السلام عليكم يا الغاليات
شحالكم ....
شحالكم ....
بنات انا مادري اذا الموضوع الي عندي مشكله تستحق الطرح او لا .... هي صارت لوحده اعرفها وبصراحه انصدمت منها او من موقفها بالتحديد باللي صار معاها ....
اقسم بالله يابنات اني ماقدرت ابلع ريقي من زود صدمتي بالكلام اللي كنت اسمعه منها ... والله حتى ريلي لاحظ ان فني شي وكان يأشر لي شفيج وانا ااشر له ولا شي ... وانا اصلا ودي اصارخ ودي اصيح مادري ليش .....
بدخل لكم بالسالفه على طووووول اني احس مصختها بالمقدمه ... هههههههه ....
حبايبي هذي وحده اعرفها من سنين بحكم انها بنت جيراننا وكنا في مدرسه وحده بعد اغلب مراحلنا .... بس اهلها فيهم عيب يمكن هو اللي تسبب بهالشي الي صار معاها .... عيبهم انهم عادي يطلعون برعكلهم وتم هي بروحها فالبيت .... وكله عندهم الدنيا امان والحمدالله ...
صج الحافظ اله بس بنات مستحيل الواحد يتركهم بروحهم .... وغير جي بعد انهم لو ماشافوا حد من اللي معاهم فالبيت يومين او 3 عادي عندهم .... يعني بيقولون اكيد بغرفته او طالع ... دوم امورهم سهالات ... والشاهد الله من سكنا بفريجننا عمرنا ماسمعنا عليهم شي او حد قدر يقول عنهم شي غير موضوع طلعتهم الدايم وتركهم العيال بروحهم ... اقصد الوالدين طبعا ...
القصه عاد كالآتي ... هي مملوج عليها قبل اسبوع وكنت متصله ابارك لها واسألها عن كل شي كالعاده واتشره عليها لانها خشت وماقالت ومن هالقبيل ومن هو وان شاءالله ولد ناس والنعم ؟؟؟ وهالسوالف مالت الحريم... جان اصدمتني بطريقة تعرفها عليها وشاللي صار وصار وصار لين الملجه ماتمت ....
تقول انه شافها بمجمع وتم وراها وراها وراها وراها من مكان لمكان وهي مب معطته ويه وهو ولا هامه ووراها وراها لين ماطلعت وهم وراها لين البيت بعد وهي تشوفه المهم ثاني يوم شافته بفريجهم يدور ويدور لما كانت ظاهره مع امها ...ومن شافها لحقها وكانت رايحه مع امها الجمعيه وفالجمعيه وراها وراها وراها نفس الشي لين ماقدر يرقمها لا وترقيمها مب عطاها رقم الا عطاها جوال ... على كلامها طبعا حطه بشنطتها بكل وقاحه وهي من خرعتها ساكته تشوفه ... وانا اسمع ومصدومه بعد من رد فعلها لاني لومكانها جان كسرت كل اللي جنبي على مخه ... ماعلينا ...
اتصل واتصل واتصل وهي ماترد وسكرت التلفون يومين على كلامها وردت فتحته بعد يومين عشان ادز مسج وتقول له بحط لك التلفون بمكان ...الا مطرش فوق المية مسج لا واخر مسج قرته كان مكتوب فيه انا برع عند بيتكم صار لي كم ساعه والله ... ويوم شافت الوقت الا قبل نص ساعه بس ولما راحت تتأكد لقته واقف وقاعد بسيارته .... اتصلت عليه عشان تزفه وهو ماصدق عاد بأسلوب الشباب شلون اقنعها تكلمه مادري ومن المفروض هوشه صارت سوالف مع الايام وقال لها والله والله اول مره استخف جي والله وقام يحلف براس كل هله وبربه وبالمصحف ووو انه حبها من شافها ومات عليها من هالكلام واي بنت من تسمع هالشي قلبها يحن للأسف .... المهم مت تكلمه وهو ميت وكله عند بيتهم واي مكان تروحها يروحه هو عشان يشوفها ... وبيوم متصل لها بالليل على كلامها كالعاده وردت عليه عادي جان يقولها انا بحوشكم... فضحكت ... فقال والله بحوشكم...نطت على اقرب دريشه جان تشوفه صج بحوشهم بنص الليل وبالاصح الفجر قريب 2 ... وقالها لو مانزلتي بصارخ واقول احبج واصحي بيتكم وفريجكم كله .... بموت لو ماشفتج قدامي الحين ... عاد الخبله نزلت له بسرعه وهي خايفه حد يحس فيه او فيها ... وقالت لي انها دخلته البيت وانا انصدمت منها واااااااايد والله وهي تكمل وتقول دخلته غرفتها ... شلون تجرأت ولا هو شلون تجرأ اصلا ... لاحول ولا قوه ... ربي يحفظ عيالنا من هالسوالف اللي كثرت ... المهم ... تقول لان الدنيا فالحوش والبيت يوم دخل ظلام بظلام ماشافها عدل بس بغرفتها انتبهت ان هو منبهر فيها وايد وانتبهت بعد انها لابسه بيجامه برمودا وبدي صغير مكشوف منه 3 ارباع جسمها .... وطبعا ابليس ووساوسه صار اللي صار وطبعا بأسٍلوبه اللي يلين الحجر وتم عندها عقب اللي صار فغرفتها 3 ايام جنهم معاريس .. وبعد هالسالفه بأسبوع تقدم لها مع هله لانه صج يموت فيها على كلامه ومايقدر يعيش بدونها .... وتم كل شي بأقل من شهر ....
بنات قسم بالله انا مصدومه لهاي اللحظه ... اللي صار صج ولا فلم ولا قصه قريتها ... يارب ارحمنا واحفظنا ...
عاد المشكله انها تقول لي اخاف يتغير علي عقب ويقول لي ان رقدت معاج قبل ما اخذج ولا يعايرني بشي ولا يقول لي شي مع انه وايد طيب وحنون وطاير فيني وكل يوم هديه وتحلف والله وده يسوي اي شي لي بس ااشر له او اقول ....
شرايكم بنات .... والله ماعرفت اقول لها رايي .... انتوا شرايكم ....
انا عصبت بصراحه وزعلت منها ومن موقفها ... هو لو صج يحبها ليش سوا جي معاها
شلون يرضى عليها ... يقول ابليس لعب براسه وقدر عليه ووو والله مو عذر ....
شلون يرضى عليها ... يقول ابليس لعب براسه وقدر عليه ووو والله مو عذر ....
نصحوها يابنات .... انا برايي هالزواج مابيدوم .... غلط من بدايته والله
واسمحولي لو قلت شي غلط او ذكرت تفاصيل ماتنقال ... بس لازم اوضح صح عشان تعيشون اللي عشته لما كنت اسمعها طبعا تفاصيلي اكثر بس مايجوز اذكرها هني ....
انتظر رايكم