ازيكم يابنات
رجعتلكم بتونر هايل ومفيش ابسط من كده
مش محتاج اي حاجه اصلا
تعالوا نشوف مكوناته
اولا
ده شاي اخضر ..اسمه شاي المعبد وهو صيني اساسا
ومش لازم نفس النوع
اهم حاجه تجيبوا شاي اخضر بورقته ....يعني مبروم ..يعني بلاش ليبتون وابو ربيع والكلام ده
بصي هنا شكل الورق عامل ازاى
الورقه بتاعه الشاي برموها ونشفوها
بصي هنا لما حطيت ورقه فى الماء المغلي اتفردت وبقت عامله ازاى
فلو لقيتوا النوع ده من الشاي يبقى خير وبركه ان شاء الله
طريقه عمله بقى سهله اوي
هتجيبى حوالى 10 ورقات او نص معلقه شاي صغيره من الشاي الاخضر
وتحطيها على 2 كوب ماء مغلى
مش هنغليها لأ هيبقى منقوع فقط
ولما يبرد نصفيه ونحطه فى بخاخ زي ده
وده هيبقى شكله النهائي
ونحطه فى التلاجه ...الجو حر ومش مستحمل :D
*********************************
نيجي بقى لمميزاته
ده تونر للبشره الدهنيه ..بيخليها فريش ومنتعشه وبيقفل المسام وبيظبط الدهون فى الوجه (بيقلل من اللمعان يعني)
انا لاحظت نتيجته تقريبا بعد اسبوع من استخدامه
بشرتي بقت انعم واصفى والمسام ابتدت تتقفل والحمد لله...فى حوالى 3 حبوب تحت الجلد اختفت ..غير ان شكل وجهى بقى منور ماشاء الله :)
ده غير بقى الاحساس الجميل بالانتعاش
**********************************
طريقه استخدامه
بعد غسيل كل وجه استخدميه زي التونر العادي بقطنه وعلى وشك ولو عاوزه مزيد من الانتعاش رشيه وسيبيه ينشف هتلاقي وشك منور ومافيهوش دهون ولا لمعان
يارب يعجبكم وان شاء الله تعملوه :)
************************************
ملحوظه
لا احلل نقل الموضوع الا بعد ذكر اسمي واسم عروس واللى مش هتعمل كده هحسبن عليها لحد ما وشها يقشف ويسود :mad:
اذا عجبكم الموضوع برجاء التقييم :)(f)
اختكم ديدم(f)
