عطوني فكرة حلوة لهدية رجالية

اشتري له جوتي يعني حذاء او انعال عزج الله
واذا كان يحب فريق عالمي اشتري له فانيلة وشورت على الفريق اللي يحبه
او اخذي له اذا يلبس ثوب ازرار
اخذي له كرفتات او احزمة
او اشتري له تي شيرت او بنطلون او اقمصة
اخذي له باقة ورد
مدري والله هذا اللي على بالي
بالتوفيق لج يارب

مم افكارج حلوة..عجبني فكرة بنطلون و اقمصة و احزمة بس المشكلة ما اعرف قياسه..لأني بعدني مو زوجته

يا انج تسألينه بطريقة غير مباشرة
او انج تقيسين بنطلون والاحزمة بنفسج اما عن الاقمصة والفانيلة سهلة جم يلبس سمول والا مديم والا لارج يعني شي سهل
بالتوفيق لج

بما انج تقولين 600 ريال يعني يكفي المهم روحي باريس غاليري واطبي ساعه بوليس هي ساعة اسبورتيه.. ورخيصه وفي نفس الوقت ماركه حلوه..موفقه

هلا اختي الكل يحتار شنو يشتري للرجال

امم عندج ساعة ماركة من اي محل ونفس ماقالت الاخت ثياب اقمصة أو فانيلات أو بوانطلين أو جينزات امم الفانيلات لين عدلتين ثيابه قيسي بإيدش جم عرض الفانيلة وبتعرفين اني اسوي جذي أو أخذي له حذاء او نعال ، أو اخذي له ماكينة حلاقة اذا ماعنده

مو لازم شي غالي وكشخه كشخه

المهم هدية بسيطة وعلى ميزانيتج وهو بيستانس ابها

مشكورات خواتي افكاركم حلوة الله يوفقكم

[QUOTE]
افا عليج يا بنت بلادي انا اقولج افكاري واتمنى تعجبج..
بخبرج عن الهدايا اللي قدمتهن لخطيبي وانتي اختاري اذا عجبج شي...

1) بمناسبة العيد (عطيته بكس وبداخله عمامه وعصا ونعال وعطر من الفيصل + دهن عود )

2) بمناسبة عيد المعلم ولان هو معلم: ( نظاره + قلم ماركه + محفظه )

3) بمناسبة العيد الثاني: ( خاتم ومسباح حجر كريم فيروز من السيب مول وبصراحه حلوات كثير + ساعه )

4) بمناسبة عيد حبنا يعني كملنا سنه من خطبني : سويتله موفي بالكمبيوتر عباره عن فلم قصتنا انا وياها من اول يوم خطبني لين كملنا سنه فيه اول المسجات اللي بينا والصور والمقالب والاوقات الحلوه اللي قضيناها مع بعض.... الخ + باقة ورد + دبلة خطوبه فضه )

5) والحين مجهزتله هدية عيدميلاده لان قريب.. وعشان صيف وتعرفي سفر وطلعات..
اشتريتله شنطة سفر حليوه.. وحطيت بداخله بانطلونات وشورتات وقمصان وجاكيت وجوتي ونعال رحلات واحزمة بانطلونات وعطر وفوطه وعدة اظافر وعدة حلاقه مع باقي الاشياء اللي يستخدمها مثل شامبو وصابون .... الخ )

6) وبمناسبة العيد الجاي : ناويه افصله 4 دشداشات ملونه مع كميم نفس اللون + افصله عصا فيها حجر فيروز

وهذي الهدايا اللي قدمتها وراح اقدمها قريب له بس بصراحه كثييير حلوه وهو يستفيد منها ويحبها كثير

لكن في ملاحظه: اذا حسيت ان هو فهالوقت محتاج لشي معين مثل تيلفون او لاب توب او اي شي غير ممكن انج تشتريله وتهديه..

لكن لان ميزانتيج ما تسمحلج.. ممكن تشتريله من الهدايا اللي خبرتج عنها فوق
(واذا فكرتي تشتريله ملابس خبريني وبقولج وين تروحي وبتحصلي اشياء حلوه عندهم]

عندي فكره ثانيه حليوه بعد..
خاصة اذا كان من محبي الرياضه وكرة القدم..
زوج اختي ييلعب كوره ويشجع فريق برشلونه..

وفعيد ميلاده .. راحت محلات الرياضه واشترتله لبسة برشلونه عليها اسم اللاعب اللي يشجعه مع دلاغ مع فوطه وشنطه وكسارات وكوره ...الخ يعني كلها عدة الرياضه وكلها مال برشلونه.. بس كثيييييير عجبته الهديه.. وفكرتها حلوه اذا كان خطيبج يحب يلعب

اقول اختي من وين نحصل هذول الشغلات الرياضيه لان انا زوجي بعد يشجع برشلونه وهولندا

تفاحة حواء;9779224:
اقول اختي من وين نحصل هذول الشغلات الرياضيه لان انا زوجي بعد يشجع برشلونه وهولندا

هلا عزيزتي.. في وايد محلات رياضه تحصلي عندهم هالشغلات في كل مكان.. اختي اشترت لزوجها من صحار محلات رياضه جنب بعض عند المستشفى القديم.. وفي محلات في سوق السيب بعد حلوه.. وممكن تحطي مع الهديه كاس وتكتبي عليه عباره حلوه..
موجود في سوق السيب وعجبني اشكالهم..

صراحة افكارج رووووعه ما شاءالله بس انا خلاص اتفقت مع عضوة بالمنتدى الله يجزاها كل خير تساعدني ف كل شي..بس حابة اسألج شو هي فكرة الموفي؟؟ شو سويتي بالظبط؟؟
وان شاءالله باخذ من بعض افكارج للمناسبات الجاية