريت يفيدنا...