ابغى مسج عن هجر الصديق****

مساؤ أندلسيه ..
هذا حال الدنيا كأنها موضه صاير الغدر والهجر والخيانه
.. بعطيك اللي قدرت عليه
....
(1)
اوعدك مايوم انسى اللي في قلبي عملته لما سلمته بإيدينك وإنت قدامي ذبحته
كان طيب كان وافي كان يحبك وإنت جافي
كان مهما يحذرونه من هواك يقول كافي
لون وبدل شعورك وإنتظر يومك ودورك
مثل مافيني تسليت الزمن يكسر غرورك
والهوى مهما يطيعك مهما طول به ربيعك
راح يجي لك يوم وتعشق واللي بتحبه يبيعك


(2)

جرح الصداقه ماتداويه الأيام
لامن جرحني صاحبي وش بقالي
لاصار أعز الناس بيزيدگ..آلام
من ترتجي ياقلب تشگيه حالي
عزي لقلب دايم الدوم منضام
ماشاف بالدنيارفيق..موالي
اصبرعلى جرحي واداويه بأوهام
والقلب لازادت همومه شگالي
ياحظ من مثلگ هنا العمر له دام
ياحظ من هو قاسي مايبالي
دمعة ورا دمعه والأحزان قدام
والحب گلمة عشتها في خيالي


(3)
كنت بعيوني تكبروتغلى.
اشوف الناس غيرك اصنام..
ونجمك بسماي فوق يتعلى
.معاك ارتحت وعشت احلام.
.ورحت اليوم تصدوتغلى..
بان الخافي وزاح الظلام..
والناس قالوامن تغلى تخلى.
تركتني اسأل واعيش بهيام.
.اوهمتني بالحب واثرك تسلى.
واليوم تحسب وتظرب ارقام..
زاح الغمام وليلك تجلى.
ودك ترجع ذيك الأيام..
روح وحياتك مع غيري احلى.
انا مثل الطير الحر اذا حام.
.شق السحايب فوق وتعلى.سلامتك.

(4)
انا مرضى اكون لك حبيب وقت ماتبغى
ووقت ماتبغى تنسى حبي
انا مقوى احب بعضك وتحب فيني بعضي
اما كلك بقلبك وعقلك تجي
أو اني ارحل بعزتي كلي
وش لي بحبيبه تحتاجني لحظات
وباقي الوقت تكتفي بظلي

(5)
بكيتني واليوم والله لاا بكيك
دمعك على فرقاي تبطي تهله
خذها نصيحه في حياتك ووصيك
إلا حبيبك لا تحاول انك تذله
قلي وش اللي بس للغدر حاديك
وسيف الخيانه ليه كفك تسله

(6)
_{أحاول أكرهك لكن فؤادي ما كره إنسان
غريبة كيف هذا القلب يحب ألي جرح فيني
حبيبي داخلي كلمه عساها تشفي الوجدان
حبيبي ما أقول ألا .. حرام انك عرفتني}

(7)
اهتم فيني وحط بالك علي سكني بروحك وعينك وقلبك
حافظ على اهل القلوب الوفيه
مو كل يوم تلاقي واحد يحبك
لو قلتلك زعلان جيب لي هديه
لو قلتلك مابيك قولي أحبك
لاتزعل ان عكرت جوّك شويا
قلبي طفل ويحب يلعب بقلبك
أنا لك و ودي تكون انت ليا
ياشين غيبتك ويازين قربك
أبسط حقوقي إنك تحس فيا
وأحس إني في كل الأوقات جنبك


(8)
شرهتي ياصاحبي ماهي عليك ..
ما ألومك!!؟
لا حشى ولا أظلمك!!؟
شرهتي .. للي جعلني بين ايديك ..
(( الزمااااان ))
اللي دناني و عظّمك!!!؟
كنت : أحبك
كنت : أعزك
كنت : أبيك!!
كنت لكن للأسف : تو أفهمك!!


(9)
من يصدق؟!
يمر الوقت مااشوفه ..!
وأصير بلهفتي موجوع ..
ويمر الوقت ماأدري وأيام الزمن تجري ..!
ساعه بعد ساعه ...
وأسبوع وراه أسبوع ...
‏
بعد ماكنت أنا أشوفه
‏
سبت ..
أحد ..
أثنين ..
ثلوث ..
ربوع ..
وأجي طاير صباح السبت لأني فاقده يومين""
ويسبقني وله عيني قبل أعرف مكانه وين!!
واليوووم:
يمر السبت ويروح السبت ولا أدري عن أحواله
ضايق
وإلا حاله زين؟!
أخذه الزمن بعييييييد عني يحسب قلبي صخر يكسر سهام الألم فوقه يقول إنت من يغليه لزوم دوم تتحمل
أناظر فوقي وتحتي
وراي وقدام ومن جنبي
أشوف أثرني وحدي
بعد ما'كنت وكانت'لنا
أيااااااااام
فقدت الجلسه والقعده
فقدت الطله والنظره وحتى الضحكه والبسمه وفي الآخر صفيت وحدي!
آلا ياربي صبرني وسليني دووم بذكره~


(10)
كل شي منك كنت متوقع يكون الا الجفا ماكنت حاسب له حساب
يلعن سنينك كيف حبي لك يهوون
وانا عشانك بعت غاليين واحباب
ارخصت ناس بعمرهم لي يضحوون
وصرت انت ناسي وهلي وكل الاصحاب
عالروح بديتك ...ولا غيرك يموون
وبالقلب ضميتك ولاجابك غياب
حطيتك بعين وبكت منك عيوون
ولاموني بحبك قريبيين واغراب
ماكني اسمع شي يوم يلوموون
طنشتهم والحب كافر وغلااااب
ماكنت افكر يزعلون او يرضون
دام انت راضي من يزعل يمسك الباب
ماهو مهم لو اخسر بحبك الكون
انت المهم والباقي بعيني ترااااب
ياكثر كنت بوقتها فيك مفتون
يوم الخفوق يزيد كل لحظه اعجاب
كم كنت متولع بحبك ومجنون
وكم اشتعل هالقلب بعيونك وذاب
وشلون تتركني جريح ومطعوون
وتروح ماهمك اذا كنت منصاب

(11)
هذا هو اللي تبيه إني أرحل من حياتك
وأشعل عيوني بليه??!
هذا هو اللي قدرته وقدرك ربي عليه
بذمتك هذا كلام ..
إني أرجع من جديد ..
أرجع افرش كل تعب عمري وأنام..
زين لحظه ,,
لسألوني الناس و ينك .. وإن دوروا ضحكة عيونك
عن عيوني سافرت ردت لعينك ..
بذمتك قول..قول وش أقول ؟
قول الله يخرب بيت بيتك
توني يادوبي بديت .. بعت عمري واشتريتك
خطوه .. خطوه واشتريتك..
توني بأطراف البدايه مدري وشلون أنتهيت
ياخي حس .. والله عيب اللي تبيه . .
إني أرحل من حياتك ..وأشعل عيوني بليه
لاجبينك شمس .. وإحساسك مطر
لاعيونك شوق .. وشعورك دفا
جبت لك بيدي ابتسامات العمر
ليه تكسرها على أطراف الشفا
شوف بعثرني إحتياجي بالنظر
شوف وجهي إمتلا منك بأفا ..
ماتجي منك ولكن يابشر..منت أول من طعني بالجفا
أبكتم كل جروحي بالسهر ..
ولا أفكر من ورا قلبك شفا
ول ياقلبك مايجيب إلا القهر
ول ياعمرك ماعرف طعم الوفا ..
وإلا انا مثل النهر .. أبقى نهر
من تحوسه ترجع تشوفه صفا
فيني والله أحساس لامنه ظهر .. يشعل ضلوعك إذا قلبك طفا ..
هذا هو اللي تبيه ؟
هذا هو اللي قدرته وقدرك ربي عليه ,,
بذمتك هذا كلام ?!!
إني ارجع من جديد .. أرجع افرش كل تعب عمري وأنام
وين أروح وشلون أجيب لقلبي المجروح روح
هذا هو اللي تبيه?!!!
........
هذا اللي طلع معي
اتمنى اكون قدرت اخدمك
تحياتي