عندج 3 عيال ورا بعض - شاركينا تجربتج..

موضوعك مره حلووووووووووو

عني عندي 2 الله يحفظهم الأولى بنت (سنتين و9 شهور )والثاني ولد(4 شهور )

لكن أمر بظروف صعبه مثلك وبجاوب على اسألتك

- اكيد في غيرة بينهم شلون عالجتيها

غيرتهم للآن موجوده لان الفرق بينهم سنتين ونصف و2 صغار ويبغى ليهم عنايه ورعايه

- اكيد حسيتي في بعض الايام بالظغط شلون ريحتي نفسج؟

مو بس في بعض الأيام كل يوم أحس بالضغط وللحين أشعر بإكتئاب شدييييييييييد مرررره وضايق خلقي وكل عصبيه وكل صريخ وضرب في بنتي صرت مااتحمل تصرفاتها مع انها نفس الحال ماتغيرت الشقاوه هي هي بس انا اللي تغيرت وصرت عصبيه جداً وبصراحه مافي طريقه قدرت اريح بها نفسي

لكني أقرأ قرآن ودعاء يومياً خصصت ليي وقت لما يناموا أختلي في هالوقت لربي وبعدين ادخل النت واسمع اخبار الناس وأغير من مزاجي شوي وأحاول افرفش في وقت ليي خاص بي وبكذا اخفف من الضغط اللي عليي

- طلعتي اجازة من الداوم ولا؟

ماعندي دوام ولكن لو عندي كنت بطلع أكيد وبقعد أقابل ولادي وأداريهم


- جالسة في بيت بروحج ولا في بيت اهل زوجج؟

جالسه في شقه لكن شقق أخوت زوجي معانا ولكن ماازورهم وهم قليل زيارتهم ليي انا مو اجتماعيه


- جبتي اكثر من خدامة ؟

بصراحه ماجبت ولا وحده لان مااحبهم ومااحب مشاكلهم الله يفكنا منهم

لكن بصراحه جدولي مخربط ماني عارفه اركز على شيء معين ابداً اولادي في المقدمه والباقي عشوائي يعني لاأطبخ بشكل يومي ولا انظف بشكل يومي كل حسب الوقت المتوفر



- في شي تحبين تقولينه بعد


أنصح كل أم تتمهل ولا تتسرع في انجاب اطفالها وتحاسب عدل لاتحمل وتتورط لان كل طفل من حقه ياخذ حقه من الدلال والرعايه والحنان وهي بعد من حقها ترتاح

عندي ورى بعض
بس بين الثاني والثالث الغيرة
اما الكبير عاقل ما يغار وعادي عنده بالعكس يحب يساعدهم

والله يرزقني أخت لهم عاجلا ام اجلا يا رب

اكيد في غيرة بينهم شلون عالجتيها
غيرة بكل أنواعها ،، أحاول اعدل بينهم في كل شي بس حتى لو الغيرة لابد منها وللحين ماقدرت اعالجها صراحة :ss:

- اكيد حسيتي في بعض الايام بالظغط شلون ريحتي نفسج؟
شي طبيعي احس بالضغط ،، خصوصا اني ماتعودت احد يساعدني على عيالي ،، حتى زوجي ماعودته انه يساعدني لانه هوه بعد بكون راجع من الشغل وليه وقت راحته وية ربعه

أما راحتي تكون في الليل طبعا لما انيم الجهال وحاليا اجازة يعني بدأ السهر ( واويلاه):tongue: بس هالوقت اخليهم يلعبون واني اقعد اريح عالنت اشوي


- طلعتي اجازة من الداوم ولا؟

اني بطالية عطالية ( بس دعواتكم لي ان الله يرزقني بوظيفة مناسبة في الوقت المناسب ،،تريحني واريح بها أطفالي وزوجي )(y)

- جالسة في بيت بروحج ولا في بيت اهل زوجج؟
في بيت أهل زوجي بس في شقة فوق ومافيه احد بيت اهل زوجي( يعني كاني عايشة بروحي :ss:

- جبتي اكثر من خدامة ؟
ماجبت ولا افكر اجيب واني مااشتغل ،، ماتخيل روحي قاعدة ووحدة تخدمني ، الله يعطيني الصحة والعافية ومااحتاجهم ان شاء الله

- في شي تحبين تقولينه بعد

الاطفال نعمة من رب العالمين ،، ناس تنفق الملايين عشان طفل بس الله مايكتب ليهم وهذا كله امتحان
واي وحدة مثلي ماكانت مخططة انها اجيب عيالها ورى بعض بس الله عطاها هالنعمة لا تضايق بل تحمد ربها ولا تهتم من لكلام الناس لان مابجيها الا التعب النفسي والجسمي وفي الاخير هيه اللي بتتعب وبتربي

وأحب أقول ان الله سبحانه وتعالي يعطي الواحد على قد طاقته وماعطانا هالنعمة الا وهوه سبحانه اعلم بطاقتنا ومدى تحملها


بس لازم اجي اوقات صراخ عليهم خخخ

تسلمين عالموضوع وتستاهلي التقييم