صالون نادرة

تعاملت مع هالصالون مرتين .. ولله الحمد راضية في هالمرتين

مب لازم تدفعين عربون

بس إتصلي وحجزي بالتلفون

بس حبيبتي روحي من وقت يعني 12 أو 11ونص

لأن أرقام تتوزع

كلما تآخرتي , تآخر دورج

*

الشغل أحلى وحدة الفلبينية إلي بالوسط

وهي تسوي العرايس بس!.. طلبيها قولي أبي إلي تسوي العرايس

كلهم شغلهم حلو , بس هذي مميز جداً

*

المكياج من 5 دينار

نادرة مكياجها بو 15 كشوخي حده لا تحطين أقل , والرموش مجاناً

وإذا تبين شي أكثر تميز و روعة , وحواجب جاينيز أو حركات هاللون حطي بو 20

ونادرة ما شاء الله عليها فنانة

تحط شي يناسب وجهج

بس لا تتفلسفين عليها

بس قولي لها شنو بخاطرج

لا تقولين لها شيلي وحطي وأبي وما أبي

ترى ما بتقدر تبدع فيج

آخر مرة رحت كانت فيه عائلة كبير يمكن أزيد من ( 7 وحدات )

كلهم مكياجهم على 15

الله وكيلج ما في وحدة طلعت مميزة ذاك الزود

كانوا يتفلسفون وكل يقولون لا شيلي , لا حطي , لا مانبي , لا ما يعجبنا

2 منهم بس

دشوا وخلوا الماكيرة تشوف شغلها , بدون إنتقادات

الله وكيلج طلعوا أذهلنا منهم ومن روعة المكياج

وحدة مكياج بو 15 , صارت عرووووووووووس ما صدقت إنه بو 15 , وتسريحتها مرفوعة ما شاء الله كانت عروس بكل معنى الكلمة

والثانية بو 10 .. لو تشوفين الشغل المتقن لمكياجها تقولين هذي يا بو 15 أو 20

والباقي تمو يذمون .. ويذمون

وهم إلي أختاروا كل شي لنفسهم

*

صالون راقي تعاملهم

وأسعارهم رخيصة وحلوة

آخر مرة رحت خطوبة عمي , تسريحتي كأني عروس والله , ب 23 دينار ما توقعت هالسعر الخيالي

ومكياجي فخم جداً جداً بو 20 والرموش مجاناً

الكل أنبهر في الصالة .. يقولون كأنج عروس

وفي الصالون بعد الفلبينيات كل شوي يسآلوني إنتي مو عروس ؟ إنتي مو ملجة ههههه

بس العيب في التآخير

أنا كل أروح لهم على الساعة 3 الظهر وأطلع آخر وحدة هههه 8ونص الليل

فلا تتآخرين مثلي