للأمهات الجدد .. تجرتبي الأولى و التفصيلية مع طلق الولد ؟؟؟

للأمهات الجدد .. تجرتبي الأولى مع طلق الولد ؟؟؟
لما كنت حامل كنت دايما أسأل عن الطلق وشلون يصير وشنو تحس الوحدة وهل الآلام قوية وايد بس محد كان يوصف لي الطلق عدل .. علشان جذي بوصف لكم تجربتي الدقيقة لكل وحدة تبي تعرف بالضبط شنو معناة الطلق ؟؟؟؟
يوم الطلق الظهر صادني شوية اسهال بس بدون ألم بس كنت أحس بتعب من الحمل واستغربت ورحت قلت حق امي وأمي قالت لي أكيد بتطلقين اليوم
المهم رجعت البيت ورقدت وقمت الساعة 7 في الليل وعقب حسيت بنقزات وألم في بطني مثل الوخز وسبحان الله ( لما يجيك الطلق تعرفين انه احتمال يكون طلق لأن ألم النقزات يكون أقوى
وتصاعدي ) واتصلت حق زوجي وقلت له تعال ودني المستشفى احتمال فيني طلق وهو ما كان مصدق خصوصا ان ولادتي تأخرت 4 أيام وانا من الشهر الثامن وأنا كله أتخيل ان فيني طلق
بس بصراحة لين ياج الطلق ما بيدلعج بتعرفين ان 100 % انه طلق لأن الألم في البطن مايتوقف
في البداية يروح ويرجع الألم بس بعدين .......... آآآآآآآآآآآآآآآآآخ الحمد لله أيام وراحت لحالها

ولما وصلت المستشفى شافوا اني انفتحت نص سانتي فقط ولما قالت لي الممرضة ماتيت من القهر وقلت لها كل هلأ لم وبس نص سانتي عيل لين صرت 9 سانتي شنو باسوي من الألم

المهم ماكنت أقدر أرقد على السرير من الألم كنت أحس أن أحد ماخذ كرة البولينج الحديد ويضربها في ظهري بلا توقف وكنت دايما على الأرض ولما مللوني الممرضات رحت الحمام وقفلت الحمام
وقعدت على الأرض أتألم باموت وقعدت أقول : شنو سويت أنا في روحي .. ياريتني ماحملت
وكنت أصيح وعقب نادوني وحطوا من ورا أنبوب وطلعو اللي في بطني كله بعدين حسيت بدقيقتين راحة فقط وردت الآلام الشديدة ترجع وعقب ضربوني ابرة للتهدئة والاسترخاء بس أي ابرة أي خرابيط مافي فايدة .........
والشي اللي ما انساه ابدا ان وحدة جزاها الله ألف خير قبل الطلق قالت لي عنابرة للظهر تستخدم للولادة من غير ألم
وكانت كل يوم تذكرني وتقولي رحتي حق دكتورتج علشان تكتب الابرة لج في الفايل وأنا كنت أطنش ومو مصدق الموضوع
بس الحمد لله اني رحت وقلت حق الدكتورة تكتب لي ابرة للظهر تستخدم للولادة من غير ألم في فايلي لأن المستشفى مايضربونها لج الا اذا كانت مكتوبة في الفايل وفعلا ضربوني هالابرة العجيبة بس شرط الابرة أن يضربونج اياها بعد ماتنفتحين 4 سانتي وقعدي عاد تعذبي كل هالوقت ، وكثير من الناس قالوا لي ليش ضربتي الابرة بعد 4 سانتي ترى مابقى شي وتولدين بس والله العظيم من شدة الألم كنت باضربها حتى لو باقي دقيقتين وبولد

صج صج الابرة عجيبة تخليج في عالم السعادة بعد ماكنت كأني في معتقل تعذيب وهاذ ي عبارة عن عدة ابر تضرب في مواضع الألم في الظهر بس مفعولها أكثر من رائع وصدق اللي قال الولادة من غير ألم .. حتى الممرضة بعد ما شافت من قبل صراخي وألمي وتعبي تقول لي بعد الابرة : happy وأنا قلت لها : very very happy واستغربت لما شافت ابتسامتي
والحمد لله الولادة بعد الابرة صارت سهلة .
وأنا قبل ولادتي سألت دكتورتي عن هاذي الابرة وعن مضاعفاتها ؟؟
قالت لي ان الابرة عادية ومافيها مضرة بس عاد 10 % من النساء اللي خذوها يصير لهم صداع دائم
والحمدلله رب العالمين .. أنا توكلت ع الله وخذيتها خصوصا ان نفعها أكبر من مضرتها