ابي حل حق ام خطيبي

ياما أمهات يكونون متحكمين ومسيطرين بشكل كلي وتام على (الأبن)

لكن إنتي ما تدرين بنواياها

ربما هي مسيطرة بعض الشيء , لكن حلوة وحبوبة وطيبة

وبعدين !..

إنتي ما تزوجتي ولا عشتي مع زوجج

أكيد في الزواج الوضع بيختلف 180 درجة

راح تستقرين معاه

وتكون لكم خصوصياتكم و حياتكم المشتركة الخاصة

وأمه راح تكسبينها بسهولة وببساطة

من خلال حبج و ودج لها .. وحسن المعشر

وكلما شافتج تحبينها وتحبين ولدها , هي تحبج أكثر

أكسبيها بالكلمة الطيبة

لا تنسينها بالمناسبات

أعطيها هدايا تفرح قلبها , حتى لو كانت بسيطة

*

إذا قدرتي تحبين أهله وتمتلكين قلوبهم

هو أيضاً بيحبج وبياخذ بكلمتج

تعودي تعلمينه تكون له الكلمة الأولى والأخيرة , ويكون هو الرجل بكل موقف

لا ياخذ بشور الحريم إلا بالصحيحة

مب في كل صغيرة وكبيرة

*

أنتوا خطوبة بس!..

ما شفتي الحياة والإستقرار والمعاناة والآلم

لا تفكرين في الإنفصال

وإنتي بعدج بخطوتج الأولى

*

ربما سبب هالتقلبات من قبل عمتج "أم خطيبج" , ظروف مادية وعائلية

ما تحب تصرح فيها

ف كل يوم تشوفين منها رآي وكلمة

وبعدين مسآلة ما تكلمين خطيبج لمدة شهر قبل الزواج .. ترى والله بالعكس

علشان تشتاقون لبعض

تكون في لهفة وشوق وإنتظار .. وعلشان تتفرغين بشكل كلي للتجهيز للعرس

*

حبوبة ..,

دائماً خذي الناس بحسن النية

ولا تسيئين الظن إلا لين تآكدتي من سوء نيتهم

وأتمنى لج كل التوفيق