آآآه ياااقلبي المجروح

روح مسافره;9730981:
احسه عادي الوحده تروح البقاله بذات اذا محتاج شي ضروري بس مهم معاها احد مو لوحدها
اما على سالفه المعاريس
اصلا الاعراس ماصاروا ايروحونها الا ساعه عشر ونصف ووووووواحد عشر واكثر بعد
انت حاولي تبيني له وجهت نظرك
وحاولي تبتعدين الاشياء الي يضايق منها
ترى ناس في فتره الخطوبه يفرضون رايهم واااااااايد تالي بعد الزواج عادي

حييل---مقهورة;9731766:
حبيبتي لاتكبري الموضوع

ونتي بعد الزواج راح تقدري تتفاهمي معة بها الخصوص

وع سالفة البقالة صححححححححححح مالة داعي تروحين الا اذا معك احد كبير من اهلك ممكن

BrOoNzYa;9732844:
بخصوص سالفه البقاله مب حلووه تروحييين .. خلاص تدلعي علييه وقولي له هو يجييب لج !!

وبعدين من حقه بخصوص الاعراس واذا انتي مع حد من اهلج .. قولي له اهلي مراح يرجعون الا الساعه 12 ونص مثلا !! انا ماعندي حد يجييبني شاسوي !!

اعرف وحده قريبه مني خطيبها يقولها رجعي 10 ونص من حفله مثلا ... او اذا قالت له شدعوا حتى العشى ماحطوه يقول لهاا 11 .. وهي ترجع يقول لهاا تمي ويااي كلمييني شتبيي فييهم ... لان يحبهاا كله يبيهاا له وهي ترجع لان تستانس اتحس ان في حد يحاتييهاا ويخاف عليهاا ..

هو مع الوقت بيتعوود ترا .. وبعد الزواج بيسمح لج عااد !!!

انتي اخذي الاموور سهالات

حلم السعادة;9733418:

السلام عليكم
بخصوص البقاله يا اختي انا هم زوجي مثلج
ما يرضى اروح البقاله ابدا حتى لوو مطره يقولي اتصلي على البقاله وقولي
لهم شتبين وايبه لج بس لا تروحين وانا في البدايه كنت مب متقبله الفكره
بس مع الوقت شفت انه له حق وقلت له وضح لي سبب عدم سماحك
اني اروح البقاله قالي اولا البقاله صغيره وما يمديج تفترين كلها ريايل
وثاني شي مب حلوه تروحين البراده انا اغاااااار عليج :oبصراحه اامافي احلى من هالكلمه
الحين اي شي ابيه اتصل في البقاله ايبون لي الي ابيه الى البيت برغم انه البقاله
يم الشقه بضبط بس شسوي:D وبنسبه الى الاعراس ليش ما اهو يوديج العرس ؟؟
جذي اهو يقولج متى طلعي ومهما تاخرتي الا اهو برى ينتظرج انا امشي سياره
واروح واي بس زوجي محدد لي وقت مثلا لو كنت في بيت اهلي ما تصير الساعه 8 الا اانتي راجعه يعني الساعه 9 لازم تكونين بشقه الدنيا مب امان ويخاف عليي من الطريج
طبعا اذا اعرف اني راح اتاخر اقوله خلاص انت ودني وتعال اخذني بجذيه اخذ راحتي والاعراس مثل الشي انا مااروح بروحي اخليه اهو يوديني ويررجعني هذا اهو احسن حل لي وله

سراب الأمنيات;9733448:
ما اظن فيها شي اذا راحت البقاله اذا فرضا احتاجت شي وخطيبها مو معاها شسوي عادي لين راحت فحاولي تقنعينه انج بعض الاحيان تحتاجين اشياء وتتطرين تروحين وخذي معاج احد بعد يكون افضل ولا تروحين واايد عند الضرورة يعني ..

وعن الاعراس اذا ماكو احد يرجعج ماكو الا اهلج شبسوين يعني ؟؟ ملزومه تنتضرين اهلج ..

حاولي تتفاهمين معاه في هالامور وتقنعينه بأسلوب حلوو وان شاء الله يوافق ,, وبالتوفيق