أرجوكم

حبيبت قلبي .,,
سمعني بقولج .,, الانفصاااال ما يصير على اقل الاسباب ..,, لان انتي باجر بتعيشين معاه وبتيبوون عيال وهناك المسؤليات بتكبر واايد وبصير مشكلتج هذي اللي ذكريتها ولا شي جدام المشاكل اللي بتواجهينها في العيال والدراسه والتربيه وغيرها .,,,

ف بدايتا اقولج شيلي فكرة الطلاق هذي من راسج بتاتا .,, لان صعب تنقال .,,


ثانيا ,,
حبيبتي .,, هاي المشكله اللي ذكرتيها يواجهونها حوالي 85 بالمئه من المتزوجات ..,,!! واللي على وجه الزواج بالتحديد .!!!
يعني انا مادري شنو اللي بيستفيدون منه الريايل غير الاثام اللي بتكسر ظهورهم يوم الحساااب .,,


حبيبتي ذكريه بزنى العين .,, وقولي له ان العين تزني .,, وان يوم القيامه راح يذكرون له اسماء كل بنت شاهدها في الفيدو عريانه ,, وبيقولون له انك زنيت معاها ,,!! وعذاب الزني في الأخرى عظيم ,, خل يحسب جم بنيه جافها عااريه .,, وخل يجوف العدد النساء اللي زنى معاهم .,, لان في الاخير ما راح يستفيد شي بالعكس راح يكسب اثام على شي ما يسووى .,,


انا ما بقول ان انتي مقصره معاه ,,, لان اصلن الرياييل لو تيصرين لهم يا دهينه لا تنكتين وتلبين له كل رغباته الجنسيه ,, بعد بيروح يطالع ... طبعا ما اعمم الكل . لا انا اقول معظهم اذا ما كان الاكثريه منهم ..,,

وذكريه ان زنى الانسان المتزوج يختلف تمام عن زنى الانسان العزوبيه .,, لان فيه رجم حتى المووت ( وهاي عذاب دنيوي ) ف ما بالج في عذاب الاخرره


حبيبتي لازم تواجهينه .. عشان يعرف غلطه .. ولازم تنصحينه .. عشان يعرف انج دريتي .. ,

لا تسكتين عنه ابد .. غيريه بيدج تراج تقدرين .,, لان ناس وايد مثلج ولله الحمد عرفوا حق رياييلهم .. لان نصحوهم بيطيب .,,

وقولي له لو ما حبي لك جان ما نصحتك ولا خفت عليك من عذاب الله .,, وقولي له ان هالشي يجرح مشاعرج ويعذبج ,,, لاني متأكده ان لو يحبج ويموت عليج راح يأثر فيه هالكلام لانج انجرحتي .,,

نصحيه .,,, وقولي له لا تخرب اعمالك الصالحه بيدك .,, لان شي يخرب على شي .,,

وقولي له بقصه اللي كل يعرفها واللي درسناها بأيام الابتدائي .,, بالمرأه اللي دشت النار والسبب قطه ,, يوم تحبسها في الغرفه بدون اكل ولا ماي .,, وبسبب هاي القطه دشت نار جهنم والجحيم .,, ف ما بالك انت اللي طالع افلام وصخه وبنات كاسيات عاريات شنو بيكون حسابك عند ربك وانت الي تدعي التدين !!!


خوفيه بالاخره والعذاب .,, وحسسيه بحبج له وخوفج عليه واقسم لج بربي اذا كلمتيه بطيب وبحنيه راح يتوووب .,, وقولي له صج ان الله غفور رحيم بس لا تنسى ان شديد العقاااب في نفس الوقت .,,


وطمنين شنو يصير معاج بعد مواجهتج له ..
وسالفه الكلينكس انا عرفت قصدج .,, للأسف خطيبج اذا ما لحقتي عليه ونصحتيه .,, باجر اذا تزوجتوا ما راح يحلس باللذه الجنسيه معاج وسمحي لي على الصراحه لان الدين ما فيه حيا .,,

راح اقولج ليش .,, لان حصل له تشبع حنسي بطريقه ثاااانيه .,, وكلش غلط .,, راح تخرب عليكم اهم جزء في الحياه الزوجيه واهيا الجنس


انشالله الله يهديه ويهدي شباب هالايام ., وعليج بالدعوه والاستغفار

وطمنين عليج حبيبتي