عااااجل لبنات الامارات، منو احسن وحده تولد في الامارات؟؟

هلا اختي الشفافة انا اقول لج انه مستشفى الكورنيش في بوظبي زين وااااايد وايدهم خفيفة ها اللي قدرت اساعدج فيه :smile:

ياريت الباقي يفيدونك...لاني من العين...
وبعدني ماعرست ولا حملت.....

لقااااافه

انا سامعة فيه.. عندهم دكتورة التخدير.. فنانة.. واختج ما بتحس بأي شي..

الف مبروك.. والله يساعدها و يقومها بالسلامة

بنات اشرايكم في مستشفى الوصل الي في (( دبي )) ..


أنا ناويه أولد فيه ..


ولا شرايكم في القاسمي .. وايد ناس ينصحوني أولد فيه بس أنا محتارة بين الأثنين ..

افيدوناااااااا

والله انا افضل الدكتورة نفيسة الصواف في مستشفى الزهراء انا ولدت عندها شاطرة ومتمكنة
وإذا تبين في دبي ترى وايد يمدحون الدكثورة لوثرا في مستشفى الإمارات ...

اختي ام اميرة،،

ممكن تخبرينا عن الدكتورة نفيسه،،وكيف طريقه تعاملها،،


وشكرا

مستشفى الوصل افضل مستشفى للولادة واكثر من وحدة سألتها كانت


تمدح الدكاترة والرعاية الطبية عندهم ولأنه مستشفى حكومي فماره


عليهم كثير حالات يعني عندهم الخبرة الكافية للتعامل مع كل الظروف

انا اسمع ان تقريباُ اكثر بنات راس الخيمة

يولدون في مستشفى الوصل

وااااااايد يمدحونة

ورعايتهم وااايد زينة

حتى عندنا مستشفى الكورنيش

اهم شئ تتوكل على الله والله بسهل عليها

أسمعوا هاخبريه عن مستشفى الوصل .. :clap::clap:


فيه عندهم جناح خاص ورعايه أسبشل .. للي بتولد .. و تشرف على الولاده طبيبة مش سستر ولا نيرس .. طبعاً هالرعايه ماراح تحصلينها إلا إذا طلبتيها .. يعني لازم تطلبين الجناح الخاص .. بس بفلوس .. 5000 درهم

و إذا ماطلبتي تولدين في مكان عادي و يشرفون على ولادتج نيرسات ..


أنا إن شاء الله ناويه أطلب جناح خاص .. طبعاً لازم تطلبين قبل الولاده بفترة .. :up:


تحياتي :shy:

هلا عزيزتي وهج غريبة ها الموضوع انا اول مرة اسمع ان نيرس يخلونها


تولد لازم دكتورة متخصصة تكون هي اللي تولد واكثر بنات العايلة مولدين


في مستشفى الوصل والحمدلله ولادتهم كانت ميسرة والخدمة ممتازة


من غير ما يدفعون شيء ...

انا اناويه اسير عند نهله وهيه الحين اتولد في المستشفي الايراني وقبل كانت اتولد في المستشفي الدوالي خواتي وايد يمدحونها واختيه مربيه عندها من شهر ومع انها بكر بس خذت وياها 6 ساعات بس

بنات منوه امجربه انها تولد في المستشفيات الحكوميه وهل صحيح هناك فرق بينهم وبين المستشفيات الخاصه من ناحية الجراحه يعني ايقولون المستشفيات الحكوميه ايسون جراحه ويخيطونها بطريقه عشوائيه اما في المستشفيات الخاصه فيخيطون العضله مع العضله والجلد مع الجلد مادري والله ها اللي سمعته حتى الخيط يكون وايد خفيف ويطيح روحه

ويقولون الحريم اللي يربون في الحكومه الجراحه وايد اتعورهم

وانا مربيه في مستشفي زليخه بس معاملتهم مب لي وين بس ابدا ما تعبت مع الجراحه ولا حسيت فيها على طول مرحلة النفاس

عروس دبي

خالتي تولد عندهم في مستشفى الوصل ( عندها ثلاثه و الرابع في الدرب ومسقطة يمكن مرتين أو ثلات ما أذكر )) و تقول أن موب طول الوقت تكون الدكتورة معاج ممكن ينادونها إذا كان فيه شيء موب طبيعي .. و بعدين قالوا لها عن الخدمة الخاصه .. خدمة مختلفه تماااااااماً حتى الغرفه وكل شيء يكون مختلف يكون أفخم و أكثر ترتيب وخدمات و عنايه أفضل .. :smile:


تحياتي لج :shy:

مرحبا بنات :
الصراحه انا استغربت يوم مدحتو مستشفى الوصل .... انا مربيه فيه من خمس شهور والله العظيم وما اقص عليكم ... طلعت من المستشفى ونفسيتي تعباااااااااااااانه من معاملتهم لي اثناء الولاده.... واللي يولدون السيسترات ... ما يتني دكتوره ابدا الا يوم يت خيطتلي عقب ثلاث ساعات من الولاده تخيلو وانا تعبانه ابغي افتك بسرعه وارتاح المهم ويوم يت حظرتها ... الله لا يهنيها في الدنيا انشاء الله يت تشاعط عليي قبل ما تخيط وتقولي تراني انا الحين بخيطلج بصوت عالي وما ابغي ولا حركه ولا ابغيج حتى تقولين اي .... وخيطتلي من دون طبعا بنج والله اني تألمت ألم الله واعلم فيه وسوولي اشياء ما تتوقعونها وما اقدر اقولها لانه يوم قلتها حق خواتي ستغربو .... على العموم وخلوني يوم واحد وطلعوني وانا كنت ما اقدر اتحرك ابدا ..... والله انه اخس مستشفى دخلته في حياتي .... لا أكل زين ولا رعايه .... الرعايه حق الوافدات والهنديات وهذا الشي شفته بعيوني ........

واللة يا بنات انا مربية فى مستشفى الوصل وتيينى دكتورة الا مرة وحدة كانت الولادة سهلة وكانت عند النرس;)

اوووووووووووووة نسيت وانا انصح اختك انها تولد بمستشفى الوصل

أنا بقولج كل شئ بالحظ
وإلى كاتبنه الله سبحانه وتعالى بيصير لها سواء ربت عند الدكتورة أو الممرضة خليها إتصلى إستخارة وتتوكل على الله

أنا ربيت مرتين بمستشفى الوصل
أول مرة كانت السوبر فايزر (رئيسة الاطبة) هى المشرفة على ولادتى لان حملى كان صعب وبقيت فى المتشفى تحت إشرافها حتى يوم الولادة لكنها راوتنى الويل من طلقى الى الاصطناعى وآنا أطلب عملية وهى ترفض رأى ورأى الطبيبة الثانية وبعد 17 ساعة ولما وقف قلب أبنى حولتنى على العملية وقامت به الدكتورة الثانية إسمها شبانة وإلى شاف مكان العملية مدح شغلها

أما ولدى الثانى رحت عند طبيبة ثانية مريحة فى المعاملة إسمها ريحانة وطلبت منها إتينى وقت الولادة (وكل شئ بالمقابل )وتشوف اذا صعبة ولادتى بالطبيعى إتحولنى للقيصرية والمسكينة ما قصرت إهتمت فى وسوت لى العملية وكمان الحمدلله شغلها حلو

شفتى الاول تعب لكن شغل مضبوط جدا
والثانى راحة والشغل مضبوط فكل شئ بالحظ

ممكن رقم الدكتووره ريحانه اختي ((bonbona))

انا ولدت في مستشفى الكورنيش اربع مرات ورعايتهم واااااااااااايد زينة

اهتمام بالام والطفل لدرجة انهم يحممونك بعد الولادة بالمسح بالفوطة

حتى في الحمام هم معاك

اختي طلبت خدمة خاصة بفلوس بس تشتكي انهم ما اهتمو فيها كثر

ما اهتمو في

وانا اقول ببلاش احسن :up: