سؤال دايما يدور في بالي؟؟؟؟؟

هلا اختي .........
هل ممكن ان ام تفضل واحد من ابناءها على الآخر؟؟؟؟
غير صحيح...فالاولاد والبنات سواسيه في المعامله .....
يقولون دايما ان الطفل الاول حبه غير...
ايضاً هذا الكلام غير صحيح ........ يمكن تكون فرحة قدومه غير اخوانه لكن تبقى بعدين محبته مثل اخوانه.......
انزين بين ابنائج...هل تحسين عمرج تميلين لأحد أكثر من الثاني؟؟؟
احياناً ...... على حسب الموقف طبعاً اللي يسمع كلامي مو مثل اللي يعاندني ........ ولكن يبقون جميعهم في القلب(u)

الصغير حتى يكبر
والمريض حتى يشفى
والمسافر حتى يرجع

اختك : ام غاده(u)

السلام عليكم

حيا الله اختنا الغاليه عروس قديمه .. نورتينا

و بخصوص سؤالج .. فانا اوافق كلام اختنا الحبيبه ام غاده .. ما اعتقد ممكن ألام تقدر تفرق بين عيالها,,


:)

اختى بنسبة لى انا عندى بنتين واشوفهم مثل عيؤنى والاافضل واحدة على الثانية واعتقد كل ام كذ :) :) :)

مرحبا الساع عزيزتي عروس قديمه..

سؤالك مهم واعتقد ان مثل هالسؤال يجي ببال الكثير من الامهات..

اذكر اني باول ايام ولادتي كنت افكر بهالسؤال..

ومااخفي عليك اني كنت احس اني مابحب اولادي الجايين(ان شالله) مثل مااحب ابني الي عندي الحين..وفكرت اني ماجيب اطفال لاني مابغيت اظلم احد او افرق بالمعامله..بس مع مرور الاشهر حسيت اني متشوقه لمزيد من الاطفال..واني بحب كل اولادي طالما اني امهم :)


ماعشت التجربه طبعا لاجزم بالاجابه بس اتفق مع الاخوات انه مستحيل الام تفرق بالمعامله او بالحب بين اولادها!!




اختكم:
العصفور المهاجر