ابيكم تساعدوني يابنات

مرحباااااا بنات
شخباركم ؟ ان شاء الله تكونون كلكم بخير وصحه وعافيه

يابنات انا عندي بنت عمرها سنتين وشهرين وجانت تعاني من احمار بالمنطقه الحساسه اللي حنا نسميه بلهجتنا ( الحراك او الحراق ) :D

الم هم وجنت احط لها كريمات الين ماصارت زينه والحمد لله وقطعته عنها صرت مااستعمله لها الا بالضروره

البارحه سبحتها ونامت وقعدت قبل صلاه الفجر بشوي تبجي :confused: وجانت تأشر على حفاظها قلت معقوله تكون مسويتها (اكرمكم الله )ونامت وانا ماانتبهت لها :eek: فتحت الحفاظه مافيها شي وخاليه حتى جانت مافيها بول لان فاطمتها عن الممه وتعرفون الجاهل اذا صار مايشرب حليب بالليل يكون قليل يتبول ومع كل هذا قلت خلي اروح ابدل حفاظتها مع انها جانت مافيها شيء


ورحت غيرت الحفاظه ونفس الشي :confused: تبجي وتأشر على حفاظتها قلت شنو السالفه ؟ !

قلت بيني وبين نفسي خلني اشوف منطقتها الحساسه يمكن يكون فيها شي :ss:

وفتحت الحفاظه وجان الضوا بالغرفه عندي خفيف بس جني لمحت شي داخل المنطقه :eek:

واروح بسرعه وافتح الضوا حق الغرفه واشوف ( دود ) :eek: :confused: بعد عمري مو قادره تنام تخيلوا يابنات دود وبالمنطقه الحساسه والله صعبه :(

واشيلها بعود القطن ومن بعد ماشلتها على طول ارتاحت وسكتت عن البجي ونامت :(

بس انا لقيت بس وحده تخيلوا بس وحده ومخليتها بهذي الحاله عيل لو واايد جان اشصار فيها ؟؟ !

بس انا الحمد لله تلاحقت الموقف وبسرعه وجات على بالي اشوف المنطقه الحساسه مالتها قبل لا يتكثر بسرعه لانه معروف الدود سريع التكاثر


عاد الحين يابنات ابي منكم تفيدوني واللي يعافيكم اذا جان فيه دواء او شي لها اخاف يرجع لها مره ثانيه

وانا بصراحه ماابي اوديها الطبيب اخاف يلعبون فيها وخاصأ هذي منطقه حساسه وبعدها صغيره اخاف عليها :confused:

واللي يعافيكم اي وحده عندها حل تقول لي قبل لا يكثر وتصير مشكله بعدين ويعصب حلها :ss:

وانا ناطره ردودكم ومساعدتكم